Осий 7
7
1Кор Ме бурдӧда Израильӧс,
тыдовтчас Ефремлӧн мыжыс,
мыччысясны Самариялӧн лёк уджъясыс,
ӧд йӧзыс пӧръясьӧны,
гусясьысьяс керкаяс куштӧны,
туйяс вылын мырддялӧны.
2Найӧ оз вежӧртны,
мый налысь лёк уджъяссӧ Ме тӧд вылын кута.
Ӧні налӧн уджъясныс кытшалӧмаӧсь найӧс,
налӧн лёк вӧчӧмныс Менам чужӧмбан водзын.
Ӧксыӧс мыждӧм
3– Ӧксы нимкодясьӧ, мый йӧзыс лёксӧ вӧчӧны,
юралысьяс нимкодясьӧны, мый йӧзыс пӧръясьӧны.
4Ставныс найӧ гозъякост олӧм пежалысьяс,
донӧдӧм пач кодьӧсь –
пӧжасьысьлы няньлысь кыптӧмсӧ виччысигӧн
ломтыны-донӧдны сійӧс оз нин ков.
5Ӧксынымлӧн гажӧдчан лунӧ
юралысьяс висьмытӧдзныс вина юӧны,
ӧксы кисӧ нюжӧдӧ сылы паныд кыпӧдчысьяслань.
6Ставныс найӧ ломтӧны сьӧлӧмнысӧ наянлуннас,
и накӧд лоӧ пачкӧд моз:
пӧжасьысь кӧть войсӧ узьӧ,
асъядорыс пачыс ыпъялӧ ыджыд биӧн.
7Ставныс найӧ донӧдӧм пач кодьӧсь,
би моз найӧ ньылыштӧны юралысьяснысӧ.
Налӧн ӧксыясыс усьӧны,
но некод оз шыась Ме дінӧ.
Израиль оз виччысь отсӧгсӧ Господьсянь
8– Ефрем сорласис мукӧд войтыръяскӧд.
Сійӧ лои сотчӧм нянь кодь,
кодӧс вунӧдісны бергӧдны.
9Локтысьяс чурскисны сылысь вынсӧ,
а сійӧ эз казявлы тайӧс.
Юрсиыс сылӧн дзормис,
а сійӧ оз и тӧд та йылысь.
10Израильлӧн вылӧ кыпӧдчӧмыс ас вылас усьӧ,
но сійӧ оз бергӧдчы Господь дінӧ,
оз корсь ассьыс Енсӧ.
11Ефрем лои вежӧртӧм гулю кодь,
нинӧм оз гӧгӧрво:
отсӧг корӧ Египетлысь,
мунӧ Ассурӧ.
12Муніганыс Ассьым тывйӧс Ме шыбита на вылӧ,
кыя найӧс лэбачӧс моз.
Ме мыжда найӧс,
кыдзи вӧлі шуӧма налы чукӧртчӧм дырйиныс.
13Курыд шог Израиль войтырлы,
ӧд найӧ ылыстчисны Меысь!
Найӧ бырасны,
ӧд кыпӧдчисны Меным паныд!
Ме кӧсйи мездыны найӧс,
но найӧ ылӧгсӧ висьтавлісны Ме йылысь.
14Ме дінӧ став сьӧлӧмнас шыасьӧм пыдди
найӧ бӧрдісны асланыс вольпась вылын,
нянь да вина понда найӧ вундалісны#7:14 Асланыс енъяс дінӧ шыасигӧн ентӧдтӧмъяс вӧлі вундалӧны яйнысӧ, но еврейяслы оз позь вӧлі тадзи вӧчны. асьнысӧ,
но Меысь ылыстчисны.
15Ме быдті найӧс,
ёнмӧді налысь кияссӧ,
но найӧ водзӧ мӧвпалісны Меным паныд лёк вӧчны.
16Найӧ оз кӧсйыны бергӧдчыны Медвылыссаыс дінӧ,
найӧ лоины личалӧм ньӧввуж кодьӧсь.
Налӧн юралысьясныс шыпурт помысь усясны,
лёк кывныс вӧсна куласны,
и Египет муын найӧс кутасны лёкӧдны.
