ಯೇಸುವಿನೊಂದಿಗೆ ಮುಖಾಮುಖಿಮಾದರಿ

ಗಿದ್ಯೋನನು ದ್ರಾಕ್ಷಿಯ ಆಲೆಯ ಮರೆಯಲ್ಲಿ ಗೋದಿಯನ್ನು ಬಡಿಯುತ್ತಿರುವಾಗ ಯೆಹೋವನ ದೂತನು ಅವನನ್ನು ಹೇಗೆ ಸಂಬೋಧಿಸುತ್ತಾನೆ ಎಂಬುದನ್ನು ನೋಡುವುದು ಆಶ್ಚರ್ಯವಾಗುತ್ತದೆ. ಅವನು ನಿಸ್ಸಂಶಯವಾಗಿ ಮಿದ್ಯಾನ್ಯರಿಗೆ ಹೆದರುತ್ತಿದ್ದನು ಮತ್ತು ದಿಕ್ಕುತಿಳಿಸುವ ಉಪಕರಣದ ಅಡಿಯಲ್ಲಿ ಕೆಲಸ ಮಾಡುತ್ತಿದ್ದನು, ಆದರೂ "ಪರಾಕ್ರಮಶಾಲಿಯ ವ್ಯಕ್ತಿ" ಎಂದು ಕರೆಯಲ್ಪಡುತ್ತಾನೆ. ಅದ್ಭುತ! ನಾವು ನಮ್ಮನ್ನು ಹೇಗೆ ನೋಡುತ್ತೇವೆ ಎನ್ನುವುದಕ್ಕಿಂತ ದೇವರು ನಮ್ಮನ್ನು ಎಷ್ಟು ವಿಭಿನ್ನವಾಗಿ ನೋಡುತ್ತಾನೆ. "ದೇವರು ನಿನ್ನ ಸಂಗಡ ಇದ್ದಾನೆ" ಎಂದು ದೇವದೂತನು ಗಿದ್ಯೋನನಿಗೆ ಹೇಗೆ ಹೇಳುತ್ತಾನೆ ಎಂಬುದು ಕುತೂಹಲಕಾರಿಯಾಗಿದೆ ಮತ್ತು ಗಿದ್ಯೋನನು, "ಯೆಹೋವನು ನಮ್ಮ ಸಂಗಡ ಇದ್ದರೆ ನಮಗೆ ಇದೆಲ್ಲಾ ಯಾಕೆ ಸಂಭವಿಸಿತು? " ಎಂದು ಕೇಳುವ ಪ್ರಶ್ನೆಯೊಂದಿಗೆ ಉತ್ತರಿಸುತ್ತಾನೆ. ಗಿದ್ಯೋನನು ಕೇವಲ ತನಗಾಗಿ ಅಲ್ಲದೆ ತನ್ನ ಜನರಿಗಾಗಿ ಕೇಳುತ್ತಾನೆ. ಅದು ನಾಯಕತ್ವದ ಲಕ್ಷಣವಾಗಿದೆ ಮತ್ತು ಅದನ್ನು ಅವನು ತನ್ನಲ್ಲೇ ನೋಡುವದಕ್ಕೆ ಮೊದಲು ದೇವರು ಅವನಲ್ಲಿ ನೋಡಿದನು. ಗಿದ್ಯೋನನು ಪ್ರತಿ ಹಂತದಲ್ಲೂ ದೇವರ ಮಾತನ್ನು ಪರೀಕ್ಷಿಸುತ್ತಿದ್ದರೂ, ದೇವರು ಹೆಚ್ಚು ತಾಳ್ಮೆಯಿಂದಿದ್ದು ಪ್ರತಿ ಸಾರಿಯೂ ಅವನಿಗೆ ಉತ್ತರಿಸುತ್ತಾನೆ.

ಮಿದ್ಯಾನ್ಯರಿಗೆ ವಿರುದ್ಧವಾಗಿ ಯುದ್ಧಕ್ಕೆ ಗಿದ್ಯೋನನನ್ನು ಹಂತ ಹಂತವಾಗಿ ಮುನ್ನಡೆಸಲಾಗುತ್ತದೆ ಮತ್ತು ಇದು ತುಂಬಾ ಅಸಾಂಪ್ರದಾಯಿಕ ಯುದ್ಧ ತಂತ್ರವಾಗಿದ್ದರೂ ಸಹ ಅದು ದೇವರ ಕೈಯನ್ನು ಹೊಂದಿತ್ತು. ಯುದ್ಧಕ್ಕೆ ಸೈನಿಕರ ಆಯ್ಕೆಯಲ್ಲಿಯೂ ಸಹ ದೇವರು ಮಧ್ಯಪ್ರವೇಶಿಸುತ್ತಾನೆ ಏಕೆಂದರೆ ಇಸ್ರಾಯೇಲ್ ಅತಿಯಾದ ದೃಢವಿಶ್ವಾಸವನ್ನು ಪಡೆಯಬಾರದು ಮತ್ತು ತಿರಿಗಿ ದಾರಿ ತಪ್ಪಿಸಬಾರದು ಎಂದು ಆತನು ಬಯಸಿದನು. ಆ ದಿನ ಯುದ್ಧಭೂಮಿಯಲ್ಲಿ ದೊಡ್ಡ ಜಯವನ್ನು ಹೊಂದಿದ್ದರೂ, ಗಿದ್ಯೋನನು ಉತ್ತಮವಾಗಿ ಮುಗಿಸಲಿಲ್ಲ. ಅವನು ಇಸ್ರಾಯೇಲ್ಯರನ್ನು ವಿಗ್ರಹಾರಾಧನೆಗೆ ನಡೆಸಿದನು ಮತ್ತು ಅದು ಅವನ ಕುಟುಂಬಕ್ಕೆ ಒಂದು ಬಲೆಯಾಗಿತ್ತು.

ನಿಮ್ಮನ್ನೇ ನೀವು ಕೇಳಿಕೊಳ್ಳಬೇಕಾದ ಪ್ರಶ್ನೆಗಳು

ಈ ಸಮಯದಲ್ಲಿ ದೇವರು ನನ್ನಿಂದ ಹೊರತೆಗೆಯಲು ಬಯಸುವ ಗುಪ್ತ ವರವು ನನ್ನಲ್ಲಿ ಇದೆಯೇ?

ದೇವರು ಇಂದು ನಿಮ್ಮನ್ನು ಏನೆಂದು ಕರೆಯುತ್ತಿದ್ದಾನೆ? ಪರಾಕ್ರಮದ ಪುರುಷನೋ/ಶೌರ್ಯದ ಮಹಿಳೆಯೋ? ಪ್ರೀಯನೋ? ಆತನ ಸ್ವರವನ್ನು ಕೇಳಿ.

ನಾನು ಉತ್ತಮವಾಗಿ ಮುಗಿಸಲು ಬದ್ಧನಾಗಿದ್ದೇನೆಯೇ?