प्रेरित.कामी 20
20
मकिदुनिया आउर युनान रे पौलुस आला सेनोः
1जब झमेला सान्तोक ना दो पौलुस चेलाकु के राअः केते समझाव लिकुआय, आउर हुंकू तरअः विदा केते, मकिदुनिया पखा सेनोः नाय। 2होना गोटा परदेस के दांड़ा लःअय आउर हुनी बिसवासीकु के ढेर वचन उदूः केते ढाढ़स एमा लिकुआय, युनान#20:2 युनान अखाया राईज रअः एटाअ नुमू युनान हेके। राईज सोदोर नेनाय। 3होनाःड़े पे महिना बिताव केते, हुनी जहाज रे सिरिया सेनोः नाम केनाय, बकिर पौलुस के पता चलाव ना ची हिना बेरा जाहुदीकु खुट रे लगाव नाकु, हिना लःअय हुनी मकिदुनिया बोलो यआते, रूवाड़ोः रअः विचार लःअय, 4पुर्रुस आली होपोन सोपतुरूस, जे बिरिया रिनी ताही नेनाय, थिसलुनिके रिनी अरिस्तर्खुस आउर सेकुन्दुस आउर दिरबे रिनी गायुस, तिमुथियुस आउर एसिया रिनी तुखिकुस आउर तोरोफिमुस नुकू जामा पौलुस लोः एसिया सेनोः वाला ताही नेनाकु। 5हुंकू आले तरअः पहिल सेन केते, तोरोआस रे आले के ओगराले केनाकु 6बकिर आले अमचुर लाःड रेनअः परब तयोम, फिलिप्पी तरअः जहाज रे रकाःब केते, पाँच रोज रे तोरोआस रे हुंकू दुबाःड़े सोदोर नेनाले आउर सात रोज जगुत होनाःड़े ताही नेनाले।
तोरोआस रे युतुखुस के जिवीःड लियाय
7हपता रेनअः पहिल हिला आले जब परभु भोज लःअय जवार नेनाले, दो पौलुस हुंकू लोः बात दाय हुनी दोसरा हिला सेनोः वाला ताही नेनाय, हिना लःअय आधा निदा जगुत उपदेस एमा कु केनाय। 8आले तेंग पटान रे जवार थिनाले, होनाःड़े ढेर बगरा दीया बरअ केना। 9तेकर युतुखुस नुमू रिनी मियांड जवान खिड़की रेनअः चौखट रे दुड़ूः ताही नेनाय, जब पौलुस ढेर दिरी जगुत उपदेस एमा कु केनाय, दो हुनी के निन्द हीःग ना। हुनी निन्द रआ मारे पे ताला तरअः नुर नाय, हुनी के बिरिःड लियाकु दो हुनी गोएःग ताही नेनाय। 10बकिर पौलुस अड़गु केते हुनी लोः सटाव केते गितीःग नाय, तेकर हुनी के हाम्बुंड केते आपे आलपे घबरअ नुई एड़े नहाअः होः जीव एदनाआ मेन केते बेता लिकुआय। 11फिन हुनी तेङ सेन केते परभु भोज रेनअः लाःड केचाअ लःअय, तेकर जोम केते नुमिन दिरी जगुत बतियाव लअकु ची निदवाः ना, तेकर हुनी सेनोः नाय। 12तेकर हुंकू हुनी नवछटिया कोड़ा के जिवीःड आगु लियाकु तेकर हुंकू के मुरुक संतवाना भेटाव नेना।
तोरोआस तरअः मेलेतु रआ होरा डिड़ोः
13आले पहिल रेगी जहाज रे रकाःब केते अस्सुस रे नोःआँ बिचार रे मड़ांग हीःग नले, ची आले पौलुस के ईदी-यःते सेनाले, एता लःअय ची पौलुस पैदल सेनोः लःअय विचार थिलाआय। 14जब पौलुस आले के अस्सुस रे भेटाव नेनाय, तेकर आले हुनी के रकाःब केते मितुलेने रे हीःग नेनाले। 15होनाःड़े तरअः आले जहाज रे सेन नेनाले आउर दोसरा हिला खियुस हेनाःड सोदोर नेनाले, दोसरा हिला आले समुदर परोम केते सामोस आउर होना तरअः दोसरा हिला मिलेतुस हीःग नेनाले। 16हुयाव सकाअ पौलुस पेन्तेकोस्त परब तरअः पहिल जिरोसलेम सोदोरोअ लःअय फैसला थिलाआय, हिना लःअय हुनी इफिसुस काय सेन नेना, जेकर से ची एसिया रे जादे बेरा आलुई बिताय।
इफिसुस रिनकु अगुवाकु के उपदेस
