2 Tupu 22
22
O Iosia le Tupu o Iuta
(2 No 34.1-2)
1‘Ua fai ma tupu Iosia i le valu o ona tausaga, e tolugafulu ma le tasi o tausaga na tupu ai o ia i Ierusalema. O le igoa fo‘i o lona tinā o Ietita o le afafine o Ataia le Posekata.#Iere 3.6; 2 No 34.1-2 2Na ia faia le amiotonu i luma o le ALI‘I, ‘ua ia savali fo‘i i le ala uma o Tavita lona tamā, e le‘i alu ‘ese ai lava ia i le itū taumatau po o le itū tauagavale.
‘Ua Maua e Hilikia le Tusi o le Tulafono
(2 No 34.8-28)
3O le sefulu ma le valu o tausaga o le nofoa‘iga a le tupu o Iosia na ‘auina ai e le tupu i le fale o le ALI‘I o Safana le atali‘i o Asalaia, le atali‘i ia o Mesulama, o le tusi‘upu, ‘ua fa‘apea atu, 4“Alu a‘e ia ‘iā Hilikia le ositaulaga sili, na te faitauina tupe uma ‘ua ‘aumaia i le fale o le ALI‘I, o mea ‘ua fa‘aputuina mai i le nu‘u e i latou o ē leoleo i le faitoto‘a;#2 Tu 12.4, 9 5ma ‘ia latou avatu ai ‘iā te i latou o ē fai le galuega, o ē leoleo i le fale o le ALI‘I, latou te avatu ai ‘iā te i latou o ē fai le galuega i le fale o le ALI‘I; ‘ina ‘ia toe fa‘aso‘o mea ‘ua lepetia o le fale;#2 Tu 12.11, 12, 14 6e avatu ai i tufuga ma tufuga ati fale ma ē ati pā, e fa‘atau a‘i fo‘i la‘au ma ma‘a talai, e fa‘aso‘o a‘i le fale. 7‘Ae peita‘i ‘ua lē fa‘amasinoina i latou i tupe na tu‘uina atu ‘iā te i latou, auā latou faia ma le fa‘amaoni lava.”#2 Tu 12.15
8‘Ua fai atu Hilikia le ositaulaga sili ‘iā Safana le tusi‘upu, “‘Ua ‘ou maua le tusi o le tulafono i le fale o le ALI‘I.” ‘Ona avatu ai lea o le tusi e Hilikia ‘iā Safana, ‘ua na faitau ai. 9‘Ona sau ai lea o Safana le tusi‘upu i le tupu, ‘ua tala mai i le tupu, ‘ua fa‘apea mai, “‘Ua sasa‘aina e au ‘au‘auna o tupe na i le fale, ‘ua tu‘uina atu fo‘i ‘iā te i latou o ē fai le galuega, o ē leoleo i le fale o le ALI‘I.” 10‘Ona ta‘u mai ai lea e Safana le tusi‘upu i le tupu, ‘ua fa‘apea mai, “‘Ua ‘aumai ‘iā te a‘u e Hilikia le ositaulaga o le tusi.” ‘Ona faitau ai lea e Safana i luma o le tupu.
11‘Ua fa‘alogo le tupu i ‘upu o le tusi o le tulafono, ‘ona saei ai lea e ia ona ‘ofu. 12‘Ona fai atu ai lea o le tupu ‘iā Hilikia le ositaulaga ma Aikamo le atali‘i o Safana ma Akapora le atali‘i o Mekaia ma Safana le tusi‘upu, ‘atoa ma Asaia le ‘au‘auna a le tupu, ‘ua fa‘apea atu,#2 Tu 25.22; Iere 26.24 13“Ō ia ‘outou, ‘inā fesili atu i le ALI‘I mo a‘u, ma le nu‘u, ‘atoa ma Iuta uma lava i ‘upu o le tusi nei ‘ua maua, auā e tele lava le to‘asā o le ALI‘I ‘iā te i tatou, auā ‘ua lē fa‘alogo o tatou tamā i ‘upu o lenei tusi ‘ina ‘ia faia ‘ia tusa ma mea uma ‘ua tusia mai ai ‘iā te i tatou.”#Teu 29.27
14‘Ona ō atu ai lea o Hilikia le ositaulaga ma Aikamo ma Akapora ma Safana ma Asaia ‘iā Ulata le perofeta fafine le avā a Saluma le atali‘i o Tikeva, le atali‘i ia o Areasa, o lē na tausi i ‘ofu, (sa nofo o ia i Ierusalema i le mea e ta‘ua o le lua o ‘a‘ai;) ‘ua latou tautala ma ia.#Fa‘ama 4.4; Nee 6.14; Luka 2.36 15‘Ona fai mai ai lea o ia ‘iā te i latou, “O lo‘o fa‘apea ‘ona fetalai mai o le ALI‘I le Atua o Isaraelu, ‘Ia ‘outou fai atu i le tagata na ‘a‘auina mai ‘outou ‘iā te a‘u, 16o lo‘o fa‘apea ‘ona fetalai mai o le ALI‘I, Fa‘auta, o le a a‘u ‘aumaia se malaia i lenei mea ‘atoa ma ē o nonofo ai, o ‘upu uma lava o le tusi na faitauina e le tupu o Iuta; 17auā ‘ua latou tu‘ua a‘u ‘ae fa‘amū mea manogi i atua ‘ese, ‘ina ‘ia latou fa‘a‘ono‘ono mai ‘iā te a‘u i mea uma ‘ua faia e o latou lima; o le mea lea o le a mū ai lava lo‘u ita i lenei mea, e lē tineia lava.#Teu 29.25-27 18A o le tupu o Iuta na ‘a‘auina mai ‘outou e fesili i le ALI‘I, ‘ia fa‘apea ‘ona ‘outou fai atu ‘iā te ia, O lo‘o fa‘apea ‘ona fetalai mai o le ALI‘I le Atua o Isaraelu i ‘upu na e fa‘alogo ai, 19auā ‘ua salamō lou loto#22.19 salamō lou loto: O le fa‘aliliuga tuai; malulu lou loto. ma ‘ua e fa‘amaulalo oe i luma o le ALI‘I, ‘ina ‘ua e fa‘alogologo i mea na ‘ou fai atu ai i lenei mea ma ē o nonofo ai, e fa‘atafunaina i latou ma fetu‘uina, ‘ua e saei fo‘i i ou ‘ofu ma e tagi i o‘u luma; o lo‘o fetalai mai le ALI‘I, ‘Ua ou fa‘alogo ai lava.#Levi 26.31-32; 1 Tu 21.29; Sala 51.17; Isai 57.15; Iere 24.9; 25.9, 18; 26.6; 29.18; 44.22 20O lenei, fa‘auta ‘ea, ‘ou te fa‘aopoopoina atu oe i ou tamā, e o‘o atu fo‘i oe i lou tu‘ugamau ma le filemū; ‘ae lē iloa e oe le malaia uma ‘ou te ‘aumaia i lenei mea.”
‘Ona latou toe ta‘u mai ai lea i le tupu.#2 Tu 23.29
Revised Samoan Catholic Bible © Bible Society of the South Pacific, 2010.