प्रेरित.कामी 5
5
अनानियस आउर सफीरा
1हनानियस नुमू रिनी मियांड होड़, अपन आउराईत सफीरा लोः सलाह केते, मियांड ओत के आखरिंग लआकिन। 2तेकर होना ओत रअः दाम मेसे थोड़ेक के दोहो केते, होना रअः मि हिस्सा के प्रेरितकु आला मड़ांग रे आगु केते दोहो लःअय, ओड़ाअ रअः दोहो लअः दाम के गोमकाईन तेहोअ पाड़ी केनाय। 3“ए हनानियस, सैतान आम आला मन रे नोकान बात एतान लःअय पेरेःग लःअय, ची आम पबितर आतमा तरअः झुठा कंहड़ीयाम, तेकर ओत रेनअः दाम अपन लःअय कटिःग बंचाव केते दोहोयाम? मेन केते पतरस बेता लियाय। 4जे बेरा जगुत होना ओत आम दुबाःड़े ताहिनेना, आम आला का ताहिनेना एतान? आउर जब आखरिंग ना दो आम आला हक रे का ताहिनेना एतान? आम अपन मन रे नोकान एतान लःअय उईहार लआम? आम होड़कु के कोवान, बकिर परमेसर तरअः झुठा कंहड़ी तदाम!” 5नोःआँ बात के आयुम तोरन हनानियस नुर नाय, तेकर हुनी आला जीव ताय उडुंग ना। तेकर जामा आ-आयुमकु रे बोर भिनाव ना। 6आउर कोड़ाकु हुनी के तुलाङ केते, कफन गेन्दरअ रे मेरहाव लियाकु आउर तुलाङ केते बाहरी उडुंग लियाकु, तेकर मारघटा रे तेपेःड तु लियाकु।
7पे घंटा तयोम लकान, हुनी आली गोमकाईन ते जे हुयाव ताही नेना के काय पाड़ी केना, भीतरी हीःग नेनाय। 8“ईङ के उदूः गेमे ची, होना ओत के निमने रेगी आखरिंग थिलाआबेन एतान?” मेन केते पतरस हुनी के कुली लियाय।
“हाँ, निमने रेगी” मेन केते आउराईत कंहड़ी रूवाड़ लःअय।
9हिमीन रे पतरस आबेन बनाहोड़ परभु आला आतमा के परीकछा लःअय, “एता लःअय सलाह नेना बेन? आयुमेमे जे होड़कु हेरेल ताम के तेतेपेःड सेन थिनाकु हुंकू दुवार दुबाःड़े दाराकुआ, आउर नहाअः दो आम केहोः बाहरी ते ईदी केमेआकु” मेन केते बेता लियाय। 10हुनी हेने घड़ी हुनी आला जांगा दुबाःड़े नुर नाय, आउर हुनी आला जीव होः उडुंग ना, आउर कोड़ाकु भीतरी हीःग केते गोएःग ऊनी नाम लियाकु, आउर बाहरी ईदी केते, हुनी आली हेरेल ताय दुबाःड़े गाड़ा लियाकु। 11जामा बिसवासी कलीसिया रे तेकर नोःआँ बात के आ-आयुमकु जामे एड़े मुरुक बोर भिनाव ना।
चिनहा आउर छकरित काम
12प्रेरितकु आला तीः तरअः आगम चिनहा आउर छकरित कामी, होड़कु आला ताला रे हुयाअः केना। आउर हुंकू जामा बिसवासीकु मि-चित्त केते सुलेमान आला ओसरा रे जवारोः केनाकु 13एटाअ होड़ मेसे ओके केहोः हुंकू लोः मेसायोः लःअय डिड़ का हुयाअः केना सेरे होः एटाअ होड़ हुंकू के मरजाईद कु केनाकु 14बकिर हुंकू ढेर हेरेलकु, आउर आउराईतकु, परभु एड़े बिसवास केते, परभु आला कलीसिया रे अगम होड़ मेसा सेनोः केनाकु 15नोःआँ रेनअः नातिजा नोःआँ हेके, ची होड़कु बेमराहा के संड़क दौंड़ी रे, ची जे बेरा पतरस होनते तरअः हिजोआय दो, हुनी आला ऊम्बुल भाईर होः हुंकू मेसे जाहें एड़े होः, पड़ाआ मेन केते खटिया आउर पटिया रे आगु केते गितीःग गुल ताकु केनाकु 16जिरोसलेम हेनाःड तअः सहर तरअः होः, ढेर होड़कु बेमराहा तेकर असुध आतमा सःब लिदकु के आगु कु केनाकु, आउर हुंकू जामा बेमराहा बेस जुनोः केनाकु।
प्रेरितकु के जे जेहेल तेकर छुटकानी
17नोःआँ नेल केते महापुरोहित आउर हुनी आलकु गतीते तेकु, सदुकी खुड़हा रिनकु हिसंगा ते लोयोअ केनाकु 18आउर हुंकू प्रेरितकु के सःब केते, जेहेल रे घलाव किदकुआकु, 19बकिर निदा परभु आली मियांड सिरमादूत, जेहेल रअः दुवार जिःग केते, आउर बाहरी आगु केते बेता लिकुआय, 20“जु सेनपे तेकर बड़े बिनती ओड़ाअ रे तिंगु केते, नोःआँ नावाँ जिनगी रेनअः जामा कंहड़ी के होड़कु के सुनाव-ओकूपे।” 21हुंकू नोःआँ आयुम केते, निदवायोअ तोरन बड़े बिनती ओड़ाअ रे सेन कोओते, उपदेस एमा कु केनाकु, बकिर महापुरोहित आउर हुनी आलकु गाती हीःग नेनाकु।
दो हुंकू बड़े पंचाईत के चाहे इसराइली नेताकु आला बड़े पंचाईत रिनकु के सभा राअः लिकुआकु। आउर जेहेल तरअः हुंकिन के आ-आगु लःअय, चापरासीकु के कंहड़ी भेजाव लिकुआकु। 22बकिर सिपाहीकु होंड़े सेन सोदोर केते, होंड़े जेहेल रे हुंकू के काकु नाम लिदकुआ, आउर रूवाड़ सेन केते खभाईर एमा लिकुआकु ची, 23“आले जेहेल ओड़ाअ के बेस केन मकड़ी लआ, तेकर सिपाहीकु के दुवार रे तिंगु उनकु नाम लिकुआले बकिर जी:ग लआले दो, भीतरी रे ओके होः काकु भेटाव नेना!” 24नोःआँ आयुम केते, बड़े पुरोहितकु तेकर बड़े बिनती ओड़ाअ रिनी सरदार हुंकू एतान नाकु नोःआँ सोंचाव केते बड़ा चिन्ता रे पड़ाव नाकु। 25हिमीन रे जाहें हीःग केते, नेल कुपे “जेके आपे जेहेल रे घलाव थिलकुआपे, हुंकू होड़ बड़े बिनती ओड़ाअ रे तिंगु कोअते, होड़कु के उपदेस एमाअ दिकुआकु!” 26हिमीन रे सिपाहीकु आली सरदार, सिपाहीकु लोः सेन कोअते हुंकू के आगु लिकुआकु, हिना लःअय हुमाअ-हुमाअ काकु आगु लिदकुआ। एता लःअय ची हुंकू होड़कु के हुंकू रे आलकु छेछेछोम कोओ मेन केते बोर केनाकु।
27हुंकू, हुंकू के आगु केते, बड़े सभा रअः मड़ांग रे तिंगु लिदकुआकु, हिमीन रे महापुरोहितकु हुंकू के कुली लिकुआकु। 28#सं.मत्ती 27:25“आले आपे के नोःआँ नुमू रे आलपे उपदेस के मेन केते चेताव केते, हुकूम काले एमा थिलआ एतान! सेरे होः नेलेपे गोटा जिरोसलेम के अपन उपदेस रे पेरेःग केदापे, आउर हुनी होड़ के गो-गोएःग रअः भार आले आला बोहोअ तेङ रे तेतेंगड़ा नाम तनापे!”
