Hosea 9
9
O le Puapuagā o Isaraelu ‘ona o a Latou Agasala
1Isaraelu e, ‘aua ‘e te fiafia ma le ‘oli‘oli, fa‘apei o isi nu‘u; auā ‘ua e alu ‘ese i lou Atua e faita‘aga ai; ‘ua e fia fai i taui i mea uma e sasa ai saito.#Iere 44.17 2E le fagaina i latou i le mea e sasa ai saito ma le soligāvine, e oge ai uaina fou. 3Latou te lē nonofo i le nu‘u o le ALI‘I, ‘ae toe fo‘i Efaraima i Aikupito, latou te ‘a‘ai mea leaga#9.3 ‘a‘ai mea leaga: O le tulafono a Mose e sa ona ‘a‘ai mea ‘ai ‘ele‘elea po o mea ‘ai e fa‘asāina i le tulafono (va‘ai Levi 11). i Asuria.#Levi 25.23; Iere 2.7; 16.18 4Latou te lē fai taulaga i le ALI‘I i uaina, e lē fiafia o ia ‘iā te i latou; o a latou taulaga, e ‘iā te i latou ia, peiseaī o mea e ‘ai ‘ae fa‘anoanoa, o i latou uma e ‘a‘ai ai e leaga ai i latou; auā o la latou mea e ‘ai mā latou e lē o‘o atu lea i le fale o le ALI‘I.#Teu 26.14; Eseki 4.13; 24.17; Hakai 2.13 5Se a se mea tou te faia i le aso e fai ai le tausamiga ma le aso e fai ai le taulaga i le ALI‘I? 6Auā, fa‘auta mai, ‘ua ō i latou ne‘i malaia; e fa‘apotopotoina i latou e Aikupito, e tanumia i latou e Mafi; o mea matagofie o i ai o latou ario e vaoa ia i la‘au ogoogo; e i ai i o latou fale o la‘au talatala.
7‘Ua o‘o ai ona po e taui ai, ‘ua o‘o mai ona po e totogi ai; e iloa e Isaraelu; “‘Ua valea le perofeta, ‘ua valea lava le va‘afa‘atau,” ‘ona o le tele o lau amio leaga ma le ‘ino‘ino tele.#Luka 21.22 8O lo‘o fa‘atalitali Efaraima fa‘atasi i lo‘u Atua; ‘ua se mailei o ē fai manu le perofeta i ana amio uma; o le ‘ino‘ino i le fale o lona Atua.#Eseki 3.17 9‘Ua matuā amio leaga i latou, fa‘apei ‘ona fai i ona po o Kipea;#9.9 Kipea: O le ‘a‘ai lenei sa fa‘amalosia ai e nisi o tagata ulavavale o le itū‘āiga o Peniamina le palake o le Levi; na ‘avea lea fa‘alavelave na tupu ai tau‘a i totonu o Isaraelu na fa‘atafunaina ai le itū‘āiga o Peniamina (va‘ai Fa‘amasino 19-21). e manatua e ia a latou agasala, e taui atu ‘iā latou amio leaga.#Fa‘ama 19.1-30
O le Agasala a Isaraelu
10Na ‘ou maua Isaraelu, e pei o fuifui vine i le vao; na ‘ou iloa o ‘outou mātua e pei o ulua‘i mati i le mati ‘ina ‘ua fa‘ato‘ā fua mai; a ‘ua ō i latou ‘iā Paalapeoro, ‘ua vavae atu i latou i le mea e māsiasi ai; ‘ua ‘inosia i latou e tusa ma le mea ‘ua latou naunau i ai.#Nume 25.1-5; Roma 1.28-29 11O Efaraima e lele ‘ese lo latou mamalu fa‘apei o le manulele, a‘i le fānauga ma le manava ma le fa‘ato‘ā afuafua. 12E ui ‘ina latou tausi a latou fānau, ‘ou te ‘ave‘eseina i latou i tagata; ‘oi talofa lava ‘iā te i latou, pe a a‘u alu ‘ese ‘iā te i latou.#Hose 13.16
13‘Ua totōina Efaraima i le mea matagofie, fa‘apei ‘ona ‘ou iloa o Turo; a o Efaraima na te ta‘ita‘iina atu lana fānau i le fasioti tagata.#1 Samu 28.15-16; Eseki 27.3 14Le ALI‘I e, ‘ia e avatu ‘iā te i latou; se a fo‘i se mea ‘e te avatua? ‘Ia e avatu ‘iā te i latou le manava fānau lē au ma susu e lē susua.#Luka 23.29
E Fa‘amasinoina e le Ali‘i ‘iā Isaraelu
15O lo‘o i Kilikala lo latou leaga uma; auā na ‘ou ‘ino‘ino ‘iā te i latou i lea mea, ‘ou te tulia i latou a‘i lo‘u fale ‘ina ‘ua leaga mea ‘ua latou faia; ‘ou te lē toe alofa ‘iā te i latou; o latou ali‘i uma, o ē fouvale i latou. 16‘Ua taia Efaraima, ‘ua mago lo latou pogai; latou te lē fua mai ni fua; ‘āfai fo‘i latou te fānanau, ‘ou te fasiotia la latou fānau pele.
17E lafoa‘iina i latou e lo‘u Atua, auā ‘ua latou lē fa‘alogo ‘iā te ia; e ta‘asē i latou nu‘u ‘ese.#Teu 28.64-65
Revised Samoan Catholic Bible © Bible Society of the South Pacific, 2010.