रोमीकु 16
16
ईङ पौलुस पखी तरअः जोहार
1किंख्रिया रअः कलीसिया रिनी से-सेवाई बहिन ताबु फिबे हुनी तरअः सिफारिस दिंग। 2ची आपे जे लकान ची पबितर होड़कु के उचित एदनाआ, हिना लकान हुंकू के परभु रे गरहन कुपे, जे रिती लकान परमेसर आलकु होड़ लःअय जुकूर एदनाआ, आउर जदि हुंकू के आपे आला दरकार लगाआ दो जामा बरन तरअः हुंकू के मदाईत कुपे, एता लःअय ची हुंकू ढेर होड़ के आउर ईङ के होः मदाईत तदिङाकु।
3 #
प्रे.कामी 18:2
प्रिसकिल्ला आउर अक्विला के ईङ आला जोहार। हुंकिन ईसु ख्रीस्त रे ईङ आलकिन साँघे कामी वाला गाती हेके। 4हुंकू ईङ आला जीव बबनचाव लःअय आकु आला जीव के खतरा रे घलाव केदाकु, आउर ईङ एकला कोवान बकिर एटाअ जाईतकु आला जामा कलीसिया रिनकु होः हुंकू आला धन्यवाद एमेआकु। 5हुंकिन ओड़ाअ रे जवारोआकु होना कलीसिया के होः जोहार। एसिया रे ख्रीस्त आली पहिला होड़ दुलार एपैनेतुस के जोहार। 6आउर मरियम के होः जोहार जे आपे लःअय कठिन मेहनाईत लःअय। 7अन्द्रुनीकुस आउर जुनियस के जे आले आलकु कुटूम हेके आउर ईङ लो: जेहेल ताही नाकिन, आउर प्रेरितकु रे नामी हेके जे ईङ तरअः पहिल रे ख्रीस्त रे हीःग नेनाकिन हुंकिन के जोहार। 8परभु रे ईङ आली दुलार अम्पलियातुस के ईङ आला जोहार। 9ख्रीस्त रे ईङ लोः साँघे ककामी वाला उरबानुस आउर अपन दुलार स्ताखुस के जोहार। 10ख्रीस्त रे मजगुत अपिल्लेस के आउर अरिस्तुबुलुस आला ओड़ाअ रिनकु होड़ के जोहार। 11ईङ आली कुटुम हेरोदियोन के जोहार। नरकिस्सुस आला घराईता रिनकु के जे परभु रे एदान कुआ, हुंकू के जोहार। 12परभु आला सेवा रे ककामी वाला तुरूफैना आउर त्रुफोसा बहिन किन के जोहार, दुलार बहिन पेरसिस के जोहार, जे परभु आला से-सेवा रे अगम ककामी वाला हेके। 13#सं.मर 15:21रुफुस के जे परभु रे निबाड़ लिनी हेके, आउर हुनी आली एंगाते जे ईङ आली होः आया लगाआय, बनाहोड़ के जोहार। 14असुंक्रितुस, फिलगोन, हेरमेस, पत्रुबस आउर हिर्मास, आउर हुनी आलकु गातिते तिकु बिसवासी बोकोकु के होः जोहार। 15फिलुलुगुस, बहिन जुलिया, नेर्युस आउर हुनी आली बहिन उलुम्पास के, आउर हुंकू आलकु जामा गाती पबितर होड़कु के जोहार।
16पबितर दुलार तरअः हुनी-नुई के आपास रे जोहार कुपे।
आपे के जामा ख्रीस्त कलीसिया पखी तरअः जोहार।
आखरी सलाह
17बोयहाकु, ईङ आपे तरअः गोहराअ तनिङ ची आपे जे सिकछा नाम तदापे, होना रेनअः उलटा सिकछा एमेआकु आउर छिट-फुट कुआकु आउर ठोकोर एमोअ रअः कारन पाड़ी योआकु, हुंकू तरअः चौंचित ताहिनापे आउर लंका ताहिन पे। 18एता लःअय ची नोकान होड़ आबु आली परभु ख्रीस्त आला कोवान, बकिर अपन लाहीःग रअः सेवायाकु, आउर सिबील-सिबील बात तरअः आउर बड़हाव-चड़हाव केते सोझ-सोझांड़ होड़कु आला मन के भटकाव गुल तअकु। 19आपे आला हुकूम अआयुम रअः बारे जामा होड़ पाड़ी केदाकु, हिना लःअय ईङ आपे रअः बारे रे रिझोईंग, बकिर ईङ नोःआँ चहाईंग ची आपे भलाई लःअय बुधीमन बकिर बुराई रेनअः बारे रे सीधा-सधा तहिनपे।
20सानती रिनी सोंत परमेसर झटेगी सैतान के आपे आला जांगा लतार तिका सेरेःड कियाय।
आबु आली परभु ईसु ख्रीस्त आला दया आपे एड़े हुयाअः।#16:20 नोःआँ पद चोबीस पद रे लिखायोअ केना। जामा तरअः मारी पुथी रे लिखा लअः रे नोःआँ नेनेन ठाँव रे लिखा ताना।
21 #
प्रे.कामी 16:1
ईङ लोः साँघे ककामी वाला तिमुथियुस आउर ईङ आली जाहुदी साँघे ककामी वाला लुकियुस, यासोन आउर सोसिपत्रुस पखी तरअः आपे के जोहार।
22नोःआँ पौलुस पखी तरअः चिठी के लि-लिखा रे मा-मदाईती, ईङ तिरतियुस आपे के परभु रे जोहार।
23 #
प्रे.कामी 19:29; 1 कुरि 1:14;
2 तिमु 4:20
गायुस आला, जेकर दुबाःड़े ईङ गुतीया ईदानीङा आउर जेकर ओड़ाअ रे कलीसिया रिनकु जामे अराधनायाकु, आम के जोहार, इरास्तुस जे सहर रिनी भंडारी हेके, आउर बोको क्वारतुस आला आम के जोहार। 24#16:24 20 पद के नेलेपे। थोड़ेक युनानी किताःब रे जोड़ाव तदाकु “आबु आली परभु ईसु ख्रीस्त आला सानती आपे जामे लोः ताहिन। आमीन”
परमेसर आला इसतुती
25ईङ आला बेस खभाईर आउर ईसु ख्रीस्त आला परचार रेनअः मोताबिक आउर जुग-जुग तरअः उकू उना भेद रेनअः मोताबिक जे मरसल रे हीःग ताना होना मोताबिक परमेसर आपे के मजगुत बनाव दाड़ी सकाव पेआय। 26होना भेद नहाअः आगमजानीकु आला लिखा लअः बचन तरअः मरसल रे हीःग नेना। आउर जुग-जुग रिनी परमेसर आला हुकूम मोताबिक जामा जाईत रिनकु होड़कु आला ताला रे उदूः लआ एदनाआ जेकर से जामेकु बिसवासेकु आउर मनाअ कु। 27ख्रीस्त ईसु तरअः हुनी मियांड ठुका बुधीमन परमेसर आला महिमा जुग-जुग हुयाव एकान! आमीन।
Oyo Eponami Sikoyo:
रोमीकु 16: ASR
Tya elembo
Kopya
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2023 NLCI CC BY-NC-ND 4.0