Mátyo 12
12
Likɔndɛ tɛ́ŋgɛnɛ bǔn bú líkɔ́mbɛ
(Mâk 2:23-28; Lûk 6:1-5)
1Á mbís ɛ púndá Yésuwə na bawútú bá mɔ bá bílí ɛ túm á mandfukú má ngvwi á bǔn bú líkɔmbɛ́. Njɛ ɛ bílí bawútú bá mɔ ɛ wa. Áfánikə̌, bá bútí ɛ kǐ bilɔŋ bí ngvwi, bá nyukúwá yɔ́, bá dyá mbvum ɛ́ ngvwi. 2Á púndá ɛyə̌ Bafárisî bá míníní nâ, bá byábí á Yésuwə nána, “Tátí, mbéndá ɛ́ sə ɛ púshuwǎ nána bawútú bá wə bá bwə̂ nâni á Bǔn bú Líkɔ́mbɛ.” 3Ti Yésuwə a pushú bɔ́ nána, “Nyí nan láŋíyá wə́ á kâti ɛ Dyǔ yǔm ɛ́yə́ kə̂ŋ Devídə a bwəlíní á púndá ɛyə̌ mɔ́ na ɛyɔŋ ɛ́ mɔ bá bílíní ɛ wú njɛ? 4Ɛ́ tílání nána a kwilí á ndáʼ ɛ Dyǔ na baʼ ábə́ bá bílí na mɔ́, ti bá dílí blɛ̂t ábə́ bí bílí jabeya lí Dyǔ, ɛ́yə́ mbéndá ɛ́ sə ɛ bə́kiyaní mɔʼ ká nfɔ́ wunja álí dyá. Ká baʼ ábə́ bá bílí na mɔ́ bá sî n lɔʼ bɔ́ ɛ dyá. Baprîsə bɔ́ na bɔ́ bâ n lɔʼ bɔ́ ɛ dyá. 5Nyí nan láŋíyǎ wə́ á mbéndá ɛ́ Mósisə nána á bǔn bú líkɔ́mbɛ tɛ́ baprîsə á Tɛ́mpɛl bá tfúkú mbéndá á bǔn bú líkɔ́mbɛ, á ɛ́tútú nána ɛ́ dí ndutu ɛyə̌ bá bwəní? Ndé kánâwə̌, ɛ́yî ɛ́ shiyǎ wúbî á wusú wú Dyǔ? 6N pɔ̌ŋ nyə́ nána yǔm ɛ́ dí fánán sɔnsɔ́nǎn ɛ́yə́ ɛ́ túmbí Tɛ́mpɛl. 7Ɛ́ tílání ngə Dyǔ lí byábíní nána, ‘Yə̌ ɛ́yə́ mi nǎn sakání baʼ ɛ́ dí likini lí nlə́m suká álí bə̌ jábeya. Njí nyî n sɔ́ntán bíyala bî bwǎm bwǎm, ní nyí sə̌ ɛ́ bəŋ baʼ nána, bá dí baʼ bá bî ɛ́yə́ bá sɛní ɛ bwə wubî.’ 8Áfánikə̌, nyí lɔ́lí ɛ bî nána Mwǎn a Mɔnyuŋ a wɔ́ŋí janiya ká á Bǔn bú Líkɔ́mbɛ”
Yésuwə a pwisí mɔʼ awə̌ libyə́ŋ lí lábíní á ɛkɛ́
(Mâk 3:1-6; Lûk 6:6-11)
9Á mbís ɛ púndá, Yésuwə a makú fǔm bû, ti a kǐ á ndáʼ ɛ makáni ɛ baʼ bá Ísrɛl. 10Mɔʼ a bílí á wə́ awə̌ libyə́ŋ lí lábíní á ɛkɛ́ ɛfɔ́. Baʼ bafɔ́ bá bílí á wə́ ábə́ bá bílí ɛ sa álí wálí Yésuwə na liwusɛ́. Ti bá kɔ́ndɛ́ mɔ́ nána, Mbéndá ɛ́ sə ɛ pushú nána bá pwísi mɔʼ á bǔn bú líkɔ́mbɛ? 11Yésuwə a pushú nána, “Njí nyə́ mɔ nfɔ́ ápɔkɔ̂ a nlɔŋgi m mɔ n kfúndí á ɛjúká á bǔn bú líkɔ́mbɛ, a sî fúlá mɔ́? 