Populiarios Biblijos eilutės iš Gálatas 6

Méxra̱ chrókꞌóxrjéhyani, chrókjuíchꞌeni ti nkehe jína, kixin ti tso̱xrjenhyani la ti ó tsjixraká ti ña̱o la tsotjáni ti nkehe jína.

Mé xi̱kaha nkochríxín chrókjuinki̱tsani kaín chojni, la ko a̱ntsí chrókjuinki̱tsani ti sin kíchóni tinkáchónki Ìnchéni.

Tsjínki̱tsara kichuara kixin jehya nkoko̱a chojni chrókuamá ti nkehe iye. Ndá ti xi̱kaha tjejochꞌera, la chaxín tjejonchexiteyára ti nkehe kꞌue̱to̱an Cristo.

Chꞌiyéhya a̱sánra, kixin ninkexró tsjachahya sichꞌiyehe Díos. Ti nkehe tsꞌe̱nka̱ chojni mé tíha tsotjá.

Ti nkexro tꞌe̱nka̱ ti nkehe jínahña, la ti nkehe jínahña kꞌue̱nka̱ sin, mé tsꞌenxín sin. A̱ndá ti nkexro tsꞌe̱nka̱ ti nkehe tjinkaon Ncha̱kuén Díos, la tsotjá sin ti kjuachón nkochríxín.

Kíchóni, ti kꞌuíkonra nkojín nkexro kjuasin ijie̱, la jahara chontara Ncha̱kuén Díos, chrókjuínki̱tsara sin chrónixjehéra sin nkojína, chrókónínkakuénhñara sin. La kja̱xin chrókóxakohanra kixin xi̱kahña chrókjuásinra ijie̱.

Kixin ti nkexro tjenka̱yáxin kixin imá tjetoan, ndá chaxínhña, la jehó chꞌiyehe a̱sén. Nkojnko chojni chróxraxinkaon á ncho̱xon tjejó o̱ náhí. A̱ndá ti ncho̱xon tjejó sin la chrókóchéhe̱ sin, la chrótsjehya sin nkexrín ichꞌe íjnko chojni kixin nkojnko chojni chrókuamá ti ixra̱ kjuajon Ìnchéni.