संत.जोहन 11
11
लाजरुस आला गोजोअः
1 #
सं.लुका 10:38,39 मरियम आउर हुनी आली बहिन मरथा भेड़ा आला डिही बैथनिया रिनी लाजरुस नुमू रिनी मियांड होड़ बेमार ताहिनाय। 2#सं.जोह 12:3नुई हिनी मरियम थिनाय जे सोहों सुनूम परभु रे लगाव केते हुनी आला जांगा के अपन ऊ:ब तरअः जोःड थिलाआय, नुई आली बोको लाजरुस बेमार थिनाय। 3हिना लःअय बहिन ते तेकिन ईसु के कंहड़ी गोःड लअकिन, “परभु नेलेमे जेके आम दुलारियाम हुनी बेमाराय।” 4नोःआँ आयुम केते ईसु कंहड़ी लःअय “नोःआँ बेमार गोजोअः लःअय कोवान, बकिर परमेसर आला महिमा लःअय हेके ची होना तरअः परमेसर आली होपोन आला महिमा हुयाअः।” 5ईसु, मरथा आउर हुनी आली बहिन ताय मरियम आउर लाजरुस के दुलार कु केनाय। 6नोःआँ आयुम केते ची लाजरुस बेमाराय, जे एड़े हुनी ताहिनाय होनाःड़े बरसिङ आउर ताहिः नाय। 7नोःआँ तयोम हुनी अपन चेलातय के बेता लिकुआय “एला आबु फिन जाहुदिया सेनाबु।”
8चेलाकु हुनी के बेता लियाकु “हे गुरू” “थोड़ेक दिन पहिल दो जाहुदीकु आम के टुकू रे छेछोम गोगोएःग नाम केनाकु, आउर आम फिन हेड़े सेनोः नाम तनाम?” 9ईसु कंहड़ी रूवाड़ोः लिकुआय “दिन रे बारा घंटा का हुयाआ एतान? जे दिन रे सेनाय हुनी काय तोहोडोआ, एता लःअय ची नोःआँ दुनिया रेनअः मरसल के नेलेआय। 10बकिर जे निदा सेनाय हुनी तोहोडोआय, एता लःअय ची हुनी रे मरसल कनोआँ।”
11नुमिन कंहड़ी केते हुनी फिन हुंकू के बेता लिकुआय, “आबु आली गाती लाजरुस निन्दोः तनाय, ईङ हुनी के फाफटीईग तोराईङा।” 12तब चेलाकु हुनी के बेता लियाकु “हे परभु जदि हुनी निन्दोअ तनाय दो छुटाव आमीन कोआय।” 13ईसु दो हुनी आला गोजोअः रअः बारे कंहड़ी थिलाआय, बकिर हुनी आलकु चेलातय निन्द रे गिती:ग जुनोः रअः बारे रे कंहड़ी लःअय, समझअ केनाकु 14तब ईसु हुंकू के सफा-सफा उदूः लिकुआय “लाजरुस गोएःग नाय। 15ईङ आपे चलते खुस एदानिङा ची ईङ होनाःड़े काईंग ताहिना, जेकर से आपे बिसवास सकायापे, बकिर नहाअः दो एला आबु हुनी दुबाःड़े सेनाबु।”
16तब थोमस जे दिदमुस बेताई केनाकु अपन गाती चेलाकु के बेता लिकुआय “एला आबु होः हुनी लोः गोजोअः लःअय सेनाबु।”
ईसु क-अन्तोः जिनगी एमोअ वाला
17होनाःड़े सोदोर नाय दो ईसु के पता चलाव ना ची लाजरुस के मारघटा रे दोहो लिया चाईर रोज हुयाव चुकाव ना। 18बैथनिया जिरोसलेम तरअः मि-कोस तरअः होः थोड़हे लंका ताहिना, 19हिना लःअय हुनी आलकिन बोको आला गोजोअः रे ढाढ़स एमोअ लःअय ढेर जाहुदी मरथा आउर मरियम लोः भेंटोः हीःग थिनाकु। 20जाइसने मरथा ईसु दराईया के आयुम लःअय हुनी ईसु लोः भेंटोः सेन नेनाय। बकिर मरियम ओड़ाअ रेगी दुड़ूः थिनाय। 21मरथा ईसु के बेता लियाय “हे परभु जदि आम नोआँड़े ताहिकोआम दो बोको तिङ एरे गोएःग ताहिकोआ। 22आउर नहाअः होः ईङ पाड़ीईंग ची आम जहान होः परमेसर तरअः कोयाम परमेसर आम के एमा केमेआय।” 23ईसु हुनी के बेता लियाय “आम आली बोको फिन जिवीःड बिरिःड कोआय” 24मरथा हुनी के बेता लियाय “ईङ पाड़ीईंग” ची “आखरी हिला रे जिवीडोः रअः बेरा हुनी जिवीःड-बिरिःड कोआय।” 25ईसु हुनी के “जिवीःड-बिरिडोः आउर जिनगी ईङ हेके, जे ईङ रे बिसवासेआय हुंकू गोजोआकु रे होः जिवीःड कोआकु। 26आउर जे ईङ रे बिसवास-यअते जिवीःडोआय हुनी जुग-जुग एरे गोजोआ। आम नोःआँ बात रे बिसवासे-आम एतान?” 27हुनी कंहड़ी रूवाड़ोः लियाय “हाँ परभु” “ईङ पुरा बिसवासेईंग ची आम परमेसर आली होपोन हुनी ख्रीस्त हेके जे दुनिया रे हिजोअ वाला ताहिनाय।”
ईसु ईयाम लःअय
28नोःआँ कंहड़ी केते हुनी सेनोः नाय आउर अपन बहिन मरियम के राअः केते सिड़िःग-सिड़िःग बेता लियाय, “गुरू हीःग नाय आउर आम के राअः देमेआय।” 29नोःआँ आयुम तोरन हुनी तुरते बिरिःड नाय आउर ईसु लोः भेंटोः सेन नेनाय। 30ईसु नहाअः जगुत डिही काय बोलो थिना। हुनी हिना ठाँव रे ताहिनाय, जे एड़े मरथा हुनी लोः भेंट थिनाय। 31तब जे जाहुदी हुनी लोः ओड़ाअ रे थिनाकु, आउर हुंकू के ढाढ़स एमा कु केनाकु नोःआँ नेल केते ची मरियम तुरते बिरिःड केते, बाहरी सेनोः नाय। हुनी के ओतोङ लियाकु एता लःअय ची हुंकू समझाअ केनाकु ची हुनी ईईयाम लःअय मारघटा रे तोराईया। 32जब मरियम होना ठाँव रे सोदोर नेनाय, जे एड़े ईसु ताहिनाय, दो हुनी के नेल तोरन हुनी आला जांगा तरी रे इकड़ुम केते बेता लियाय, “हे परभु जदि आम नोआँड़े ताही ताकोआम दो बोको तिंग एरे गोएःग ताहिकोआ।” 33जब ईसु मरियम के आउर हुनी लोः हीःग उनकु जाहुदीकु के ईईयाम नेल लिकुआय, दो आतमा रे मुरुक हदियाव नाय आउर उदास नाय। 34आउर बेता लिकुआय “आपे हुनी के ओकाःड़े दोहो तदियापे?”
हुंकू हुनी के बेता लियाकु,
“हे परभु दु आउर नेलीमे।”
35ईसु ईयाम केदाय।
36नोःआँ रे जाहुदीकु कंहड़ीः दाकु “नेलीपे हुनी, हुनी के ओकिन दुलारी केनाय।”
37बकिर थोड़ेक होड़ कंहड़ी लअकु। “नुई दो अंधरा के मेःड एमा लिकुआय, एतान हुनी, लाजरुस के गोजोअः तरअः बा-बंचाव एरे दाड़ी ताकिया एतान?”
लाजरुस के जि-जिवीःड
38ईसु फिन मन रे मुरुक उदास केते मारघटा रे हीःग नेनाय, होना मियांड मांड़ा थिना आउर मियांड टुकू के होना रअः दुवार रे हाड़े:ड लअः ताहिना। 39ईसु बेता लिकुआय “नोःआँ टुकू के ओचोगेपे।”
गोएःग उनी आली दाईते मरथा हुनी के बेताअः दियाय “हे परभु नहाअः दो सोहों तनाय हुई तिसिंग चाईर रोज हुयाव ना।”
40ईसु हुनी के बेता लियाय “ईङ आम के जदि आम बिसवासे-आम दो, परमेसर आला महिमा के नेल केआम काईंग बेता थिलमेआ एतान?”
