Populiarios Biblijos eilutės iš Wlǔmɔ 12

Dalintis

Aǎ ne kmɔ̌ kukǔà nyopò tùu nee, kɛɛ aa dlǒ le sìɛnsiɛn bɛ bitǐ bo plě aa de nu kmɔ̌ bɛ bitǐ bo ɛ̈ di ɛɛ numa a mǐ dɛǒ monoo Nyesoaa kɛn wɔɔn dɛ ji klee dɛ monoo kàan klee dɛ ɛ̈ blee Ɔɔ plɔ plě ɛ̈ snǎ lěe mɔ̀le kpǎkpǎ.

Tèǒ nì kɔn tè ně bǐì Tentǎn Jǔu wǎn ane, ke ɛ toon jleě mǒ bo Nyesoa kɔnʼɔ wɔle je jbojbɛ keǒ a mɔ̀, Ě bɛ̀te ale, a nyee aa chɛ̀ Nyesoa wòje chɔ̀no ɛ̈ nee ngmà je plě ɛ̈ blee Ɔɔ plɔ. Dɛǒ nɛ̀ moo Ɔɔ konkwa ɛ̈ a blɛɛ je ba nuu.

Aa plɔ bɛ blo keǒ wlò je kunkuɛn mǒ. Bɛ̌ nu bo tǐ jakě bǐ diě, a kɔn wlò dbadbǎ tǐ wùɛ mɔ̀ a boɔě Nyesoa mɔ̀.

Nè sonwɛǒ dɛ kukǔ mɔ̀ mǒ ɛɛ̌ duiì wan, kɛɛ nu kàan dɛ keǒ bò du dɛ kukǔ wan.

A nonoɛɛ měne keà Nyesoa nyo klee a tùtuuǒ ble chɔɔ.

A noɛɛ nyopò tùu mǒ aǎ niǒ ně kɛn le. È a faen dɛ kukǔ a miǒ kàan dɛ mɔ̀ kwa blě.

A nu noǎ wùɛ a wɔ̀le je ba nuu a mǐ ně bo wnawna kɔn keǒ nyu wùɛ mɔ̀.

Ně nenawa, aǎ sɛ̀ kpa, nɛ Nyesoaa jlo bɛ nu ɛ keǒ a mɔ̀ ɛ̈ kɔn Koɔn win dɛ̌ bòo ɛ̈ moo, “Ně doà Mǒ blě kpě keǒ Bɔ̈ sà kpa. Nyopòǒ ɛ blɛɛ lee je nù kɔn plɔ Ě miǒ tu kɛn bo maěma.” (Deut 32.35)

A poě kbě a nu konkwa aǎ fnɛ̀, nu dɛ keǒ Nyesoa mɔ̀ klě aa kbě kɛn ne sùsu mǒ.

Nyesoa nyeě nyee dɛ ɛ̈ moo Ɔɔ mǒ noɛnoɛ keǒ aa wùɛ mɔ̀. Tèǒ nì kɔn tè Ě tmɛɛ̌ amo, aa nyu ně jě ɔɔ chɛ̀ nyu mǒ chɔɔ ɛɛ̌ sìnʼǒ le. Kɛɛ nyu wùɛ bɔ jě ɔɔ chɛ̀ɛ tǔnʼǒ ɔ neěe wlòmo, ɔɔ wlò bɛ bloo ɛ kɛn, ɛ klee tè wlò popoɛǒ Nyesoa nye amoo bi wonwɔɔ kɛn.

Aǎ sɛ̀ dɛ kukǔu kpa keǒ dɛ kukǔ mɔ̀. A tɛ̀n ɛ mǒ keǒ ba nu noǎ ïà nyopò wùɛ jěe ɛ̈ moo i moo kàan.

Win měne wonwɔ̌ɔa bɛ neɔ a slè. De jaě sùsu bɛɛ̌ neɔ a slè, kɛɛ nyopòà tìeǒ uu chɛ̀ ja u klee amoo sɔ̌n ba nenaa mǒ, aǎ jě lɛ ɛ̈ moo a kɔn tɔ̀n chɔɔ.

Tèǒ nì kɔn tè kě Nyesoaa win nu ɛ boɔboɔ ɛ̈ moo, “Bo sàno bɛ̌ ke nè jlae nyu ni, nye ɔ didi dɛ, bɛ̌ nu nenǎ to bɛ̌ ke ɔ ni, nye ɔ bɔ nǎ. Bò ke ɛmo dɛǒ ni, è tònweǒ pe ɔ̀ měne.” (Prov 25.21-22)

Nyopò bǔ ke aa tè mɔ̀ tè, a po u ngmna mɔ̀. Aǎ pe u chlǒ mɔ̀, kɛɛ a po u ngmna mɔ̀. Nyopòà kwɛnʼɛ plɔɔ bloblɛ, a be u kɛn a kɔn plɔɔ bloblɛ. Nyopòà chìnʼi sònwɛ a be u kɛn a chìn sònwɛ.

Dɛǒ a kɔnʼɔ a sàǒ ɛ kɛn a nye Nyesoaa nyopò ü see dɛɛ sàla kɔn. A kme nyopò jebo ü miě aa tà diba.

Äa do do ä kɔn blǒ fě ï kɔnʼɔ noǎ klɔkwlě, è ii dɛɛ do kɔn ɛ blěe konkwa ɛ nii. Dɛɛ doǒ nɛ̀ ɛ mono, äa fòfoa ü poo Tentǎn Jǔu tè kàan tè ä wǒ je fǒo do, äa do do ä kpokpae wlò wòje keǒ fǒo noǎ klɔkwlě nuu ǐ kpokpa lee wlò.