Populiarios Biblijos eilutės iš Aromayi 2

Ho gye ngye Shekwoyi ɓei da aza owa, Wo la hoi da fwa, hoi zhin aɓoho lo n hohin? Hota gye lo shi Shekwoyi zhin hakuri n hoi m? Ko ho ta kula lo ma? Hota gye lon, esaye vinya woi pmi ho to woi tahon, woi gaho sa ha pmi avun wu ho a laifin. Wo wuho alheri deye ntu ge haye abui nu.

To, kpesun, ho cilo ge, ʼaza, ukwoyi nu n na daɓo n ya. Amma lapmi, ho zhin oza laifi da nuce. Sanu n ha ci n cei ge ɓa zhin aza nukwoyi nu, kwoi bmiya lo a gaba tata, ho da hohin tukwo ɓo nu ce, ntuge ho zhin aɓeye lo ce.

Ntuge Shekwoyi zhin zaho-zahoyi ɓo n tna awyekwo.

Wo ɓei ta laifi aba n kwo nyi vinya. Wo ɓei ta ashan-gbayi, koda-yake, ɓato n Shekwoyi awyidna yi kashi lo n, gama nɓa bugba mi, ɓa kpe ɓe manayi yelo n nukwoyi. Shekwoyi awyidna kafi lo n ɓa bugba mi. Oɓa la-ami kwoi zunɓa kni. Ko kwoyi daɓa wa, Shekwoyi ɓei ta a Yahudiyi ntu ɓenukwoyi zhin ɓo, ntu ge ɓa n wo awyidna yi ka shi lo, ama to ɓai shi ɓa bwan. Ɓa kpe ɓe manayi ye, ama ɓata zhin kon. Ata ga aza gni-gni n ɓa kpeɓeye n naɓa zhin sai aza n ɓa zhin kwo.

Wo ɓei ga oza shi owa tnu-tnu a mu gawo n sun.

Ama wo ɓei ga aza tata n ɓa gni a papa n Shekwoyi gaiciya yi, ɓai zan-zan fi n na zokwo nukwoyi, aɓei ze Shekwoyi minagyi ya kpe ɓa.

Amma, fyeta kna tnubua lo n, fye ye minagyi nukwoyi zhi fyehin ntu fye abugba kala kpe ɓo, n ge fyeta pmi avun wu of ye alaifin. Minagyi nyipyei ɓelo n Shekwoyi ɓei da anyi vinya wa.