12Njí nyí púl ɛ bwə nâ á nlɔŋgi, bitî bítín na mɔnyuŋ awə̌ a dí a mbímbí litúm nlɔŋgi. Nâni ɛ dí kə̌ nána, mbéndá ɛ shiyǎ ɛyə̌ ɛ́ byá nána bá si bwə̌ bwǎm á bǔn bú líkɔ́mbɛ.” 13Ti a byábí á mɔ ani awə̌ libyə́ŋ lí lábíní mɔ́ á ɛkɛ́ nána, “Sámb ɛ́kɛ́ ɛ́ wə́.” Mɔ ani a sámbí ɛkɛ́ ɛ́ mɔ, ɛkɛ́ ɛ́ mɔ, ɛ́ pwí, ɛ́ tím pə́ ngə ɛ́yíní. 14Ngə ɛ́yî ɛ́ bwə́lání, Bafárisî bá nyítí á ndáʼ ɛ makáni, ti bá bútí ɛ wikí míyanu álí búlú Yésuwə.
Yésuwə, mbwəlâ awə̌ Dyǔ lí pwɛ́síní
15Á púndá ɛyə̌ Yésuwə a wúkíní nána bá wikí míyanu á nlú m mɔ, a falú á fǔm bû. Limuti línə̂n lí pɔŋí mɔ́ á mbís. A pwisí baʼ básə́sə̌n ábə́ bá bílí ɛ́ kfulu. 16Ti a wálí bɔ́ matwî nána bá si pɔ̌ŋ baʼ bápə́pə̂ nyai ɛ mɔ ɛyə̌ a díní. 17A bwəlí nâni álí lwínjí biyala ábə́ Dyǔ lí lúmání nlakuwa-a-mudî Ayzáya nána,
18“Mɔ mbwəlâ m myə mɔ́ anín, awə̌ m pwɛsíní,
N nəŋí mɔ́, m wúkán mɔ́ munyɛŋgɛ.
N lúm mudî m myə, m bá na mɔ́.
Á nyítí mbakú ɛyə̌ ɛ tɛ́ŋgɛ́ní áwútitîn wú baʼ ábə́ bá shiyǎ baʼ bá Júda.
19A sî táŋá ɛ́bámí na baʼ, a sî bwəlá ntɔkɔku.
Bá sî wúká ŋgɔli ɛ́ mɔ á nkí átin.
20A sî kíyá nlâʼ ámə́ n lə́ŋgání, a sî dímíyá ɛ́trúkán ɛ́yə́ ɛ́ kə́lí ɛ dím.
Á bwə nâni kə́ŋ kə́ŋ bilɛm bí mbâ bí nǔŋ wudya
21Á dǐn lí mɔ yɔ̂ baʼ ábə́ bá shiyǎ baʼ bá Júda bá bándíní nlə́m.”
Baʼ bá byábí nána Yésuwə ǎ bwəlán ngínya ɛ́ Bɛ́lsɛ́bulə
22Á mbís ɛ́ púndá, duŋgu lí bâʼ bafɔ́ bá pánání mɔ nfɔ́ á Yésuwə. Mɔ ani a bílí ndímtí, a bá pə́ ɛbúbú á ɛ́tútú nána mudî m bî m bílí mɔ́ á nyǔ átin. Yésuwə a pwisí mɔ́. A butí ɛ mín, á byábá pə́. 23Limúti álə́ lí bílí á wə́ lí bílí manyáká á yə̌ ɛ́yə́ Yésuwə a bwə́líní. Ti bá bútí ɛ kɔndɛ́ nána, “Ɛ́ tíŋgání ɛ bá nána, mɔ anínán mɔ́ á dí mwǎn a nyɔnyi ɛ́ kə̂ŋ Devídə awə̌ bá bílíní ɛ sin?” 24Ngə Bafárisî bá wúkíní nâni, bá púshú nána, “Nga ngínya ɛ́ Bɛ́lsɛ́bulə kə̂ŋ a midî míbî yɔ́ ǎ bwə́lání álí fúl midî míbî átinə́ ɛ baʼ?”