17पौलुस मिलेतुस तरअः इफिसुस कलीसिया रिनकु अगुवा के रा-राअः कुलगोःड लिकुआय। 18आउर हुंकू सोदोर नाकु दो “आपे पाड़ी आपे ची जे हिला ईङ एसिया रे सोदोर निनीईङ, होना हिला तरअः पुरा समय ईङ आपे लोः एता लकान जिनगी जिवीःड ताही निङ, होना के आपे पाड़ी आपे बेता लिकुआय। 19जाहुदीकु आला फफंसाव रअः गुटिना रअः चलते ईङ तेङ रे काईको परीकछा हीःग नेना बकिर ईङ मेःड दाअः जोरो-जोरो दिनता रे परभु आला सेवा एका लाईङ। 20तेकर जे बात आपे आला भलाई लःअय ताही नेना, होना के उउदूः लःअय ईङ काईङ हिच-किचाव नेना, बकिर ईङ जामाकु मड़ांग रे आउर ओड़ाअ सेन-सेन होना रअः बारे रे सिखाव कुकिनीङ।
21“बकिर जाहुदीकु तेकर एटाअ जाईतकु मड़ांग रे गोवाही एमा कु केनाय परमेसर पखा मन रूरुवाड़ आउर आबु आली परभु ईसु रे बिसवासे कु। 22नहाअः दो नेलेपे ईङ पबितर आतमा रअः आगवाई रे जिरोसलेम तोराईङा होनाःड़े ईङ तेङ रे एतान लकान बिताआ सेके ईङ काईङ पड़ीआ। 23बकिर पबितर आतमा सहर रे चेताव इकाई केनाय, नोःआँ पाड़ी तानिङ ची ईङ के सिक्काड़ आउर बिपाईत के ईङ के सासहाव पड़ाव कोआ। 24#2 तिमु 4:7बकिर ईङ आला नजाईर रे अपन जीव के एतान होः काईङ समझाआ, ईङ दो अपन जिनगी रेनअः नीर के पुपुराव, आउर परमेसर आला दया रअः बेस खभाईर सुसुनाव रेनअः होना काम के पुपुरा चहाअ तानिङ, जेके परभु ईसु ईङ के जिमा तदाय।
25“ईङ आपे ताला रे परमेसर आला राईज रअः परचारे-किनिङ, नहाअः दो ईङ पाड़ी तानिङ ची, आपे मेसे ओके होः ईङ के फिन इरकु नेल दड़ीआ। 26हिना लःअय ईङ तिसिंग रअः दिन रे आपे मड़ांग रे गोवाह एम केते कंहड़ीः-दिंग ची आपे मयोम तू यापे दो ईङ होना रे बेकासुर एदानिङा। 27एता लःअय ची ईङ परमेसर आला जामा इकछा के आपे के उउदूः लःअय काईङ हिच-किचाव नेना। 28हिना लःअय आपे अपन लःअय तेकर अपन जामा गोहड़ा लःअय चाँवचीत ताहीनोः पे। पबितर आतमा आपे के खुड़हा रेनअः हो-होरहो रअः भार सोंपाव उ-तदपेआय, आपे परमेसर आला कलीसिया रे बेस चरवाहा बनाव ताहिन पे, जेके ईसु अपन मयोम एम केते किरिंग तदाय। 29ईङ पाड़ी तानिङ ची ईङ सेनोः जुनोः तयोम करटाहा हुंर्ड़रा आपे तलारे हीःग बोलो कोआकु, जे भेंड़ा गोहड़ा लकान बिसवासीकु के इरकु सोगाआ। 30आपे मेसे रे होः नोकान होड़ होः उडुंग हीःग कोआकु, जे चेलाकु के अपन पखी ओ-ओर लःअय टेड़हा-मेड़हा बात कंहड़ी केआकु। 31हिना लःअय लुतूर तिंगु तापे, तेकर उईहार तापे ची ईङ पे बरीस जगुत निदा ना सिंङ मेःड दाअः जोरो-जोरो मि-मिहोंड़ के ससमझाव काईङ बाई लिकुआ।
32“आउर नहाअः दो आपे के परमेसर के, आउर हुनी आला दया रअः बचन के सोंपाव दिंग, जे आपे आला उ-उनाति दाड़ीआय, आउर जामा पबितर लिदकु होड़कु के साझा केते, हाक एम केआय। 33ईङ कहियो ओके आला सोना चाँदी चाहे गेन्दरअ के काईङ ललचाव नेना। 34आपे खुदे पाड़ी आपे ची ईङ अपन आउर अपन गातीकु आला दरकार पुपुरा लःअय नोःआँ अपन तीः तरअः सेवा काम कामी लाईङ। 35ईङ आपे के जामा लकान कामी केते नोःआँ रिती रे देखावओ तदपेईंग ची आबु कठोर मेहनाईत केते, बे-सहाड़ा कु के संभड़ाव कुपे। परभु ईसु आला बचन के मन रे दोदोहो दरकार एदनाअ, जे हुनी खुदे कंहड़ी तदाय, ‘इईदी तरअः एमोअ धनया एदनाअ।’”
36नुमिन कंहड़ी केते, हुनी जामाकु लोः ईकड़ुम केते बिनती लःअय। 37तब जामा मुरुक ईयाम लअकु, आउर पौलुस के हाम्बुड केते, चुमाअ दियाकु। 38हुनी, हुंकू के फिन ईङ के कहियो इरकु नेल दड़ीआ बेता थिलकुआय रअः चलते जामाकु के बिपाईत हुयाव नेना। नोःआँ तयोम हुंकू, हुनी के जहाज जगुत सोदोर तु लियाकु।
Oyo Eponami Sikoyo:
प्रेरित.कामी 20: ASR
Tya elembo
Kopya
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2023 NLCI CC BY-NC-ND 4.0