Hosea 11
11
O le Alofa o le Atua ‘iā Isaraelu
1O ona po na tamaitiiti ai Isaraelu,#Eso 4.22; Mata 2.15
na ‘ou alofa atu ‘iā te ia,
na ‘ou vala‘auina fo‘i lo‘u atali‘i nai Aikupito.
2Na latou#11.2 O nisi o fa‘aliliuga tuai na latou: Eperu na ‘ou ‘alaga.‘alalaga ‘iā te i latou,
a ‘ua latou ō ‘ese ‘iā te i latou.
na latou fai taulaga ‘iā Paala
ma fa‘amū mea manogi i tupua ‘ua ta.
3Na ‘ou a‘oa‘oina Efaraima ‘ia savali,
o lo‘o ‘ou tauta‘ita‘i ‘iā te i latou#11.3 O nisi o fa‘aliliuga tuai o lo‘o ‘ou ta‘ita‘iina…o latou lima: Eperu na ia ta‘ita‘i i ona lima. i o latou lima;
a ‘ua lē iloa e i latou ‘ona ‘ou fa‘amālōlōina o i latou.
4Na ‘ou tosoina i latou i maea a le tagata, o maea alofa lava;#Levi 26.13; Sala 78.24-29; Iere 31.3; Ioane 6.44; 12.32
na ‘ou i ai ‘iā te i latou e pei o ē si‘i a‘e e amo a‘i o latou ‘aulamu,
na a‘u tu‘uina atu fo‘i mea e ‘ai ‘iā te i latou.
5E lē toe fo‘i o ia i le nu‘u o Aikupito, ‘ae ‘avea le Asuria mōna tupu; auā ‘ua lē mafafai i latou ‘ona toe fo‘i atu.#2 Tu 17.13-14 6E tumau le pelu i ona ‘a‘ai, e fa‘aumatia ai fo‘i ‘ona la ma fano ai, auā o a latou lava filifiliga. 7‘Ua naunau lo‘u nu‘u e liliu ‘ese ‘iā te a‘u; latou te vala‘au i ai e ō mai i lē Silisili‘ese, ‘ae leai se tasi e vivi‘i atu ‘iā te ia.#Hose 14.4
8Efaraima e,#Teu 29.23
‘ou te mafai fa‘apefea ‘ona tu‘u atu ‘iā te oe? Isaraelu e,
‘ou te tu‘uina atu oe fa‘apefea?
‘Ou te mafai fa‘apefea ‘ona tu‘uina atu o oe e pei o Atama?
‘ou te tu‘uina atu oe fa‘apefea e pei o Sepoima?
‘Ua liua lo‘u loto i totonu ‘iā te a‘u;
‘atoa fo‘i ma lo‘u alofa mutimutivale ‘ua tupu.
9‘Ou te lē fa‘ao‘o lo‘u ita tele;#Nume 23.19; Isai 12.6
‘ou te lē toe fa‘aumatia Efaraima;
Auā o a‘u o le Atua, ‘ae lē se tagata,
o le Pa‘ia o lo‘o i totonu ‘iā te oe;
‘ou te lē alu atu ma le ita.
10Latou te mulimuli atu i le ALI‘I, e tagi lava ia e pei o se leona; a tagi o ia, ‘ona ta‘alise mai ai lea o le fānau mai sisifo.#Isai 31.4; Iere 25.30; Hose 3.5 11Latou te ta‘alise mai e pei o se manulele mai Aikupito, e pei o se lupe fo‘i mai le nu‘u o Asuria; ‘ou te fa‘anonofo fo‘i ‘iā te i latou i o latou fale, ‘ua fa‘apea mai ai le ALI‘I.#Isai 11.11; 60.8; Saka 8.7; 10.6, 10
12‘Ua si‘osi‘o Efaraima ‘iā te a‘u i le pepelo, o le ‘āiga fo‘i o Isaraelu ‘ua si‘osi‘o ‘iā te a‘u i le ‘ole‘ole; a ‘ua pule pea Iuta fa‘atasi ma le Atua, ‘ua fa‘amaoni ia fa‘atasi ma le ‘au pa‘ia.
Revised Samoan Catholic Bible © Bible Society of the South Pacific, 2010.