29हिमीन रे पतरस आउर एटाअ प्रेरितकु, होड़कु आला हुकूम तरअः बाईढ़ केते, “परमेसर आला हुकूम के मनाअ आले लःअय, जादे दरकार एदनाअ, मेन केते कंहड़ी रूवाड़ोः लिकुआय। 30आपे ईसु के कुरूस रअः काठ रे ठोकाव केते गोएःग थिलयापे, बकिर आले आलकु पुरखावती रिनकु आली परमेसर ईसु के जिवीःड बिरिःड लियाय। 31हिनी ईसु के, परमेसर राईज चलावी आउर उ-उधार अवला रेनअः, जामे तरअः बड़े पद एम केते, अपन जोम पखा दुड़ूः तदियाय, जेकर से ची इसराइल के मन रूवाड़ आउर पाप छमा एमा कुआय। 32नोःआँ कंहड़ी रेनअः आले गोवाह एदान लेआ, आउर पबितर आतमा होओ। जेके परमेसर हुंकू होड़ के जे हुनी आला हुकूम के मनाआकु के पबितर आतमा रअः बराकाईत एमा तडकुआय।”
33नोःआँ आयुम केते बड़े सभा रिनकु होड़ मुरुक जोर खीस नाकु, आउर प्रेरितकु के गोगोएःग नाम केनाकु 34बकिर गमलिएल नुमू रिनी मियांड फरीसी, जे मुसा आला कनहुन सि-सिखावकु आउर जामे होड़कु रे आदरनीय होड़ ताही नेनाय, बड़े सभा रे तिंगु केते प्रेरितकु के मि-घड़ीक लःअय, बाहरी ते उड़ूंगोः आचु लिकुआकु, 35हुंकू के उ-उडुंग तयोम, “ए इसराइली बोकोकु, आपे नुकू लोः जे कुछ कामी नाम तनापे, होना के सोंचाव-समझाव केते इयायपे मेन केते, बड़े सभा रिनकु होड़ के बेता लिकुआय। 36एता लःअय ची थोड़ेक दिन पहिल रे, मियांड थियुदास ईङ होः बड़े होड़ हेके मेन केते बिरिःड नेनाय, आउर चाईर साय होड़ लकान हुनी पखा नेनाकु, बकिर हुनी के गोएःग लिदयाकु, आउर जेतना होड़ हुनी के मनाअ केनाकु जामा छितीर-बितीर केते, आउर मेटाव नाकु। 37होना तयोम घर-सोमारी बेरा, गलीली राईज रिनी जहुदा बिरिःड नेनाय। आउर थोड़ेक होड़ के बहकाव फुसलाव केते अपन पखा लिकुआय। हुनी होः नठाव नाय, तेकर हुनी आलकु मनाअ कु जामा छितीर-बितीर नाकु। 38हिना लःअय नहाअः दो ईङ आपे के बेताः दिपीईङ, नुकू होड़ तरअः लंका गी ताहिनपे, आउर नुकू होड़ के बाई गुलताकुपे, एता लःअय ची नोःआँ जोजना आउर काम होड़कु पखा तरअः एदनाअ दो, अपन-हारते गी मेटाव कोआ, 39-40बकिर जदि नोःआँ परमेसर पखा तरअः एदनाअ, दो आपे ओका लकान रे होः एरपे मेटाव दड़ीआ!”
नोकान आलु हुयाव कोओ, ची आपे परमेसर लोः होः लड़ाअ वाला ठहराअ पे।
हिमीन रे हुंकू हुनी आला बात के मनाव नाकु, आउर प्रेरितकु के राअः केते हुमाअ ची लिकुआकु, आउर ईसु आला नुमू आउर जहान बात होः आलपे कंहड़ी के मेन केते, हुकूम एमा केते बाई लिकुआकु। 41हुंकू सोंचाव लअकु, परमेसर आबु के, ईसु आला नुमू रे दुख उ-उठाव लःअय लाईक बनाव तडबुआय, हिना लःअय बड़े पंचाईत तरअः रिझ याःते सेनोः नाकु। 42हुंकू रोज दिन बड़े बिनती ओड़ाअ आउर ओड़ाअ-ओड़ाअ सेन-सेन सिखाव कु केनाकु, ची ईसु गी ख्रीस्त हेके, बेस खभाईर के सुसुनाव काकु बाई लआ।
Oyo Eponami Sikoyo:
प्रेरित.कामी 5: ASR
Tya elembo
Kopya
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2023 NLCI CC BY-NC-ND 4.0