Populiarios Biblijos eilutės iš Valoma 12

Dalintis

Mutanage ukwiga imivedzehedze gya pe naanyi apa. Nda haamu, mumuleke uNguluvi ahambusage inumbula dzeenyo, ukuta muvedzage na mahoodzo amapiya. Apo pe peene pe muhadza mwidzeela dze iikeela uNguluvi nu kudzidzeela inofu idzamukeeliidze, kangi ídzikwiliye.

Neke lino, vafuuwa vayangu, pakuva uNguluvi átuwoneesiidze ulupyana, ndikuvagongoola ukutigila, mwitawulage imivili gyenyo ngita wusembe wa ndiimwa indzumi, uwusembe uwiimike uwukumukeeledza uNguluvi. Ukwitawula ewo, ye ngʼaasi ya ndakyene iya kwifuunya kwa Nguluvi.

Mukeelage mu luhuuvilo lwenyo. Mwigugumidzage pe dzikuvaadzila inalamu, kangi muginage ukulapangila kwa Nguluvi.

Utanage ukulemelwa nu wuhosi we wiilimilwa na vaanu, nda haamu, uwulemage uwuhosi uwo wugendela wa kuvalimila inofu avaanu.

Mwiyendage yuunye ngita vanyalukolo. Nayula avaginiyage hiilo avayagwe ukulutila kye akwiginiya yumwene.

Uwende weenyo wutanage ukuvedza wa wukedusi. Muwuviipilage mbandu uwuhosi, nda haamu, mwinatilage inofu.

Mu miikalile gyenyo na vangi, mugimbage ukwikala mu lutengamaso na vaanu vonda.

Nye vende vanguanye! Mutanage ukulumbila umukole, nda haamu, ulo mumulekelage uNguluvi, pakuva uMutwa Nguluvi iilonga mu Wusimbe uWiimike iitigila, “Uneene ye mwene ye ndilaalumbila umukole.”

Mutanage ukuvedza vagata ukumutovela iligendwa uMutwa Yesu, nda haamu, mumutovelage iligendwa mu wupifu mwa Mubepo uMwimike.

Pakuva uNguluvi áameeliye ulusungu ukuvedza mutume vaakwe, ndikumulongela nayula umwenyo ukutigila, atanage ukwiwona ukutigila, iivagila ukulutila ngita kye agenda. Nda haamu, mwiwonage ukutigila, nayula ápeeliilwe nu Nguluvi ulufuuwo luulula.

Ngana avaanu vavalimile wuviifu, na yuunye mutanage ukuvapiluhidza imbiifu pa mbiifu. Nda haamu, mulimage inofu pa miiho ga vaanu vonda.

Mupuliingʼanage yuunye mwa yuunye. Mutanage ukwinunumula, nda haamu, mwiyisage nu kuhanga na vaanu avasili vatambule, kangi mutanage ukwiwona ukutigila muli nu luhalawukagudzi hiilo.

Kangi uWusimbe uWiimike wiitigila, “Ngana umutavangwa vaako ali ni ndzala, umupeelage ikyakuliya, kangi ngana ali ni ngʼelo, umupeelage ikinyuwo. Pakuva wone ulime ewo, lwivedza ngita úpaluliye umukala gwa mooto pa mutuwe apaakwe.”

Muvanyilikilage ulufuunyo kwa Nguluvi avaanu avakuvapumusa, muvafuunyililage, mutanage ukuvalekela ululeko. Mukeelanilage navo aviikeela, muvembanilage navo aviivemba.

Muvatangage avafuuwa vayeenyo ávakeepile, kangi muvedzage vasandzi ku vagendzi.

Ngita kye mwidzeela ukutigila, umuvili gumwinga guli ni fipagwa fyoloofu, neke kangi nakila kipagwa kili na malimo gaakwe. Luli ndeeni nagu muvili gwa Kilisiti. Uneefwe tuli fipagwa fyoloofu, neke kangi túvedzile muvili gumwinga pa kukamiingʼana kwesu nu Kilisiti. Mu muvili ugo, nayula akuvahuuvila avayagwe vonda.