ᑎᐱᑦ ᐅᓂᑭᒧᐅᓇ 139
139
Psalm 139:1-6, 13-18 (Epiphany-2 Year B)
Psalm 139:1-12, 23-24 (Proper-11 Year A)
1ᐅ ᑎᐸᔨᒋᒐᓱᐤ, ᔅᒋ ᑯᒋᐃᓐ,
ᑭᔭ ᒋᔅᒐᔨᒥᓐ᙮
2ᒋ ᒋᔅᒐᔨᑕᓐ ᐊ ᐊᐱᔭᓐ ᑭᔭ ᐊ ᐱᓯᑯᔭᓐ;
ᒋ ᓂᔅᑐᑕᓐ ᑲ ᐃᑕᔨᑎᒪᓐ ᐛᔪᐤ ᐅᒡ᙮
3ᒋ ᐛᔅᑲᔅᑲᓐ ᓂᒪᔅᑭᓇᒻ ᑭᔭ ᓂᐱᒥᓯᓄᐅᓐ,
ᒋ ᒋᔅᒐᔨᑕᓐ ᑭᔭ ᒥᓯᐛ ᓂᑦ ᐃᓯᑥᐅᓇ᙮
4ᐛᔅ ᓇᒪ ᑎᒂᓐ ᐃᔨᒧᐅᓐ ᓂᑕᔨᔨᒡ,
ᒪᒃ, ᐛᐸᑕ, ᐅ ᑎᐸᔨᒋᒐᓱᐤ, ᓇᔅᒡ ᒋ ᒋᔅᒐᔨᑕᓐ᙮
5ᔅᒋ ᐊᔅᑯᐅᓐ ᐅᑕᒡ ᑭᔭ ᓂᑲᓄᒡ,
ᑭᔭ ᔅᒋ ᒥᒋᒥᓐ᙮
6ᐊᑯ ᐅ ᒋᔅᒐᔨᑎᒧᐅᓐ ᐅᓴᒻ ᒪᒥᔅᑲᑕᔨᑕᑯᓐ ᓂᔾ ᐅᒡ:
ᐃᔅᐸᔨᑕᑯᓐ, ᓇᒪᐎᔾ ᓂᑭ ᒋ ᑕᐱ ᒋᔅᒐᔨᑕᓐ᙮
7ᑕᓐᑕ ᒐ ᐃᓯ ᓂᑭᑎᒃ ᒋᑦ ᐊᒐᐧᒄ ?
ᑕᓐᑕ ᒪᒃ ᒐ ᐃᑎᓯᒧᔭᓐ ᒐ ᐊᑲ ᒋ ᐛᐱᒥᔨᓐ ?
8ᐃᔅᐱ ᒋᒋᒋᓯᑯᒡ ᐃᓯ ᐅᐱᔅᑲᔭᓐ, ᐊᑯᑕ ᐊ ᑕᔨᓐ:
ᒧᔭᒻ ᐅᓂᐸᐅᓂᐧᑲᓱᔭᓐ ᒋᐱᔾ ᐊᔅᒋᒡ, ᐛᐸᑕ, ᐊᑯᑕ ᐊ ᑕᔨᓐ᙮
9ᐃᔅᐱ ᐅᑎᓇᒪᓐ ᒐᒋᓴᐸ ᐅᑎᑎᑭᓇ,
ᑭᔭ ᐎᒋᔭᓐ ᒪᐅᒡ ᐊ ᐃᔎᔭᒡ ᐎᓂᐸᑯᒡ;
10ᐊᑯᑕ ᐃᔭᐱᒡ ᒋᑎᒋᔾ ᒐ ᒋᔅᒋᓄᑕᐃᑯᔭᓐ,
ᑭᔭ ᒋᒥᔪᐅᓐ ᓂᑭ ᓯᑐᓂᑯᓐ᙮
11ᒧᔭᒻ ᐃᔅᒋᔄᔭᓐ, “ᒐᔅᑎᓇᔅ ᑎᐱᔅᑲᐅᓐ ᓂᑭ ᐊᒂᓇᐅᑯᓐ;
ᐊ ᑎᐱᔅᑲᒡ ᐅᑎ ᓂᑭ ᐛᔅᑕᓂᒪᑯᓐ᙮”
12ᓂᐦᐃ, ᐊ ᑎᐱᔅᑲᒡ ᓇᒪᐎᔾ ᒋ ᑲᑥᑯᓐ ᒐᒂᓐ;
ᒪᒃ ᐊ ᑎᐱᔅᑲᒡ ᐛᓴᔭᐤ ᒧᔭᒻ ᐊ ᒋᓯᒂᒡ:
ᐊ ᐅᓂᑎᐱᔅᑲᒡ ᑭᔭ ᐊ ᐛᓴᔭᒡ ᐸᐃᑯᓂᒡ ᒋᑦ ᐃᓯᓇᓐ᙮
Psalm 139:1-6, 13-18 (Epiphany-2 Year B)
13ᐛᔅ ᒋ ᑎᐱᔨᐛᐅᓯᓐ ᐱᒋᔪᐤ ᐊ ᐃᓯ ᐃᔭᔭᓐ:
ᔅᒋ ᐊᒂᓇᐅᓐ ᓂᑲᐎᔾ ᐅᔅᐸᔭᒡ᙮