41तब हुंकू होना टुकू के ओचोअ लअकु। ईसु मेःड तेंग बिरिःड केते “ए बाबा, ईङ आम के धन्यवाद एमाअ दिमीईंग ची आम ईङ आला के आयुम केदाम, 42ईङ पाड़ी किनिङ ची आम जामा बेरा ईङ आला आयुमेआम, बकिर चौकरीदा तुन्दरा होड़ तिंगु थिनाकु रअः चलते नोकान कंहड़ी लाईङ, जेकर से ची हुंकू बिसवासेकु ची आम ईङ के कुलगोःड तदिङाम।” 43नुमिन कंहड़ी केते हुनी जोर से हकाव लियाय “ए लाजरुस बाहरी उडुंग हिजोअ में।” 44गोएःग उनी बाहरी उड़ूंगनय, हुनी आला तीः जांगा रे कफन तोल लअः थिना, आउर हुनी आला मेःड मुहांड़ रे गमछा तरअः लेपटाव लअः ताहिना। ईसु होड़कु के “नुई आला तोल लअः के रड़ायपे आउर दांड़ाः चिपे।”
ईसु के गोगोएःग रअः कुमैटी
(संत.मत्ती 26:1–5; संत.मरकुस 14:1–2; संत.लुकास 22:1–2)
45तब जे जाहुदी मरियम लोः हीःग थिनाकु आउर हुनी आला नोःआँ काम के नेल थिलाअकु, हुंकू मेसे ढेरकु ईसु रे बिसवास लअकु। 46बकिर हुंकू मेसे थोड़ेक, फरीसीकु दुबाःड़े सेन केते ईसु एतान तदाय के उदूः लिकुआकु। 47तब महापुरोहित आउर फरीसीकु पंचोरा सभा राअः केते बेता लिकुआकु “आबु एतानेआबु? हुनी होड़ दो ढेर चिनहा उदूगेआय। 48जदि आबु हुनी के नेकान गी बाईयाबु दो जामाकु हुनी रे बिसवास केआकु, आउर रोमी रिनकु हीःग केते आबु आला ठाँव आउर जाईत बनार के नठाव केआकु।”
49तब हुंकू मेसे मिहोंड़ जेकर नुमू कैफस ताहिना आउर जे होना बरीस रिनी बड़े पुरोहितकु आली जामा तरअः बड़े पुरोहित ताही नेनाय, हुंकू के बेता लिकुआय “आपे एतान होः कापे पाड़ीआ, 50आउर आपे नोःआँ कापे समझअ ची आबु आला भलाई निआँ रे एदनाआ ची होड़कु लःअय मिहोंड़ होड़ गोजोअय आउर जामे जाईत आलकु नसोअ।”
51हुनी नोःआँ बात अपन पखा तरअः काय कंहड़ी लअः, हुनी होना बरीस रिनी बड़े पुरोहितकु आली जामा तरअः बड़े पुरोहित हुयाव केते आगमजानी लःअय ची ईसु जाईत लःअय गोएःग कोआय। 52आउर ना जाहुदी जाईत लःअय भाईर, बकिर नोःआँ लःअय होः ची परमेसर आलकु छितीर-बितीर चेंगाकु के मिजुट-कुई।
53हेनेन हिला तरअः ईसु के हुमाअ गोगोएःग रअः विचार लअकु।
54हिना लःअय ईसु हिमीन बेरा तरअः जाहुदीकु ताला रे देखार रे हिजोः-सेनोः बाई केदाय। बकिर होनाःड़े तरअः बुरु रेनअः हेनाःड राईज रअः इफारईम नुमू मियांड सहर रे सेन नेनाय आउर अपन चेलातय लोः हिनाःड़े ताहिनोअ केनाय।
55जाहुदीकु आला पासका परब हेनाःड थिना आउर ढेर होड़ पासका तरअः पहिल सुधोअ#11:55 सुधोअ जाहुदीकु परब तरअः पहिल जिरोसलेम सेन केते सुधोअ केनाकु लःअय देहात तरअः जिरोसलेम सेन नेनाकु। 56-57महापुरोहित आउर फरीसीकु नोःआँ हुकूम एम तदाकु, ची जदि जाहें नोःआँ पाड़ी ची ईसु ओका:ड़िया, दो उदूगेकु जेकर से ची हुंकू सा:ब दड़ीकु। हिना लःअय हुंकू ईसु के नाम बड़ाअ दियाकु, आउर बड़े बिनती ओड़ाअ रे आकु-आकु कंहड़ी ऊपड़ीङोअ तानाकु “आपे आला एतान विचार एदनाआ? हुनी परब लःअय काय दराईया?”
Oyo Eponami Sikoyo:
संत.जोहन 11: ASR
Tya elembo
Kopya
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2023 NLCI CC BY-NC-ND 4.0