Populiarios Biblijos eilutės iš 1 Tesalonaika 5

Dalintis

Ioxe, ngaxolu opongengi u'osasi. Mo opongengi utulu so ngavi­kala noxou Mosinge utotomu. Mo loxo mi ma'ia uxali la ngavikalasou laixe noxou Mosinge. Xo masaxa noxou noxinge tamite­maou Kalaisiti Iesua axone.

Xe nexi talinga noxou Mosinge e mosou xoluxolu lalavulusi aloxo 'o. Anu uxalixu xoluxolungenge malemalenga avile. Mo anu uutululunu ulengengi mo tangengi mo vasimenge so xoluxolu noxinge pumuxusi. Mo so no voxosou lailivuxu Tatananenge Iesua Kalaisiti la mi vile masua uxolu noxinge uasi. La mimi ano'o Mosinge uxalixu ane. Xo anu molu mu'avalinge mo mi ma'ia ulemolu la umulinu u'isalili.

Mo loxo vile noxinge ususu­nixine la nini nasusunoxu so nakolinu uasi. Xavingengiou ilixo laixe no taingengi xe noxi'a tamitema mukalusi.

Laso ngingi vilevilesi ngama­matolangengi mo nga'oxonu pakia'inge ngato'o, a loxo ngala­vusou nga'oxonu ne.

Mo tavivixe, nexi tamasaxau ta'uvutinixinge aloxo 'o. Ta'ei noxinge ane loxo ipolo va'axu la ngalovonixi'a. Xe ane'i ane opone'i kalaua sevile la ngamamatolane'i. Xe ane'i loxo mamalaxa'a no anu lopala la nga'oxonu pakia'a. Xe noxi'a tavivinge mukalusi la opongengi tu'umaxu noxi'a palea uasi, nga'oxonu se'isisi noxi'a.

Xo Mosinge musosovosinge so taxalisou nene'axu la'ia noxou uasi. Musosovosinge so taxalisou nene'axu pamauli ane texalisou noxou Tatananenge Iesua Kalaisiti.

Ngingi tamitema so lamana xe asosi. Nenge tamitema so isivoxo xe olovoxo uasi.