14ᒋᑭ ᒪᒥᒋᒥᑎᓐ;
ᐛᔅ ᓂ ᑯᔅᑕᑎᑯᐤ ᑭᔭ ᒪᒥᔅᑲᒡ ᐅᓯᐃᑯᐅᓐ:
ᒪᒥᔅᑲᑕᔨᑕᑯᓇ ᒋᑦ ᐊᑐᔅᒐᐅᓇ;
ᐅᔭᔪᐤ ᒪᒃ ᓇᔅᒡ ᒋᔅᒐᔨᑎᒻ ᓂᑦ ᐊᒐᐧᒄ᙮
15ᓂᔪᐤ ᓇᒪᐎᔾ ᒋ ᐅᒋ ᑲᑥᑯᐅᓐ, ᐃᔅᐱ ᒋᒧᑦ ᐊᒋ ᐅᓯᑯᐅᔭᓐ;
ᑭᔭ ᐊ ᒪᒥᔅᑲᒡ ᐃᓯᓇᑯᐃᑯᐅᔭᓐ ᒪᐅᒡ ᐊ ᑕᒥᔅᑲᒥᒡ᙮
16ᒋᔅᒋᓯᑯᒡ ᔅᒋ ᐛᐸᑕᓐ ᓂᔪᐤ, ᐊᔅᒄ ᐊ ᐊᑲ ᐅᒡ ᒋᓯᐃᑯᐅᔭᓐ;
ᑭᔭ ᒋᒥᓯᓇᐃᑭᓂᒡ ᒥᓯᐛ ᓂᐱᔅᒐᓯᐅᓇ ᒋ ᒥᓯᓇᐃᑭᓄᐅᐛ,
ᐊᓐ ᑲ ᐃᓯᓇᑯᑕᑭᓂᐅᒋ ᐊ ᐊᑎ ᐊᑲ ᐊᔅᒄ ᐸᐃᒄ ᐅᒋ ᑎᒂᒡ᙮
17ᑕᑈ ᓂ ᒋᔅᑕᔨᑕᓐ ᒋᑦ ᐃᑕᔨᑎᒧᐅᓇ, ᐅ ᒋᓴᒪᓂᑐᐤ !
ᑕᑈ ᓇᔅᒡ ᒥᒐᓇ !
18ᐃᔅᐱᔅ ᐎ ᐊᒋᑕᒪᓐ, ᐊ ᐃᐛᒄ ᒥᒐᓇ ᐃᔅᐱᔅ ᐃᔭᑲᐤ:
ᐃᔅᐱ ᒂᔅᑯᐱᔭᓂ, ᐃᔭᐱᒡ ᒋ ᐎᒐᐅᑎᓐ᙮
19ᒐᔅᑎᓇᔅ ᒋᑭ ᓂᐸᐊᐅᒡ ᐅᒥᒋᑥᐅᒡ, ᐅ ᒋᓴᒪᓂᑐᐤ:
ᓂᑭᓯᒄ ᒪᒃ, ᒋᔨᐛᐤ ᑲ ᐎᒋᒥᒂᔭᒄ ᐃᔨᑎᒄ᙮
20ᐛᔅ ᒋ ᒥᒋ ᐊᔨᒧᒥᑯᒡ,
ᑭᔭ ᑲ ᐛᐧᑲᑎᔅᒡ ᓂᑐᐎ ᐃᓯ ᐊᐱᒋᑕᐅᒡ ᒋᑦ ᐃᓯᓂᐧᑲᓱᐅᓂᔪᐤ᙮
21ᓇᒪ ᐊ ᓂ ᐛᐧᑲᑕᐅᒡ ᐊᓐᒡ ᑲ ᐛᐧᑲᑎᔅᒡ ?
ᓇᒪ ᐊ ᑭᔭ ᓂ ᒪᒥᓴᒪᔨᑎᒥᐃᑯᒡ ᐊᓐᒡ ᑲ ᐱᓯᑯᔅᑕᔅᒡ᙮
22ᓂ ᐛᐧᑲᑕᐅᒡ ᒋᒋ ᐛᐧᑲᓱᐛᐅᓂᒡ;
ᑲ ᐛᐧᑲᓯᒡ ᓂᑦ ᐊᒋᒪᐅᒡ᙮
Psalm 139:1-12, 23-24 (Proper-11 Year A)
23ᑯᒂᒋᐃ, ᐅ ᒋᓴᒪᓂᑐᐤ, ᒋᔅᒐᔨᑕ ᒪᒃ ᓂᑕᐃ;
ᑯᒋᐃ, ᑭᔭ ᒋᔅᒐᔨᑕ ᓂᑦ ᐃᑕᔨᑎᒧᐅᓇ:
24ᐛᐸᑕ ᒪᒃ ᐃᔅᐱ ᑕᑈ ᐸᒋᔅᑲᑯᐛᓇ ᒥᒋ ᒐᒂᓐ,
ᐱᒧᑕᐃ ᒪᒃ ᑲᒋᒡ ᒪᔅᑭᓇᒡ᙮
Currently Selected:
ᑎᐱᑦ ᐅᓂᑭᒧᐅᓇ 139: ᓇᔅᑲᐱ
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada