Baverset oyo Eyebani Mpenza ewuti na Mathew 5

Kabola

A 'd oes neb yn cynnau lamp ac yn ei rhoi-hi dan badell, ond ar ei stand, er mwyn iddi roi golau i bawb sy'n y tŷ. Fel yna y dylai'ch golau chi dywynnu o flaen dynion, er mwyn iddyn-hw' weld y pethau da a wnewch-chi, a rhoi'r clod i'ch Tad yn y nefoedd.

“Chi yw goleuni'r byd. Os yw dinas wedi'i chodi ar ben bryn, 'd oes dim modd ei chuddio-hi.

“Gwyn fyd y rhai di-feddwl-ddrwg; nhw' fydd yn gweled Duw.

“Gwyn fyd y rhai sy'n newynu ac yn sychedu am ddaioni; fe gân' nhw ddigonedd.

Ond yr ydw' i'n dweud y dylech-chi garu'ch gelynion, (bendithio'r rhai sy'n eich rhegi-chi, gwneud da i'r rhai sy'n eich casáu-chi) a gweddïo dros y rhai sy'n eich erlid-chi

“Gwyn fyd y rhai sy'n wylaidd fel y tlodion; nhw' biau teyrnas y nefoedd.

“Gwyn fyd y rhai sy'n cymodi; fe'u gelwir nhw'n blant i Dduw.

“Gwyn fyd y rhai sy'n gofidio; nhw' fydd yn derbyn cysur.

“Gwyn fyd y rhai sy wedi'u cam-drin o achos daioni: nhw' biau teyrnas y nefoedd.

“Gwyn fyd y rhai sy'n drugarog: nhw' fydd yn cael trugaredd.

“Gwyn, eich byd chithau pan fydd pobol yn eich condemnio a'ch cam-drin, ac yn lladd arnoch-chi'n gelwyddog ym mhob sut a modd er fy mwyn i. Byddwch yn falch o hynny ac yn ysgafn eich calon; felly'n union y buon-hw'n erlid y proffwydi cyn eich amser chi.

“Gwyn fyd y rhai hawdd eu trin; fe ddaw'r ddaear yn eiddo iddyn' nhw'.

“Chi ydy' halen y ddaear. Ond os collodd yr halen ei flas, sut y gwneir-e'n hallt unwaith eto? 'D yw-e'n dda i ddim ond i'w daflu allan a'i sathru dan draed.

Ond yr ydych chi i fod yn berffaith, fel y mae'ch Tad nefol yn berffaith.

Wrth siarid, gwnewch i'ch ‘ie’ olygu ‘ie’, a'ch ‘nage’ olyygu ‘nage’; beth bynnag a ddywedir dros ben, mae rhyw ddrwg y tu ôl iddo.

“Fe glywsoch ddweud, ‘Llygad am lygad, a dant am ddant’. Ond dweud yr ydw' i na ddylech-chi ddim gwrthsefyll y sawl sy am wneud niwed ichi. Os oes rhywun yn dy daro-di ar dy foch dde, tro'r llall ato hefyd.

“Os yw lygad de'n dy arwain-di ar gyfeiliorn, tynn-o allan a'i daflu i ffwrdd; gwell iti golli un o'th aelodau na chael dy gorff i gyd ar domen Gehenna. Os yw dy law dde'n dy arwain-di ar gyfeiliorn, torr-hi i ffwrdd a'i thaflu; gwell iti golli un o'th gymalau na chael dy gorff i gyd ar domen Gehenna.