چیخیش 13
13
چیخیش خاطئره‌سی
1رب موسایا ددی: 2«ائسرایئل اؤولادلاری آراسیندا هر بطندن ائلک دوغولان بوتون اوغلانلاری و بوتون حیوانلارین بالالارینی منه تقدئس ات. اونلار منئمدئر.»
3موسا خالقا ددی: «مئصئردن، نؤکرچئلئک اِوئندن چیخدیغینیز گونو خاطیرلایین. چونکی رب سئزی قووّتلی اَل‌له اورادان چیخارتدی و بونا گؤره ده مایالی چؤرک گرک ییئلمه‌سئن. 4آبئب آییندا اولان بو گون چیخیرسینیز. 5رب آتالارینیزا آند ائچمئشدی کی، کَنَعانلی‌لارین، خئتلی‌لرئن، اِمورلولارین، خئولی‌لرئن، و یِبوسلولارین اؤلکه‌سئنی سئزه وره‌جک. سئزی سود و بال آخان بئر تورپاغا گتئره‌جیی واخت، بو عئبادتی همئن آیدا یرئنه یتئرئن. 6یدّی گون مایاسیز چؤرک ییئن، یدّئنجی گون ربّه بایرام اولسون. 7او یدّی گون عرضئنده، آنجاق مایاسیز چؤرک ییئلمه‌لئدئر. آرانیزدا بوتون اؤلکه‌ده نه مایالی چؤرک گؤرونسون، نه ده مایا. 8او گونو اوغلونوزا بئلدئرئب دیئن: ”مئصئردن چیخدیغیم واخت، رب منئم اوچون نه‌لر اتدئیئنه گؤره بله ادئرم.“ 9قوی بو اَلئنئزده نئشانه و گؤزلرئنئزئن قاباغیندا خاطئره اولسون کی، ربّئن قانونو آغزینیزدان دوشمه‌سئن، چونکی رب سئزی قووّتلی اَل‌له مئصئردن چیخارتدی. 10ائلدن ائله بو قایدایا تعیئن اولونان واخت عمل اده‌جکسن.
11او زاماندان کی، رب، سئزه و آتالارینیزا آند ائچدئیی کئمی، سئزی کَنَعانلی‌لارین اؤلکه‌سئنه گتئردی، اورانی سئزه وردئیی زامان، 12آنا بطنئندن ائلک دوغولان بوتون اوغلانلارینیزی ربّه تقدئم اتمه‌لئسئنئز: ائلک دوغولان بوتون حیوان بالالاری دا ربّئن اولسون. 13هر ائلک دوغولان اِششَک بالاسی عوضئنه، بئر قوزو وره‌‌جکسئنئز. اگر عوضئنی ورمه‌یه‌سئنئز، گرک اونون بوینونو سیندیراسینیز. اوغلانلارینیزین آراسیندا هر آدامین ائلک دوغولانین عوضئنی ورمه‌لئسئنئز. 14اوغوللارینیز سئزدن ”بو نه‌دئر؟“ سوروشاندا دیئن: ”رب بئزی مئصئردن، نؤکرچئلئک اِوئندن قووّتلی اَل‌له چیخارتدی. 15فئرعون بئزی آزاد بوراخماماغا عئناد ادنده، رب مئصئر تورپاغیندا اولان هم ائنسانلارین هم ده حیوانلارین بوتون ائلک اوشاغینی اؤلدوردو. بونا گؤره من بوتون ائلک دوغولان حیوان بالالارینی ربّه قوربان ورئرم، بوتون ائلک اوغوللاریمین دا عوضئنی ورئرم. 16قوی بو اَلئنئزده نئشانه و گؤزلرئنئزئن قاباغیندا خاطئره علامتی اولسون، چونکی رب بئزی قووّتلی اَل‌له مئصئردن چیخارتدی.“»
تاری ائسرایئل اؤولادلارینا یول گؤرسدئر
17فئرعون خالقی آزاد بوراخدیغی زامان، تاری اونلاری فئلئسطلی‌لرئن بؤلگه‌سئندن، حتّا یولون قیسا اولدوغو حالدا آپارمادی. چونکی ددی: «خالق موحارئبه گؤرَ‌نده بلکه پشمان اولوب مئصئره قاییدار.» 18تاری خالقی قیرمیزی دهنزه طرف، صحرا یولو ائله آپاردی. ائسرایئل اؤولادلاری مئصئر تورپاغیندان نئظاملا چیخدیلار. 19موسا یوسئفئن سوموکلرئنی اؤزو ائله آپاردی، چونکی یوسئف ائسرایئل اؤولادلارینا برک آند ورئب دمئشدی: «تاری حتمن سئزه نظر سالاجاق. گدن زامان اؤزونوله سوموکلرئمی ده بورادان چیخاردین.» 20ائسرایئل اؤولادلاری سوکّوتدان یولا دوشوب، صحرانین قیراغیندا اولان اِتامدا خیمه قوردولار. 21رب اونلارین قاباغی ائله، گوندوز اونلارا یول گؤرسدمَک اوچون، بولود دئره‌یئنده، گجه ده، اونلارا ائشیق ورمک اوچون، اود دئره‌یئنده گدئردی کی، گوندوز ده، گجه ده گده بئلسئنلر. 22گوندوزلر بولود دئره‌یی، گجه‌لر ده اود دئره‌یی خالقین قاباغیندان آیریلمادی.
Currently Selected:
چیخیش 13: موقدس کتاب
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© Elam Ministries 2013. All rights reserved.