مَرْقُس 11
11
الدُّخول بِالنَّصر
1و لَمّا قَرَّبو مِن أُورُشَلِيم و وِصلو بيت فاجي و بيت عَنيا عِند جَبَل الزّيتون، رَسَّل إتنين مِن تَلاميذو، 2و قال ليهُم: ”أمشو لِلحِلَّه القِدّامكُم، و طَوّالي لَمّا تَدخُلو فيها، بِتَلقو جَنى حُمارَه مَربوط، ما في واحِد رِكبو أبَداً. فِكُوهو، و جيبوهو. 3و إذا واحِد بِقول ليكُم: لِشِنو تَعمِلو كِدا؟ قولو: الرَّب #11:3 مُحتاج: ما عِندو كِفايَه. مُحتاج ليهو، و يَرَجِّعو هِنا طَوّالي.“ 4و مَرَقو، و لِقو جَنى حُمارَه مَربوط عِند الباب بَرَّه مِن السِّكَّه. و فَكّوهو. 5و بَعض مِن النّاس الكانو واقفين هِناك قالو ليهُم: ”بِتَعمِلو شِنو، و إنتو تَفِكّو جَنى الحُمارَه؟“ 6و قالو ليهُم زي ما قال يَسُوع. و النّاس خَلّوهُم ياخدوهو. 7و جابو جَنى الحُمارَه لِيَسُوع، و رَمو هِدُومُم عَليهو. و يَسُوع قَعَد فوقو. 8و ناس كُتار فَرَشو هِدُومُم في السِّكَّه، و تانيين فَرَشو وَرَق مِن الشَّجَر الهُم قَطَعو مِن الزِّراعات. 9و هُم الإتقَدَّموهو و هُم التَّبَعوهو كانو يَكورِكو، و قالو: ”أُوصَنّا! مُبارَك هو الجّاي بِإسم الرَّب! 10مُبارَكَه مَملَكَة أبونا دَاوُد الجّايَه! أُوصَنّا في العالي!“
11و دَخَل لِأُورُشَلِيم و مَشى لِلهيكَل. و لَمّا عايَن حَولو لِكُلّو شي، مَرَق لِبيت عَنيا مَعَ الإتناشَر، عَشان بِقى وَكِت المِسا.
يَسُوع يَنَضِّف الهيكَل
12و في الصَّباح، لَمّا مَرَقو مِن بيت عَنيا، يَسُوع كان جَعان. 13و شاف مِن بَعيد شَجَرَة تين، العِندَها وَرَق. و مَشى يَشوف إذا يِمكِن يَلقا فيها حاجَه. و لَمّا وِصِل ليها، ما لِقى حاجَه إلّا وَرَق، عَلَشان ما كان الوَكِت لِلتّين. 14و قال ليها: ”ما في واحِد بياكُل مِنِّك ثِمار تاني مَرَّه أبَداً.“ و تَلاميذو سِمِعوهو.
15و جو لِأُورُشَلِيم، و دَخَل الهيكَل و إبتَدا يَطرُد النّاس الكانو بِبيعو و بِشتَرو في الهيكَل. و قَلَب طَرَبيزات الصَّرّافين و كَراسي النّاس الكانو بِبيعو الحَمام. 16و ما خَلّى أي واحِد يَشيل بُضاعَه في وَسط الهيكَل. 17و كان يَعَلِّم و قال: ”ما مَكتوب: يَسَمّو بيتي بيت الصَّلاه لِكُل الأُمَم؟ لَكِن إنتو سَوّيتوهو مَحَل حَراميَّه.“ 18و القُسُس الكُبار و مُعَلِّمين القانون سِمِعو، و بِقو يَكوسو طَريق عَشان يَكتُلوهو. عَلَشان هُم كانو خايفين مِنّو، عَشان كُل النّاس إتعَجَّبو مِن تَعليمو. 19و لَمّا بِقى المِسا، مَرَقو مِن المَدينَه.