25Yésuwə a m bí yə̌ ɛ́yə́ bá bílíní ɛ kani, yɔ́ a byábíní á bɔ́ nána, “Ɛkumbu ɛ́yə́ ɛ́ kábání átin ɛ́ tíŋganiyǎ ɛ wɔ́ŋ múlatáku, ɛ́ páŋili. Nkí tɔ̌ pú ɛ ndáʼ tɛ́ ɛyə̌ ɛ́ kábání átin, bá si bá nsu nfɔ́ bá sî tyə́bá.” 26Áfánikə̌, njí Sátan ǎ wanán Sátan, ní ǎ wanán mɔ́mə̌n. Yán kə́ janiya lí mɔ lí púlní ɛ tyə́? 27Nyí byá nána Bɛ́lsɛ́bulə mɔ́ a bə́kí mî ngínya álí fúl midî míbî átinə́ a baʼ. Ɔ ɔ́. Njá ka a bəkí baʼ bá nyə ngínya álí fúl mɔ́? Bɔ́ bá bwə nyə́ nyí kfún múká. 28Áyě, suká Bɛ́lsɛ́bulə, ndé mudî n Dyǔ mɔ́ nán bə mî ngínya álí fúl midî míbî átinə́ ɛ baʼ. Ɛ́yî ɛ́ lúfú nána Wudya wú Dyǔ wú mə́ ɛ pa áwútitîn wú nyə.
29Mɔ ká nfɔ́ a tíŋganiyǎ ɛ́ kwili á ndáʼ ɛ mɔ a ngínya, a shúkán mɔ́ masaŋ má mɔ ɛ́yə́ a kɔ́sɛní mɔ́ ɛ tfúl. Wə̌ti a mə́ mɔ́ ɛ tfúl, yɔ́ ǎ shukání mɔ́ masaŋ.
30Ká njá awə̌ a shiyǎ na mi ní ǎ tɛ́ŋgɛ́n mî. Ká njá awə̌ a sə mî ɛ wúnjan álí laʼ, ní ǎ páŋ wɔ̂. 31Áfánikə̌, Dyǔ lí laksɛ́ bâ ká á wubî wú bɔ ábə́ bá bwə́líní, na ká njá ɛlwíyan ɛ́yə́ bá lwíní mɔ́, ndé ká njá awə̌ a byábí misam míbî tɛ́ŋgɛnɛ Mudî ámə́ n Sáŋí a sî kwisíyá lílaksɛ. 32Ká njá awə̌ a byábí mibyá míbî tɛ́ŋgɛ́nɛ Mwǎn a Mɔnyuŋ, Dyǔ lí laksɛ́ mɔ́, ndé ká njá awə̌ a byábí mibyá míbî tɛ́ŋgɛnɛ Mudî ámə́ n Sáŋí a sî kwisíyá lílaksɛ, ká sɔnsɔ́nǎn tɔ̌ á púndá ɛyə̌ ɛ̌ paʼ.
Á bípum bá yəmní ɛju ɛ́ bwə́
33“Njí bipum bí lɔ́lí, ní ɛju ɛ́ bwə́ ábə́ bú yɛ́ bipum bî bɔ́ pə́ bí lɔ́lí. Njí bipum bí lɔ́liyǎ, ní ɛju ɛ́ bwə́ ábə́ bú yɛ́ bɔ́, bɔ́ pə́ bí lɔ́liyǎ. Á ɛ́tútú nána, á bípum bá yəmní ɛju ɛ́ bwə́ ɛ́ mbâ. 34Nyə́ pî-ɛ́-nyɔ̂ ɛ́yín! Nyí tíŋganiyǎ ɛ́ byá mísam mí mbâ ɛ́yə́ milə́m mí nyə mí lwínjíní na misam míbî. Á ɛ́tútú nána nsu nán byá yə̌ ɛ́yə́ ɛ́ lwínjí mɔ́ á nlə́m. 35Mɔ a mbâ ǎ bwə mísam mí mbâ á ɛ́tútú nána mí fí mɔ́ á nlə́m, áfə́ wukɔŋgɔ wú misam mí mbâ wú díní. Mɔ a m bî ǎ bwə mísam míbî á ɛ́tútú nána mí fí mɔ́ á nlə́m áfə́ wukɔŋgɔ wú mísam míbî mí díní. 36Á bǔn bú líkáyisi mɔtɛ́ á tyə́ á múká, á bə yándá á ɛyə́lí ɛ́ ɛ́yala tɛ́ ɛ́yə́ a bwəlání. 37Áfánikə̌, yǔm na yǔm tɛ́ ɛ́yə́ ɛ byábíní yɔ́ ɛ́ bwə ka ɛ wɔ́ŋ njɔm ɛ muká tɔ̌ ɛ kfún múká.”
Bá kɔ́ndɛ́ Yésuwə ɛyəmblan
38Á mbís ɛ púndá duŋgu lí balɛ̂ bá mbéndá ná duŋgu lí Bafárisî bá byábí á Yésuwə nána, “Á mulɛ̂, lúfú sə́ ɛyəmblan ɛ́ mányáká ɛ́yə́ ɛ́ lúfú nána ngínya ɛ́ wə ɛ fí á Dyǔ” 39Yésuwə a pushú bɔ́ nána, “Nyə́ nyɔnyi ɛ́tɛ̂n ɛ baʼ bábî, nyí nə́ŋiyǎ álí wúkán Dyǔ, nyí kɔndɛ́ nána n lúfú nyə́ ɛyəmblan ɛ́ mányáká! Ǎyě! Nyí sî míná ɛ́yəmblan ɛ́pə́pə̌ ɛ́sitúm ɛ́ nlakuwa-a-mudî Jóna 40Mulimlim ngə Jóna a n dyɛní madû málán á líbum lí shwî ɛnə̂n, nâ pə́ Mwǎn a Mɔnyuŋ á dyɛní madû málán á ndɔʼ átin. 41Á bǔn bú líkáyisi, baʼ bá Níníve bá wumu á mídim ɛyɔyɔ na nyɔnyi ɛ́ baʼ bánán. Bá tyə́ mbúŋ ɛyə̌ ɛ́ bwə̌ baʼ bá nyɔnyi ɛ baʼ bánán álí kfún muká, á ɛ́tútú nána á púndá ɛyə̌ Jóna a bílíní ɛ pɔ̌ŋ ɛ́yala ɛ́ Dyǔ á baʼ bá Níníve, bâ n makú wubî. Ndé mɔ a dí fán sɔnsɔ́nǎn awə̌ a túmbí Jóna, ndé nyí sɛ mɔ́ ɛ wúkan. 42Á Bǔn bú Líkáysi lí baʼ, mwalân awə̌ a bílí ɛ janiya ɛ́kumbu ɛ́ Shɛ́ba, ǎ wumu á ndim átin na nyɔnyi ɛ baʼ bá ɛ́tɛ̂n. Á tyə́ mbúŋ ɛyə̌ ɛ́ bwə bɔ́ bá kfún muká á ɛ́tútú nána a n fí kfwáŋ áfə́ nkínshíyə n shúkíní álí paʼ ɛ́ wúkán misam mí libyɛ́ ámə́ Sólómonə a bílíní ɛ lɛ́fu. Ndé ɛ́tɛ̂n mɔ a dí fán awə̌ a túmbí Sólómonə.”
