Anị gbala kịkarị ye anie, ḍụọ ḅio in ḍiḅi tẹlẹma wararị olivu sịn ḅụ ịkpangị anyịma sin tẹ piri ḅio ngẹrị so-paka ye ḅẹ ịkpangị kẹ ḅo anị kiri ḍima, tẹ anị olivu sịn mẹ na gbọrụ ḅụ sime-ḅara. Ọmịnị Ja asịẹ ḅẹ apụ ma anị piri-ḅio ngẹrị so-paka olivu sịn mẹ na kịkam, tẹ mịọkụ Juu-ḅẹ-apụ ma na sọ tẹ kụrọtẹ tẹmẹ ḅụ ḅẹ ḍumo iḅi mẹ fịarị. Mie ḅụ ọmịnị Ja asịẹ ḅẹ apụ ma, ọmịnị ini anyịma siin sịn aḅara ma ḍiki-sima ma, gbala-gbala. Ndẹẹ ọmịnị inetẹ opu amịẹaị mịẹ ḅẹ ḅara? Ọmịnị anie sịn ḅara kịngẹ: ọmịnị kuno ma dogi-a — kuno ma rẹ ó dogi wararị.