ROM 2
2
यहुदी मंदी दोषी उंडार
1दिनिचांग इप्पुड इंगोगोरकी दोष#2:1 दोष परमेश्वर मापदंड लेका दोषी ठराय मतेद आंचेतोड हे मंदीलाला, मीर यवार पण उंटे तरी मीर निरुत्तर उंडार; येनटीक की मीर या माटलाला इंगोगोरकी दोष आंचतार दांटल्या मीर स्वतान दोषी ठराय मततार; येनटीक की दोष आंचेतोर मीर पण आय्ये माटलु शेस्तार.#मत्तय 7:1. 2पण मनाक यरका उंडाद की, इल्ला माटलु शेशेतोर विरुद्ध, परमेश्वर तीकेल खरेम दंडद आज्ञा आयताद. 3तर हे मंदीलाला, इल्ला माटलु शेशेतोरकी दोष आंचेतोर इंगा मीर स्वता आय्ये माटलु शेशेतोर, मीर स्वता परमेश्वर दंड आज्ञाता बतक्यार इल्ला विचार शेस्तार येम? 4लेकाते परमेश्वरदी याद दया#2:4 परमेश्वरदी याद दया परमेश्वर दयाद उद्देश इदी मंदीन पश्चात्ताप तीकुड येकेन फोयेद उंडाद, पापनी स्वीकार शेशेद लेद मिमलान पश्चात्ताप तीकुड येका फोयतुनाद आदी ओळखायांदे मीर वान ममताद, क्षमाशीलताद इंगा सहनशीलताद धन कमी समजास्तार येम?#रोम 9:22. 5पण मीर मी कठोर मन इचांग पापलाद पश्चात्ताप शेयानदे आ दिनमु इचांग, यबद परमेश्वर कोफामता, न्याय शेशी दानीचांग कडक शिक्षा जमा शेशी फेटतुनार. 6येनटीक की परमेश्वर प्रत्येक मनशीक वार वाईट इंगा शिंगार फनुलाद प्रतिफळ इच्ची.#प्रकटीकरण 22:12; स्तोत्रसंहिता 62:12; नीतिसुत्र 24:12. 7दिनिचांग यवार नेहमी शिंगार फनुल शेस्केन उंडी परमेश्वर तीकेल शिंगार जीवन, सन्मान इंगा सार्वकालिक जीवनदी इच्छा फेटतार वारकी परमेश्वर सार्वकालिक जीवन इच्ची; 8पण यवार स्वार्थी उंडार सत्यद दावा इडशी वाईट फनुलान शेस्तार वारकी परमेश्वर भयानक शिक्षा इच्ची. 9वाईट फनुल शेशेतोर मिंदा संकटलु इंगा दुखलु वच्ची, पहिला यहुदी यंकसार यहुदी लेनोर इल्ला प्रत्येक मनशी जीवनला वच्ची. 10पण प्रत्येक मनशीक यवाड शिंगार फनुल शेस्ताड पहिला यहुदी यंकसार यहुदी लेनोरकी परमेश्वर आदर, सन्मान इंगा शांती इच्ची. 11येनटीक की परमेश्वर यवारदीच भेदभाव शेयाड.#अनुवाद 10:17; 2 इतिहास 19:7. 12येनटीक की, यहुदी लेनोर यवारकी नियमशास्त्र शिक्कान्दे पाप शेशीर वारकी नियमशास्त्र इडशी परमेश्वर तीकेल शिक्षा शिक्की. पण यहुदी मंदीक नियमशास्त्र शिक्की पण वार पाप शेशीर आंका वारदी न्याय नियमशास्त्र लेका आय्यी. 13येनटीक की नियमशास्त्र इनेतोर परमेश्वर मुंदार नितीमान उंडार इल्ला लेद, पण नियमशास्त्र लेका नडशेतोर नितीमान ठराशार. 14येनटीक की यवार देगार नियमशास्त्र लेद इल्ला यहुदी लेनोर मंदी यप्पुड स्वभावताने नियमशास्त्रलोन माटलु शेस्तार आप्पुड वारकी नियमशास्त्र लेद तरी वार स्वताने-स्वता इचांग नियमशास्त्र उंडार. 15इंगा वगामेगारलोनी वारी विचारलु यप्पुड वगा-मेगार मिंदा दोष आंचताय लेकाते वगामेगारदी समर्थन शेस्ताय इंगा वारदी विवेक पण वारकी साक्ष इस्ताद आप्पुड वार मन मिंदा राशीने नियमशास्त्रद परिणाम सुपीस्तार. 16न्याय दिनमुनाड यप्पुड परमेश्वर, ना सुवार्तालेका ख्रिस्त येशुन तीकेल मंदी गुप्त माटलाद न्याय शेशी आबद इदी कमशी.