Njí mudî m bî n tímbí pə́ á nyǔ ɛ mɔ
43“Wə̌ti mudî m bî n fálú mɔ á nyǔ, n tam tam á ɛ́sínj, n saká fǔm bú lí kɔ́mbɛ. Njí n púliyǎ ɛ́ mín ká fǔm, 44n byá na mɔ́mə̌n nána, ‘Wə̌ n tîm á ndáʼ ɛ́ myə áfə́ n nyítíní.’ Ti n tímbí, n tání ndáʼ ɛyə̌ ká yǔm ɛ́ shyaní á wə́ átin, ɛyə̌ ɛ́ sáŋí, ɛyə̌ bá támbúní átin. 45Ti n tímbí n kí ɛ panán midî míbî shyǎmbɛ mípə́pə̂ ámə́ mí bə́bí litúm mɔ́mə̌n álí paʼ ɛ́ kwilí á nyǔ ɛ́ mɔ ani, bá tambú wudya wú bɔ á wə́. Á púndá ɛni, libá lí mɔ ani lí bə́ litúm ngə lí bílíní á bibutílí. Áfánikə̌, nâ ɛ́ bwəlání á nyɔnyi ɛ́tɛ̂n ɛ baʼ bá bî.”
Litúmbá lí Yésuwə
46Yésuwə a bílí wə̌ ɛ́ byá na baʼ ábə́ bá bílí fâ á púndá ɛyə̌ nyǎ m mɔ na bǎn bá nyǎ bá mɔ bá pílíní, bá tyə́bí á ɛbúkatîn bá saká álí mín mɔ́. Bá bílí ɛ sa Yésuwə álí fətan pɔ́li na mɔ́. 47Yɔ̂ mɔ nfɔ́ a byábíní á Yésuwə nána, Tátí, nyǎ ŋ wə̌ na bǎn bá nyǎ bá wə́ bá dí á ɛbúkatîn, bá sa ɛ́ fətán pɔ́li na wə. 48Yésuwə a kɔndɛ́ mɔ ani nána, “Njá a dí nyǎ myə? Bá njá bá dí bǎn bá nyǎ bá myə?” 49Yésuwə a lúfú bawútú bá mɔ na ɛkɛ́, ti a byábí nána “Tátyáni! Nyǎ myə na bǎn bá nyǎ bá myə bɔ́ bán! 50Ká njá awə̌ a bwəlí yə̌ ɛ́yə́ Sáŋ m myə awə̌ a dí ámǐn ǎ saní, mɔ́ a dí mwǎn-n-nyǎ m myə na nyǎ m myə.”
Attualmente Selezionati:
Mátyo 12: bwt
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Mátyo 12
12
Likɔndɛ tɛ́ŋgɛnɛ bǔn bú líkɔ́mbɛ
(Mâk 2:23-28; Lûk 6:1-5)
1Á mbís ɛ púndá Yésuwə na bawútú bá mɔ bá bílí ɛ túm á mandfukú má ngvwi á bǔn bú líkɔmbɛ́. Njɛ ɛ bílí bawútú bá mɔ ɛ wa. Áfánikə̌, bá bútí ɛ kǐ bilɔŋ bí ngvwi, bá nyukúwá yɔ́, bá dyá mbvum ɛ́ ngvwi. 