Populiarios Biblijos eilutės iš Judénge 11

Dalintis

Patiaibén – davá isyn zoraló (tvardo) džinybén dro dová, pe so aménde isyn nadiéia, so odová kerélape pherdés, i zoraló patiaibén dro dová, so isyn vari-savé čačipená pe svéto, mek ame na dykhasa len, pir davá patiaibén Devél pridžindia dophenybén amaré godé-phuréngiro.

Ne naštý te kerés kučes Devléske bi patiaibnaskiro, pal-dová so trej, sob (kaj) manúš, savó javdiá ke Devél te patial, so Jov i vaš odolénge, kon rodéla Les, Devél otdéla lačhipnása.

Jekhé patiaibnása ame ĥaljovasa, so saró svéto isyn sozdynó Devléskire lavésa, i so saró, so ame dykhasa, sys kerdó doléstyr, so nane bicialó.

Patiaibnása Avraámo, savó sys khardo te kandel i sys bičhadó te džal pe dová štéto, pal savó sys léske dynó lav te doresel paš; jov gijá i na džindiá, karik jov džálas. Patiaibnása jov lyjá te lodel syr javire – rigakiro manúš pir phuv, pal saví Devél dyjá lav léske; i jov dživdiá šatrénca Isaakosa i Jakovosa, savénge adiáke-pac' sys dynó lav te doresen paš khetané

Patiaibnása Nojo doresciá podrakhiben pal dová, so na sys džindló ni konéske; jov sventoné darása kerdiá kovčego i zrakhciá péskiri sém'ia (irí). Patiaibnása jov sendindia svéto, i Devél priĥalyja les čačipnaskire čhavésa pal léskiro patiaibén.

Patiaibnása Jenoho sys lynó pe bolybén, i jov na dykhciá meribén, i les nikón na mogindiá te lathel, pal-dová so Devél lyjá les. Ne angíl, syr Devél lyjá les, jov doresciá dophenybén, so jov kerdiá kučes Devléske.

Patiaibnása Avieljo jandiá Devléske fededýr svénto dyibén, syr Kaino; pir patiaibén jov doresciá dophenybén Devléstyr, so jov isyn čačunó manúš, kiéli Devél rakirdiá pal léskiro svénto dyibén i pir Péskiro patiaibén, syr i angledýr, Avieljo rakiréla aménge, mek jov uže myjá.

Patiaibnása Saara, savjate na sys čhavoré, saví adiáke-pac' doresciá sastypen, sob (kaj) te javén čhavoré láte, bijandiá tel phuripen, pal dová so joj dopatiandyja Odoléske, Kon dyjá lav.

jov užakirdia fóro, savó sys bangó (musindia) te javél pe zoraló fundámiento, saveskiro Devél Kokoró javéla arhitiektoro i javéla te kerél les.

Patiaibnása Mójza, kiéli jaciá baró, otphendiape te kharelpe Faraonóskire-čhakire čhavésa; i vykedyjá fededýr te pirilydžal mén'ki (muki) Devléskire manušénca, syr léste te javél baht pe nabaró časo grehosa, i xoliamó saben pal/pe Miesijáste (Xristosóste), savo pyja pe Leste korigedýr (pozžedýr), jov gindia vaš péske drogedyr saré Jegiptóskire kučipnástyr, pal-dová so jov dykhciá nadejása, so les užakiréla otdyibén Devléstyr. Patiaibnása jov gijá Jegiptóstyr i na darandyja kralískire xoliátyr; jov vyrikirelas duredýr saró, pal-dová so jov dykhciá angíl péste Odolés, Kon na sys bicialó.

Patiaibnása Avraámo jandiá Isaakos dro svénto dyibén, kiéli Devél propatiakirelas les; Devél dyjá lav i jov skedyjape te janel dro svénto dyibén péskire jekhore čhavés

Patiaibnása Raav (Rahab), biladžakuny džuvlý, na myjá khetané odolé manušénca, savé na kandyné Devlés, pal-dová so joj prilyjá Izrailjoskire poddykhibnaskiren (čorahanen), syr péskire malen.

Patiaibnása jone piriginé Loló mórjo (derjáv), syr pir šukí phuv; i kiéli Jegiptóskire manušá sprobindle adiáke-pac' te piridžan mórjo (derjáv), jone tasadyne.

Patiaibnása pyné Jerihonoskire vánty paló (poslie) dová, syr manušá obdžanas trusciál fóro pal eftá dyvesá.

Patiaibnása jov svenkindia Patradí i obmakhcia ratésa vudarengire kasiaki, sob (kaj) Meribnytko jangólo, savó muliakirelas pervoné bijatén, te na čilavel len.

Patiaibnása, so javéla angíl, Joza angíl péskiro meribén priripirelas Izrailjoskire čhavénge pal vygiiben Jegiptóstyr i priphendiá, so te kerén léskire kokalenca.

Patiaibnása Jakovo angíl, syr te merél, bahtiakirdiá Jozáskire (Iosifóskire) čhavén, terdijá pe čangá i pomangdiape Devléske, kiéli rikirdiape pal péskiro destó.

Patiaibnása Isaáko bahtiakirdiá Jakovós i Isavos.