यहुदी इंगा नियमशास्त्र
17इप्पुड जर मीर स्वतान यहुदी आंटार, नियमशास्त्र मिंदा विश्वास फेटतार इंगा परमेश्वर बद्दल घमंड शेस्तार; 18मिक परमेश्वरदी इच्छा यरका उंडाद इंगा शिंगार माटलु आवडास्ताय, येनटीक की मिक नियमशास्त्र लोन्केल शिक्षण शिक्कीनाद; 19इंगा मिक स्वता मिंदा विश्वास उंडाद की मीर गुड्ड्योरकी दावा सुपेतोर यवार मोब्बुला उंडार वारदी यलगु, 20निर्बुद्धी मंदीक शिक्षक इंगा शिन्ना बिळ्ळा गुरु#2:20 शिन्ना बिळ्ळा गुरु या मंदी विश्वासला कोत्तांग उंडाड वार गुरु उंडार; येनटीक की मी देगार नियमशास्त्रद ज्ञान इंगा सत्यद ज्ञान उंडाद; 21तर मंग यवार मीर इंगोगोरकी नेरपुतार आय्ये स्वताक येनटीक नेरपार? दोंगा शेयाराद, इल्ला शप्पेतोर मीर स्वता दोंगा शेस्तार? 22व्यभिचार शेयाक, इल्ला शप्पेतोर मीर स्वता व्यभिचार शेस्तार? मीर यवार मुर्तीद कोफाम शेस्तार, स्वताने भवनलु लुटास्तार? 23मीर जे नियमशास्त्रद घमंड शेस्तार तर मीर नियमशास्त्रलोनी आज्ञाल तेंपी परमेश्वरदी अपमान शेस्तार? 24येनटीक की पवित्र शास्त्रला राशीनेद उंडाद,
“परमेश्वर फेरुद यहुदी लेनोर मंदीला
मी इचांग निंदा आयतुनाद.”#यशया 55:5; यहेज्केल 36:20.
सुंताद फायदा आय्येद
25येनटीक की जर मीर नियमशास्त्र लेका नडस्तार तर सुंताता फायदा तर उंडाद; पण जर मीर नियमशास्त्रलोनी आज्ञाल तेंपतार तर मिद सुंता आयनेद उंडीगास पण आदी आय्यीन लेका लेद. 26दिनिचांग यादाना मनशी जर सुंता कावांदे, नियमशास्त्रलोन नियमलेका नडस्ताड तर वानदी सुंता आयनेद लेकुन्ना इदी सुंता बरोबरीक कोल्चेदेंक दाका फोई येम? 27इंगा या मनशी शरीरता सुंता आयनोड लेड पण नियमशास्त्र लेका नडस्ताड, तर मिक यवारकी नियमशास्त्र इंगा सुंता विधी शिक्कीगास पण मीर नियमशास्त्रलोन आज्ञाल तेंपतार तर मिक दोष इयाक फोई येम? 28येनटीक की बैटीकेल यहुदी उंडाड वाड यहुदी लेड लेकाते बैटीकेल फयला सुंता उंडाद आदी खरेम सुंता लेद. 29पण खरेम यहुदी वाडे उंडाड, यवाड लोना उंडाड; इंगा खरेम सुंता आद्दे उंडाद, याद अंतकरणला इंगा आत्माला उंडाद; पवित्र शास्त्रला राशीने नियमशास्त्र लेका लेद; इल्लोन्टोनदी प्रशंसा मनशी तीकेल लेद पण परमेश्वर तीकेल आय्यी.#फिलिपी 3:3.