2Á púndá ɛyə̌ Bafárisî bá míníní nâ, bá byábí á Yésuwə nána, “Tátí, mbéndá ɛ́ sə ɛ púshuwǎ nána bawútú bá wə bá bwə̂ nâni á Bǔn bú Líkɔ́mbɛ.” 3Ti Yésuwə a pushú bɔ́ nána, “Nyí nan láŋíyá wə́ á kâti ɛ Dyǔ yǔm ɛ́yə́ kə̂ŋ Devídə a bwəlíní á púndá ɛyə̌ mɔ́ na ɛyɔŋ ɛ́ mɔ bá bílíní ɛ wú njɛ? 4Ɛ́ tílání nána a kwilí á ndáʼ ɛ Dyǔ na baʼ ábə́ bá bílí na mɔ́, ti bá dílí blɛ̂t ábə́ bí bílí jabeya lí Dyǔ, ɛ́yə́ mbéndá ɛ́ sə ɛ bə́kiyaní mɔʼ ká nfɔ́ wunja álí dyá. Ká baʼ ábə́ bá bílí na mɔ́ bá sî n lɔʼ bɔ́ ɛ dyá. Baprîsə bɔ́ na bɔ́ bâ n lɔʼ bɔ́ ɛ dyá. 5Nyí nan láŋíyǎ wə́ á mbéndá ɛ́ Mósisə nána á bǔn bú líkɔ́mbɛ tɛ́ baprîsə á Tɛ́mpɛl bá tfúkú mbéndá á bǔn bú líkɔ́mbɛ, á ɛ́tútú nána ɛ́ dí ndutu ɛyə̌ bá bwəní? Ndé kánâwə̌, ɛ́yî ɛ́ shiyǎ wúbî á wusú wú Dyǔ? 6N pɔ̌ŋ nyə́ nána yǔm ɛ́ dí fánán sɔnsɔ́nǎn ɛ́yə́ ɛ́ túmbí Tɛ́mpɛl. 7Ɛ́ tílání ngə Dyǔ lí byábíní nána, ‘Yə̌ ɛ́yə́ mi nǎn sakání baʼ ɛ́ dí likini lí nlə́m suká álí bə̌ jábeya. Njí nyî n sɔ́ntán bíyala bî bwǎm bwǎm, ní nyí sə̌ ɛ́ bəŋ baʼ nána, bá dí baʼ bá bî ɛ́yə́ bá sɛní ɛ bwə wubî.’ 8Áfánikə̌, nyí lɔ́lí ɛ bî nána Mwǎn a Mɔnyuŋ a wɔ́ŋí janiya ká á Bǔn bú Líkɔ́mbɛ”
Yésuwə a pwisí mɔʼ awə̌ libyə́ŋ lí lábíní á ɛkɛ́
(Mâk 3:1-6; Lûk 6:6-11)
9Á mbís ɛ púndá, Yésuwə a makú fǔm bû, ti a kǐ á ndáʼ ɛ makáni ɛ baʼ bá Ísrɛl. 10Mɔʼ a bílí á wə́ awə̌ libyə́ŋ lí lábíní á ɛkɛ́ ɛfɔ́. Baʼ bafɔ́ bá bílí á wə́ ábə́ bá bílí ɛ sa álí wálí Yésuwə na liwusɛ́. Ti bá kɔ́ndɛ́ mɔ́ nána, Mbéndá ɛ́ sə ɛ pushú nána bá pwísi mɔʼ á bǔn bú líkɔ́mbɛ? 11Yésuwə a pushú nána, “Njí nyə́ mɔ nfɔ́ ápɔkɔ̂ a nlɔŋgi m mɔ n kfúndí á ɛjúká á bǔn bú líkɔ́mbɛ, a sî fúlá mɔ́? 12Njí nyí púl ɛ bwə nâ á nlɔŋgi, bitî bítín na mɔnyuŋ awə̌ a dí a mbímbí litúm nlɔŋgi. Nâni ɛ dí kə̌ nána, mbéndá ɛ shiyǎ ɛyə̌ ɛ́ byá nána bá si bwə̌ bwǎm á bǔn bú líkɔ́mbɛ.” 13Ti a byábí á mɔ ani awə̌ libyə́ŋ lí lábíní mɔ́ á ɛkɛ́ nána, “Sámb ɛ́kɛ́ ɛ́ wə́.” Mɔ ani a sámbí ɛkɛ́ ɛ́ mɔ, ɛkɛ́ ɛ́ mɔ, ɛ́ pwí, ɛ́ tím pə́ ngə ɛ́yíní. 14Ngə ɛ́yî ɛ́ bwə́lání, Bafárisî bá nyítí á ndáʼ ɛ makáni, ti bá bútí ɛ wikí míyanu álí búlú Yésuwə.
