مَرْقُس 10

الطّلاق

1و يَسُوع مَرَق، و مَشى لِمَحَل اليَهُودِيَّه و غادي الأُرْدُنّ. و ناس كُتار إتلَمّو ليهو، و كان يَعَلِّمُم كَمان زي #10‏:1 عادَه: التَّرتيب البيَعمِلو زول ولّا ناس مَرّات كَتيرَه.عادَتو.

2و الفَرّيسيّين قَرَّبو ليهو عَشان يَجَرِّبوهو و سألوهو: ”بِالقانون لِلرّاجِل يَطَلِّق مَرَتو؟“ 3رَدَّ عَليهُم و قال: ”مُوسَى أمَركُم بِشِنو؟“ 4قالو: ”مُوسَى أدّا إذن لِلرّاجِل أن يَكتِب شَهادَة الطّلاق، و يَرَسِّلا مِنّو.“ 5و يَسُوع قال ليهُم: ”مُوسَى كَتَب الأمر دا عَلَشان قُلوبكُم قَوّيين. 6لَكِن مِن بِدايَة خَليقَة الدُّنيا، الله خَلَقُم راجِل و مَرَه. 7و فِشان دا، الرّاجِل بِسيب أبوهو و أُمّو، و يَلحَق مَرَتو. 8و الأتنين يَبقو جِسم واحِد. كِدا، هُم ما إتنين بَعَد دا، لَكِن جِسم واحِد. 9عَلَشان كِدا، الجَّمَعو الله، ما تَخَلّي زول يَفَرِّقو.“

10و في البيت، تَلاميذو سَألو كَمان عَن دا. 11و قال ليهُم: ”اليَطَلِّق مَرَتو و بِتزَوَّج مَرَه تانيَه، يَعمِل زِنا عَليها. 12و إذا هي تَطَلِّق راجِلا و تَزَوِّج راجِل تاني، هي تَعمِل الزِّنا.“

يَسُوع و الأولاد

13و كانو يَقَدِّمو ليهو أولاد عَشان يَلمَسُم. و لَكِن التَّلاميذ كانو يَوَبِّخو النّاس القَدَّموهُم. 14و لَكِن لَمّا يَسُوع شافُم، زِعِل شَديد، و قال ليهُم: ”خَلّو الأولاد بِجو لَي، و ما تَمنَعوهُم. عَشان مَلَكوت الله ليهُم اليَكونو زي الأولاد ديل. 15أقول ليكُم الحَق، الما يَقبَل مَلَكوت الله زي وَلَد، ما بِدخُلو أبَداً.“ 16و أخَدُم في ضِرعاتو و كان يَبارِكُم، و هو يَخُت إيدينو عَليهُم.

الشّاب الغَني

17و وَكِت ما كان ماشي في السِّكَّه، واحِد جَرى و رَكَع قِدّامو و سَألو و قال ليهو: ”يا المُعَلِّم الصّالِح، أسَوّي شِنو عَشان أُورَث الحَياة الأبَديَّه؟“ 18و يَسُوع قال ليهو: ”لِشِنو تَسَمّيني صالِح؟ ما في زول واحِد صالِح إلّا واحِد، و هو الله. 19إنتَ تَعرِف الأوامِر: ما تَكتُل، ما تَعمِل الزِّنا، ما تَسرِق، ما تَشهَدو بِالكِضِب، ما تَغِش، إحتَرِم أبوك و أُمَّك.“ 20و قال ليهو، ”يا مُعَلِّم، حَفَظتو دي كُلَّها مِن الزَّمَن الأنا كُنتَ شاب.“ 21و يَسُوع عايَن ليهو، و حَبّاهو، و قال: ”ناقصَه ليك حاجَه واحدَه. أمشي، بيع كُلّو مالَك، و أدّيهو لِلمَساكين، و بِكون عِندَك كَنز في السَّما. و تَعال، و أتبَعني.“ 22و هو بِقى ما مَبسوط مِن الكِلمَه دي، و هو مَرَق حَزنان، عَشان كان عِندو أموال كَتيرَه.

23و يَسُوع عايَن حَوَليهو و قال لِتَلاميذو: ”كيف بِكون صَعب لِلغَنيين أن يدخُلو مَلَكوت الله!“ 24و التَّلاميذ إستَغرَبو مِن كَلامو. لَكِن يَسُوع قال ليهُم كَمان: ”يا أولادي، دُخول مَلَكوت الله صَعب جِدّاً! 25أسهَل لِجَمَل أن يَدخُل في عين إبرَه مِن أن راجِل غَني يَدخُل مَلَكوت الله.“ 26و إتعَجَّبو خَلاص، و قالو ليهو: ”كان كِدا، مِنو يَقدَر يَخلَص؟“ 27يَسُوع عايَن ليهُم و قال: ”دا ما مُمكِن لِلنّاس، لَكِن مُمكِن لِلَّه. عَشان كُلّو شي مُمكِن لِلَّه.“ 28و بُطْرُس إبتَدا يَقول ليهو: ”شوف، نِحنا خَلّينا كُلّو شي و تَبَعناك.“ 29يَسُوع قال: ”أقول ليكُم الحَق، ما في واحِد خَلّى بيت، ولّا أخوان، ولّا أخوات، ولّا أُم، ولّا أبو، ولّا أولاد، ولّا زِراعات فِشانّي و فِشان الإنجيل، 30إلّا يَقبَل مِيَّة مَرَّه هَسَّع في الزَّمَن دا: بُيوت، و أخوان، و أخوات، و أُمَّهات، و أولاد، و زِراعات مَعَ طَرد، و في الزَّمَن الجّاي الحَياة الأبَديَّه. 31و لَكِن كَتير مِن النّاس الفي الأوَّل بِكونو في الآخِر، و الفي الآخِر بِكونو في الأوَّل.“

