Yésaya 12
12
Kidung maturkesuwun awit keslametan
12:1-6
1Ing waktu kuwi kowé bakal ngomong:
“Kula bakal ngidungké maturkesuwun marang Panjenengan, duh GUSTI, awit senajan Panjenengan wis nesu marang kula,
nanging bebendu Panjenengan wis mandek
lan Panjenengan terus nglipur kita.
2 #
Pa 15:2; Mas 118:14 Gusti Allah kuwi tenan dadi keslametanku;
aku pertyaya ora karo gemeter,
awit GUSTI kuwi kekuwatané lan masmurku,
Panjenengané wis dadi keslametanku.”
3Ing kono kowé bakal pada ngangsu karo bungah
ing sumberé keslametan.
4Ing waktu kuwi kowé bakal pada ngomong:
“Pasraha maturkesuwun marang GUSTI,
pada nyebuta marang asma-Né,
penggawéané pada ngertènana ing antarané para bangsa,
kenalké, yèn asmané kuwi luhur!
5Pada ngidunga masmur kanggo GUSTI, awit penggawéané kuwi mulya;
bab iki apik diandarké ing sak lumahé bumi!
6Pada bungah-bungaha lan surak-suraka,
hé wong sing pada manggon ing Sion,
awit sing Mahasutyi, Gusti Allahé Israèl,
kuwi gedé ing sak tengahmu!”
Tèks © Surinaams Bijbelgenootschap 2018