شَجَرَة التّين يبسَت
20و في الصَّباح وَكِت ما كانو ماشين، شافو شَجَرَة التّين يِبسَت لِغايَة عُروقا. 21و بُطْرُس إتزَكَّر و قال ليهو: ”يا سَيِّد، شوف! شَجَرَة التّين الأنتَ لَعَنتَها يِبسَت.“ 22و يَسُوع رَدَّ عَليهُم و قال: ”خَلّي يَكون ليكُم إيمان بِالله. 23أقول ليكُم الحَق، أي زول اليَقول لِلجَّبَل دا: أمرُق، و أرمي نَفسَك في البَحَر، و هو ما بِشِك في قَلبو، لَكِن يَصَدِّق الهو يَقولو يَحصُل، دا بِكون عِندو. 24عَلَشان كِدا، أقول ليكُم، كُل الإنتو تَطلُبوهو في الصَّلاه، صَدِّقو إنَّكُم بِتَقبَلوهو، و يَكون ليكُم. 25و لَمّا تَقيفو و تَصَلّو، أغفِرو إذا عِندَكُم أي شي عَلى زول، عَشان أبوكُم كَمان الفي السَّما يَغفِر ليكُم خَطاياكُم. 26و إذا إنتو ما تَغفِرو، أبوكُم الفي السَّما ما يَغفِر خَطاياكُم.“
27و جو لِأُورُشَلِيم مَرَّه تانيَه. و وَكِت ما هو كان ماشي في الهيكَل، القُسُس الكُبار و مُعَلِّمين القانون و الشُّيوخ جو ليهو، 28القالو ليهو: ”بِياتا سُلطَه بِتَعمِل الأعمال دي؟ و مِنو أدّاك السُّلطَه دي عَشان تَعمِل الحاجات دي؟“ 29يَسُوع قال ليهُم: ”و أنا كَمان بَسألكُم سؤَال واحِد. رُدّو عَلي، و أنا أقول ليكُم بِياتا سُلطَه بَسَوّي الحاجات دي. 30مَعموديَّة يُوحَنَّا كانَت مِن السَّما ولّا مِن النّاس؟ رُدّو عَلي.“ 31و إتكَلَّمو مَعَ بَعض، و قالو: ”إذا نَقول: مِن السَّما، هو بِقول: لِشِنو ما صَدَّقتوهو؟ 32و لَكِن إذا نَقول: مِن النّاس، ...“ و هُم كانو خايفين مِن النّاس، عَشان كُل النّاس حَسبو إنّو يُوحَنَّا نَبي حَقيقي. 33عَشان دا، رَدّو عَلى يَسُوع و قالو: ”ما بِنَعرِف.“ و يَسُوع قال ليهُم: ”و لا أنا بَقول ليكُم بِياتا سُلطَه بَسَوّي الحاجات دي.“
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
مَرْقُس 11: APD2024
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© 1978 SIM, adapted in 2024 by Pioneer Bible Translators
مَرْقُس 11
11
الدُّخول بِالنَّصر
1و لَمّا قَرَّبو مِن أُورُشَلِيم و وِصلو بيت فاجي و بيت عَنيا عِند جَبَل الزّيتون، رَسَّل إتنين مِن تَلاميذو، 2و قال ليهُم: ”أمشو لِلحِلَّه القِدّامكُم، و طَوّالي لَمّا تَدخُلو فيها، بِتَلقو جَنى حُمارَه مَربوط، ما في واحِد رِكبو أبَداً. فِكُوهو، و جيبوهو. 3و إذا واحِد بِقول ليكُم: لِشِنو تَعمِلو كِدا؟ قولو: الرَّب #11:3 مُحتاج: ما عِندو كِفايَه. مُحتاج ليهو، و يَرَجِّعو هِنا طَوّالي.“ 4و مَرَقو، و لِقو جَنى حُمارَه مَربوط عِند الباب بَرَّه مِن السِّكَّه. و فَكّوهو. 5و بَعض مِن النّاس الكانو واقفين هِناك قالو ليهُم: ”بِتَعمِلو شِنو، و إنتو تَفِكّو جَنى الحُمارَه؟“ 6و قالو ليهُم زي ما قال يَسُوع. و النّاس خَلّوهُم ياخدوهو. 7و جابو جَنى الحُمارَه لِيَسُوع، و رَمو هِدُومُم عَليهو. و يَسُوع قَعَد فوقو. 8و ناس كُتار فَرَشو هِدُومُم في السِّكَّه، و تانيين فَرَشو وَرَق مِن الشَّجَر الهُم قَطَعو مِن الزِّراعات. 9و هُم الإتقَدَّموهو و هُم التَّبَعوهو كانو يَكورِكو، و قالو: ”أُوصَنّا! مُبارَك هو الجّاي بِإسم الرَّب! 10مُبارَكَه مَملَكَة أبونا دَاوُد الجّايَه! أُوصَنّا في العالي!“
11و دَخَل لِأُورُشَلِيم و مَشى لِلهيكَل. و لَمّا عايَن حَولو لِكُلّو شي، مَرَق لِبيت عَنيا مَعَ الإتناشَر، عَشان بِقى وَكِت المِسا.
