Populiarios Biblijos eilutės iš Matthew 2

Gai de masavaa olaadeu ne ulu i de hale laa, gai gilaadeu gu gidee de gaagaa ma dono dinana go Mary. Gai gilaadeu ga duuduli ga daumaha ange gi de ia. Gai gilaadeu ga hhuge alaadeu mee hagamogomogo ga gaavange gi de ia mee ngadi gaavange: go goolo, ma frankincense , aama myrrh .

Dua de haanau o Iesu i Bethlehem, go dahi aduhale o Judea, i de masavaa o de hodooligi go Herod, gai tilo, hanu daane heiangi ne loomai gi Jerusalem i baasi i dua, ga ssili ga hagataba, “I hee iai tama gu haanau laa, go de Hodooligi o de gau Ssuu? Gimaadeu ne gidee dono heduu i baasi dua, gai gimaadeu ga loomai ai nei e daumaha ange gi de ia.”

Gai de masavaa huu alaadeu ne gidee ai de heduu laa, gai gilaadeu gu malangilangi mmao.

Gai ne hagaago ange gi gilaadeu i de midi bolo gilaadeu gi dee aahe gi hulo gi daho Herod, gai gilaadeu ga aahe gi delaadeu henua i dahi haiava gee. Gai de masavaa o denga daane heiangi laa ne hulo gee ai, gai tangada de langi o TAGI MAOLUNGA ga hakide ange gi Joseph i de midi, ga hai ange, “Hidi age gaavee tamaa gauligi ma dono dinana, ma goodou hulo gi Egypt ga nnoho ai, ga dae ai gi dagu hai adu koe gi ahe mai, go hiidinga Herod e ssala tamaa gauligi e daa gi magau.”