Populiarios Biblijos eilutės iš XEIM: NGAUI" 26

Dalintis

Ngo wa naonhaung" we' daga" ngad nae" ngo wa naonhaung" Mao"So ngad nae". Amung: naonhaung" wa nga" nho: byu qe ngad: li" genae".

Mug:myid wa qhovo: qhoshi: thug' mung: shigae ashi: zaui: li" genae" qhid' mae" ngo wa jo ang: ra" ayo, mae mug: re qu nhao: ke' nae".

Naonhaung" nga" tarha" re cao" yang: kao so' daui: mung: nga" amyin" dao: jham re phug' cao" yang: ngad: ko" re

Ngo wa naonhaung" mung"dan: re ngaui pyo: yaug yo: ru byid: nae"- naonhaung" khag' rere: magyaug ca" lo: qo" yab: li" genae". Ngo wa gyaug: ci" ca" ra" gug'nyhug' jham alhab' re naonhaung" mung"dan: khug mae" yu: pye' byid: nae". Amung: ai: mung"dan: mae gyekhe' poe majo, lo nae" ngad: ra".

Ngo wa naonhaung" re shaman" byid: nae" amung: zo: dau myo: sho' qo" nhao nae". Ngo wa naonhaung" we' kad' to" ra" dao: thang" mae" nga" shad' mae" gu: re dao:so: zaung byid: nae".

Ngo wa naonhaung" jeim madoe; lo: genae" qhid' mae" Egutu mung" mae" naonhaung" re jhui" thug' lo: ra" naonhaung" Mao"So- ASANG ngad: ra". Ngo wa naonhaung" re zaui" zag: ci: ra" qam: so' re khyug' pye mung:- naonhaung" au: re myhao sho' tau: to' ci yang: naonhaung" re khyo su: nhao: ra"- ga: ta" ra".

Ngo wa nga" nho: gyang" lho" Zaung mae" naonhaung" phaung gaung: mae na nae". Ngo wa naonhaung" mae" khonhae" re: maphaug' lo" byaug nae".

ASANG wa- so sulho dakad' ge,- mangad: lao" khyao lho- laug zang- baung: dazhaug' mangad: lao"- caung:pa" byid: nae" laug zang re alho dakyaung" yu ge,. Ngo wa naonhaung" Mao"So ASANG ngad:

Naonhaung" nho: gaug zo yad: yu: ru wa saung" myo: saung" laug yang: aijham wa dazin: geim" dang: jo; li" nae". Ailao" naonhaung" wa gaug sag' ke' nae" jo, qo majo, yang: dang: jo; ra" gaug xug' jham re gag: shapye' ca" li" genae".

Naonhaung" ngo" yaug wa dayo zo: re qo" aung: pye' li" genae". Amung: dayo zo: wa datug zo: re qo" khe' aung: pye' li" genae".

Naonhaung" nho: qhovo: qhoshi: jham wa saung" gai saung" laug: li" nae" ngad mung:- sabyi shi: phyo' yu nae" ayo, joe" yang: lhao" re: naonhaung" wa gaug zo jham re yad: yu: na li" shi: genae". Amung: naonhaung" wa gaug dam: qho: yo, joe" yang: lhao" re: sabyi shi: jham re phyo' na: li" shi: genae". Naonhaung" gyi: gyi: baug baug qhug' zo" li" genae". Amung: naonhaung" mung"dan: khug mae gug: gam za: qo" na: li" genae".

Naonhaung" wa naonhaung" gyevo qere aung: pye' li" genae".

caung:pa" thung" we' sin" ra" poe jham re phug' cao" mung: ngore caung:pa" byid' ra" jo, qo re phug' te' nga: yhe' ge,. Ngo wa ASANG ngad: ra".