يَسُوع يَنَضِّف الهيكَل
12و في الصَّباح، لَمّا مَرَقو مِن بيت عَنيا، يَسُوع كان جَعان. 13و شاف مِن بَعيد شَجَرَة تين، العِندَها وَرَق. و مَشى يَشوف إذا يِمكِن يَلقا فيها حاجَه. و لَمّا وِصِل ليها، ما لِقى حاجَه إلّا وَرَق، عَلَشان ما كان الوَكِت لِلتّين. 14و قال ليها: ”ما في واحِد بياكُل مِنِّك ثِمار تاني مَرَّه أبَداً.“ و تَلاميذو سِمِعوهو.
15و جو لِأُورُشَلِيم، و دَخَل الهيكَل و إبتَدا يَطرُد النّاس الكانو بِبيعو و بِشتَرو في الهيكَل. و قَلَب طَرَبيزات الصَّرّافين و كَراسي النّاس الكانو بِبيعو الحَمام. 16و ما خَلّى أي واحِد يَشيل بُضاعَه في وَسط الهيكَل. 17و كان يَعَلِّم و قال: ”ما مَكتوب: يَسَمّو بيتي بيت الصَّلاه لِكُل الأُمَم؟ لَكِن إنتو سَوّيتوهو مَحَل حَراميَّه.“ 18و القُسُس الكُبار و مُعَلِّمين القانون سِمِعو، و بِقو يَكوسو طَريق عَشان يَكتُلوهو. عَلَشان هُم كانو خايفين مِنّو، عَشان كُل النّاس إتعَجَّبو مِن تَعليمو. 19و لَمّا بِقى المِسا، مَرَقو مِن المَدينَه.
شَجَرَة التّين يبسَت
20و في الصَّباح وَكِت ما كانو ماشين، شافو شَجَرَة التّين يِبسَت لِغايَة عُروقا. 21و بُطْرُس إتزَكَّر و قال ليهو: ”يا سَيِّد، شوف! شَجَرَة التّين الأنتَ لَعَنتَها يِبسَت.“ 22و يَسُوع رَدَّ عَليهُم و قال: ”خَلّي يَكون ليكُم إيمان بِالله. 23أقول ليكُم الحَق، أي زول اليَقول لِلجَّبَل دا: أمرُق، و أرمي نَفسَك في البَحَر، و هو ما بِشِك في قَلبو، لَكِن يَصَدِّق الهو يَقولو يَحصُل، دا بِكون عِندو. 24عَلَشان كِدا، أقول ليكُم، كُل الإنتو تَطلُبوهو في الصَّلاه، صَدِّقو إنَّكُم بِتَقبَلوهو، و يَكون ليكُم. 25و لَمّا تَقيفو و تَصَلّو، أغفِرو إذا عِندَكُم أي شي عَلى زول، عَشان أبوكُم كَمان الفي السَّما يَغفِر ليكُم خَطاياكُم. 26و إذا إنتو ما تَغفِرو، أبوكُم الفي السَّما ما يَغفِر خَطاياكُم.“
27و جو لِأُورُشَلِيم مَرَّه تانيَه. و وَكِت ما هو كان ماشي في الهيكَل، القُسُس الكُبار و مُعَلِّمين القانون و الشُّيوخ جو ليهو، 28القالو ليهو: ”بِياتا سُلطَه بِتَعمِل الأعمال دي؟ و مِنو أدّاك السُّلطَه دي عَشان تَعمِل الحاجات دي؟“ 29يَسُوع قال ليهُم: ”و أنا كَمان بَسألكُم سؤَال واحِد. رُدّو عَلي، و أنا أقول ليكُم بِياتا سُلطَه بَسَوّي الحاجات دي. 30مَعموديَّة يُوحَنَّا كانَت مِن السَّما ولّا مِن النّاس؟ رُدّو عَلي.“ 31و إتكَلَّمو مَعَ بَعض، و قالو: ”إذا نَقول: مِن السَّما، هو بِقول: لِشِنو ما صَدَّقتوهو؟ 32و لَكِن إذا نَقول: مِن النّاس، ...“ و هُم كانو خايفين مِن النّاس، عَشان كُل النّاس حَسبو إنّو يُوحَنَّا نَبي حَقيقي. 33عَشان دا، رَدّو عَلى يَسُوع و قالو: ”ما بِنَعرِف.“ و يَسُوع قال ليهُم: ”و لا أنا بَقول ليكُم بِياتا سُلطَه بَسَوّي الحاجات دي.“
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© 1978 SIM, adapted in 2024 by Pioneer Bible Translators