Currently Selected:
Осий 7: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
Осий 7
7
1Кор Ме бурдӧда Израильӧс,
тыдовтчас Ефремлӧн мыжыс,
мыччысясны Самариялӧн лёк уджъясыс,
ӧд йӧзыс пӧръясьӧны,
гусясьысьяс керкаяс куштӧны,
туйяс вылын мырддялӧны.
2Найӧ оз вежӧртны,
мый налысь лёк уджъяссӧ Ме тӧд вылын кута.
Ӧні налӧн уджъясныс кытшалӧмаӧсь найӧс,
налӧн лёк вӧчӧмныс Менам чужӧмбан водзын.
Ӧксыӧс мыждӧм
3– Ӧксы нимкодясьӧ, мый йӧзыс лёксӧ вӧчӧны,
юралысьяс нимкодясьӧны, мый йӧзыс пӧръясьӧны.
4Ставныс найӧ гозъякост олӧм пежалысьяс,
донӧдӧм пач кодьӧсь –
пӧжасьысьлы няньлысь кыптӧмсӧ виччысигӧн
ломтыны-донӧдны сійӧс оз нин ков.
5Ӧксынымлӧн гажӧдчан лунӧ
юралысьяс висьмытӧдзныс вина юӧны,
ӧксы кисӧ нюжӧдӧ сылы паныд кыпӧдчысьяслань.
6Ставныс найӧ ломтӧны сьӧлӧмнысӧ наянлуннас,
и накӧд лоӧ пачкӧд моз:
пӧжасьысь кӧть войсӧ узьӧ,
асъядорыс пачыс ыпъялӧ ыджыд биӧн.
7Ставныс найӧ донӧдӧм пач кодьӧсь,
би моз найӧ ньылыштӧны юралысьяснысӧ.
Налӧн ӧксыясыс усьӧны,
но некод оз шыась Ме дінӧ.
Израиль оз виччысь отсӧгсӧ Господьсянь
8– Ефрем сорласис мукӧд войтыръяскӧд.
Сійӧ лои сотчӧм нянь кодь,
кодӧс вунӧдісны бергӧдны.
9Локтысьяс чурскисны сылысь вынсӧ,
а сійӧ эз казявлы тайӧс.
Юрсиыс сылӧн дзормис,
а сійӧ оз и тӧд та йылысь.
10Израильлӧн вылӧ кыпӧдчӧмыс ас вылас усьӧ,
но сійӧ оз бергӧдчы Господь дінӧ,
оз корсь ассьыс Енсӧ.
11Ефрем лои вежӧртӧм гулю кодь,
нинӧм оз гӧгӧрво:
отсӧг корӧ Египетлысь,
мунӧ Ассурӧ.
12Муніганыс Ассьым тывйӧс Ме шыбита на вылӧ,
кыя найӧс лэбачӧс моз.
Ме мыжда найӧс,
кыдзи вӧлі шуӧма налы чукӧртчӧм дырйиныс.
13Курыд шог Израиль войтырлы,
ӧд найӧ ылыстчисны Меысь!
Найӧ бырасны,
ӧд кыпӧдчисны Меным паныд!
Ме кӧсйи мездыны найӧс,
но найӧ ылӧгсӧ висьтавлісны Ме йылысь.
14Ме дінӧ став сьӧлӧмнас шыасьӧм пыдди
найӧ бӧрдісны асланыс вольпась вылын,
нянь да вина понда найӧ вундалісны#7:14 Асланыс енъяс дінӧ шыасигӧн ентӧдтӧмъяс вӧлі вундалӧны яйнысӧ, но еврейяслы оз позь вӧлі тадзи вӧчны. асьнысӧ,
но Меысь ылыстчисны.
15Ме быдті найӧс,
ёнмӧді налысь кияссӧ,
но найӧ водзӧ мӧвпалісны Меным паныд лёк вӧчны.
16Найӧ оз кӧсйыны бергӧдчыны Медвылыссаыс дінӧ,
найӧ лоины личалӧм ньӧввуж кодьӧсь.
Налӧн юралысьясныс шыпурт помысь усясны,
лёк кывныс вӧсна куласны,
и Египет муын найӧс кутасны лёкӧдны.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023