32و كانو في السِّكَّه، و يَطلَعو لِأُورُشَلِيم. و يَسُوع كان ماشي قِدّامُم. و كانو يِستَغرَبو، و هُم التَّبَعوهو كانو خايفين. و يَسُوع أخَد الإتناشَر مَرَّه تانيَه، و إبتَدا يَقول ليهُم عَن البِحصَل ليهو. 33و قال: ”شوفو، نِحنا نَطلَع لِأُورُشَلِيم. و بِسَلِّمو إبن الإنسان لِلقُسُس الكُبار و مُعَلِّمين القانون. و بِحكُمو عَليهو بِالموت، و بِسَلِّموهو #10‏:33 أُمَّه، أُمَم: ناس بِلاد تانيين. لِلأُمَم. 34و بِضحَكو عَليهو، و يَبزَقو عَليهو، و يَجلِدوهو، و يَكتُلوهو. و بَعَد تَلاتَة أيام بِقوم.“

طَلَب يَعْقُوب و يُوحَنَّا

35و يَعْقُوب و يُوحَنَّا أولاد زَبَدي قَرَّبو ليهو و قالو ليهو: ”يا مُعَلِّم، نِحنا دايِرينَك بِتَعمِل لينا كُلّو ما نَطلُب مِنَّك.“ 36و قال ليهُم: ”دايِرينّي أعمِل ليكُم شِنو؟“ 37قالو ليهو: ”أَدِّي لينا نَقَنِّب واحِد عَن يَمينَك، و واحِد عَن شِمالَك في مَجدَك.“ 38لَكِن يَسُوع قال ليهُم: ”إنتو ما تَعرِفو الإنتو تَطلُبو. إنتو تَقدَرو تَشرَبو مِن كُبّايَة الوَجَع الأنا بَشرَب مِنَّها؟ و تِتعَمَّدو بِالمَعموديَّه الأنا أتعَمَّد بيها؟“ 39و قالو ليهو: ”بِنَقدَر.“ و يَسُوع قال ليهُم: ”الكُبّايَه الأنا بَشرَب مِنَّها، إنتو بِتَشرَبو مِنَّها. و المَعموديَّه الأنا بَتعَمَّد بيها، بِتعَمَّدو إنتو. 40و لَكِن القُعاد عَن يَميني ولّا عَن شِمالي ما لَي أن أدّيكُم. لَكِن هو لِلحَضَّر ليهُم الله.“ 41و لَمّا العَشَرَه سِمِعو، إبتَدو يَزعَلو مِن يَعْقُوب و يُوحَنَّا. 42و يَسُوع ناداهُم ليهو و قال ليهُم: ”إنتو عارفين أن ديل المَعروفين يَكونو حُكّام الأُمَم، هُم يَعمِلو زي السَّيد عَليهُم. و الكُبار يَشتَغِلو بِسُلطَه عَليهُم. 43و لَكِن ما يَكون بينكُم زي دا. لَكِن العاوِز يَبقى كَبير بينكُم، لازِم يَكون خَدّام ليكُم. 44و العاوِز يَبقى الأوَّل بينكُم، لازِم يَكون عَبد لِلكُل. 45عَلَشان إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء عَن ناس كُتار.“

شِفا بَارْتِيمَاوُس العَميان

46و جو لِأَرِيحَا. و وَكِت ما كان يَمرُق مِن أَرِيحَا مَعَ تَلاميذو و ناس كُتار كَمان، بَارْتِيمَاوُس، يَعني وَلَد تِيمَاوُس، و هو مِسكين و عَميان، كان قاعِد في السِّكَّه يَسأل صَدَقَه. 47و لَمّا هو سِمِع إنّو كان يَسُوع النّاصِري، إبتَدا يَكورِك و يَقول: ”يا يَسُوع، إبن دَاوُد، أرحَمني!“ 48و ناس كُتار كانو يَوَبِّخوهو، و يَكَلِّموهو عَشان يَسكُت. و لَكِن هو كان يَكورِك زِيادَه: ”يا يَسُوع، إبن دَاوُد، أرحَمني.“ 49و يَسُوع وَقَف و قال: ”نادوهو.“ و نادو العَميان و قالو ليهو: ”شِد حيلَك. قوم، هو بِناديك.“ 50و رَمى توبو و #10‏:50 نَطَّ، يَنوط: يَطلَع بِصُدفَه و يَرفَع الكِرعين مِن الأرض.نَطَّ، و جا لِيَسُوع. 51و يَسُوع قال ليهو: ”دايِرني أعمِل ليك شِنو؟“ و العَميان قال ليهو: ”يا سَيِّد، داير أشوف مَرَّه تانيَه.“ 52و قال ليهو: ”أمشي، إيمانَك شَفاك.“ و طَوّالي قِدِر يَشوف، و تَبَع يَسُوع في الدَرِب.

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

مَرْقُس 10: APD2024

ಹೈಲೈಟ್ ಮಾಡಿ

ಹಂಚಿಕೊಳ್ಳಿ

ಕಾಪಿ