Populiarios Biblijos eilutės iš Ipilu 13

Dalintis

Nga'umengengi so ngaxolu lala­vulusi no anu isuisu so lamoli. Mi ma'ia ngeno'u mukalu la opo­ngengi u'osasou xo Mosinge molu muvi­kala lexe, “Eni axiunu tumali­loinge uasi mo apilixingengi so ngaxolu ta'oloxola uasi.”

Ilixo noxou Iesua Kalaisiti anu iou vilesisi tatei xe vaimomo 'o, la anu uxolu axonesi kaluxusou uasi.

Laso nenge ta'ume xo ma'ia, tavikala aloxo 'o, “Tatananenge anu mosou su'ulisilo laso eni a'ume uasi. Xo tamitema i'oxonu mi ma'ia noxilo?”

Mo kalakala­ngenge so nga'oxonu alauna uasi. Xe loxo tamitema isoti no anu mi vile la ngasu'uline'i. Laixe so nga'oxo axone xo ngingi a ngapilixinu mi vilela noxou Mosinge e u'osasou ane.

Laso utotomu no anu ualasou Iesua la ta'itinu Mosinge ualasou. Xo loxo tavikala laixesou Mosinge no anu ananenge axone la tapilixinu mi vile noxou ane u'osasou.

Xe no anu ngiou no anu taula'i la ngataxanu laixe mo ngailanu mi nuni'u no anu uasisi. Xo tamitema so ilixo nuni'u mo ane'i ane so ixola'u taula'i la Mosinge utilo­vosi'a mo ukoline'i.

Xe loxo taasila ixali la kalakalangenge uasi so ngavu'u­line'i. Aitengasinge ukisi noxi'a xo se'i mivu'uline'i taasila la mika­lavoi lexe tamitemamo, la uasi, ane'i ta'angelo ane.

Eni apilixingengi noxou Mosinge e mosou xoluxolu lala­vulusi. Anu mutulusou Iesua anu Tatananenge no anu soli. Iesua ne anu mupilixinu sialuxu so ulotone'i tasipisipiou mo usosovosou konita­laki ane kaluxusou uasi. Mutulu­sou laso Iesua muxali Itema Tila so usaxila'a tasipisipiou ne. Apili­xingengi noxou Mosinge xo anu a ulosinge mimi lailaixe so xoluxolu noxinge u'isalili no anu masaxa noxou. Xe mi ma'ia laixe no iou la anu upolonu noxou Iesua Kalaisiti so u'avutinoxu noxinge. Laso avikalangengi manina aloxo 'o, nenge ta'itinu ualasou Kalaisiti ulai ulai kaluxu uasi.