Salāmo 136
136
‘Ia Tele le Fa‘afetai i le ALI‘I ‘ona o Ona Vāvega Alofa
1‘Ia ‘outou vivi‘i atu i le ALI‘I, auā e lelei o ia;#1 No 16.34; 2 No 5.13; 7.3; Esera 3.11; Sala 100.5; 106.1; 107.1; 118.1; Iere 33.11
auā e fa‘avavau lava lona alofa.
2Vivi‘i atu ‘outou i le Atua o atua;
auā e fa‘avavau lava lona alofa.
3Vivi‘i atu ‘outou i le Ali‘i o ali‘i;
auā e fa‘avavau lava lona alofa.
4O lē faia vāvega tetele, na o ia lava;
auā e fa‘avavau lava lona alofa.
5O lē na faia le lagi i le poto;#Kene 1.1; Fa‘ata 3.19; Iere 10.12
auā e fa‘avavau lava lona alofa.
6O lē na fofola le lalolagi i luga o le vai;#Kene 1.2; Isai 42.5
auā e fa‘avavau lava lona alofa.
7O lē na faia malamalama tetele;#Kene 1.16
auā e fa‘avavau lava lona alofa.
8O le lā e pule i le ao;
auā e fa‘avavau lava lona alofa.
9O le masina ma fetū e pule i le po;
auā e fa‘avavau lava lona alofa.
10O lē na fasia Aikupito, o a latou ulumatua lava;#Eso 12.29
auā e fa‘avavau lava lona alofa.
11O lē na ‘aumaia Isaraelu nai ‘iā i latou;#Eso 12.51
auā e fa‘avavau lava lona alofa.
12I le ‘a‘ao malosi ma le ‘a‘ao fa‘aloaloa;
auā e fa‘avavau lava lona alofa.
13O lē na vāea le sami Ulaula i vaega;#Eso 14.21-29
auā e fa‘avavau lava lona alofa;
14ma na fa‘aui ane ai Isaraelu;
auā e fa‘avavau lava lona alofa;
15a ‘ua lafoina e ia o Farao ma ana ‘au i le sami Ulaula;
auā e fa‘avavau lava lona alofa.
16O lē na ta‘ita‘iina atu lona nu‘u i le vao;
auā e fa‘avavau lava lona alofa.
17O lē na fasia tupu sili;
auā e fa‘avavau lava lona alofa;
18ma na fasiotia tupu mamalu;
auā e fa‘avavau lava lona alofa;
19o Sekono le tupu o sa Amorī;#Nume 21.21-30
auā e fa‘avavau lava lona alofa;
20ma Oko le tupu o Vasana;#Nume 21.31-35
auā e fa‘avavau lava lona alofa.
21‘Ua na ‘aumai fo‘i lo latou lau‘ele‘ele e fai ma tofi,
auā e fa‘avavau lava lona alofa;
22o le tofi lava o lana ‘au‘auna o Isaraelu;
auā e fa‘avavau lava lona alofa.
23O lē na manatua i tatou, ‘ina ‘ua fa‘amaulaloina i tatou;#Teu 32.36; Isai 63.9
auā e fa‘avavau lava lona alofa;
24ma na lavea‘i mai ‘iā i tatou i ē na sauā mai;
auā e fa‘avavau lava lona alofa.
25O lē foa‘iina mea e ‘ai i mea ola uma lava;
auā e fa‘avavau lava lona alofa.
26‘Inā vivi‘i atu ia ‘outou i le Atua o le lagi;#Esera 5.12; Nee 1.4
auā e fa‘avavau lava lona alofa.
Revised Samoan Catholic Bible © Bible Society of the South Pacific, 2010.