Yésuwə, mbwəlâ awə̌ Dyǔ lí pwɛ́síní
15Á púndá ɛyə̌ Yésuwə a wúkíní nána bá wikí míyanu á nlú m mɔ, a falú á fǔm bû. Limuti línə̂n lí pɔŋí mɔ́ á mbís. A pwisí baʼ básə́sə̌n ábə́ bá bílí ɛ́ kfulu. 16Ti a wálí bɔ́ matwî nána bá si pɔ̌ŋ baʼ bápə́pə̂ nyai ɛ mɔ ɛyə̌ a díní. 17A bwəlí nâni álí lwínjí biyala ábə́ Dyǔ lí lúmání nlakuwa-a-mudî Ayzáya nána,
18“Mɔ mbwəlâ m myə mɔ́ anín, awə̌ m pwɛsíní,
N nəŋí mɔ́, m wúkán mɔ́ munyɛŋgɛ.
N lúm mudî m myə, m bá na mɔ́.
Á nyítí mbakú ɛyə̌ ɛ tɛ́ŋgɛ́ní áwútitîn wú baʼ ábə́ bá shiyǎ baʼ bá Júda.
19A sî táŋá ɛ́bámí na baʼ, a sî bwəlá ntɔkɔku.
Bá sî wúká ŋgɔli ɛ́ mɔ á nkí átin.
20A sî kíyá nlâʼ ámə́ n lə́ŋgání, a sî dímíyá ɛ́trúkán ɛ́yə́ ɛ́ kə́lí ɛ dím.
Á bwə nâni kə́ŋ kə́ŋ bilɛm bí mbâ bí nǔŋ wudya
21Á dǐn lí mɔ yɔ̂ baʼ ábə́ bá shiyǎ baʼ bá Júda bá bándíní nlə́m.”
Baʼ bá byábí nána Yésuwə ǎ bwəlán ngínya ɛ́ Bɛ́lsɛ́bulə
22Á mbís ɛ́ púndá, duŋgu lí bâʼ bafɔ́ bá pánání mɔ nfɔ́ á Yésuwə. Mɔ ani a bílí ndímtí, a bá pə́ ɛbúbú á ɛ́tútú nána mudî m bî m bílí mɔ́ á nyǔ átin. Yésuwə a pwisí mɔ́. A butí ɛ mín, á byábá pə́. 23Limúti álə́ lí bílí á wə́ lí bílí manyáká á yə̌ ɛ́yə́ Yésuwə a bwə́líní. Ti bá bútí ɛ kɔndɛ́ nána, “Ɛ́ tíŋgání ɛ bá nána, mɔ anínán mɔ́ á dí mwǎn a nyɔnyi ɛ́ kə̂ŋ Devídə awə̌ bá bílíní ɛ sin?” 24Ngə Bafárisî bá wúkíní nâni, bá púshú nána, “Nga ngínya ɛ́ Bɛ́lsɛ́bulə kə̂ŋ a midî míbî yɔ́ ǎ bwə́lání álí fúl midî míbî átinə́ ɛ baʼ?”
25Yésuwə a m bí yə̌ ɛ́yə́ bá bílíní ɛ kani, yɔ́ a byábíní á bɔ́ nána, “Ɛkumbu ɛ́yə́ ɛ́ kábání átin ɛ́ tíŋganiyǎ ɛ wɔ́ŋ múlatáku, ɛ́ páŋili. Nkí tɔ̌ pú ɛ ndáʼ tɛ́ ɛyə̌ ɛ́ kábání átin, bá si bá nsu nfɔ́ bá sî tyə́bá.” 26Áfánikə̌, njí Sátan ǎ wanán Sátan, ní ǎ wanán mɔ́mə̌n. Yán kə́ janiya lí mɔ lí púlní ɛ tyə́? 27Nyí byá nána Bɛ́lsɛ́bulə mɔ́ a bə́kí mî ngínya álí fúl midî míbî átinə́ a baʼ. Ɔ ɔ́. Njá ka a bəkí baʼ bá nyə ngínya álí fúl mɔ́? Bɔ́ bá bwə nyə́ nyí kfún múká. 28Áyě, suká Bɛ́lsɛ́bulə, ndé mudî n Dyǔ mɔ́ nán bə mî ngínya álí fúl midî míbî átinə́ ɛ baʼ. Ɛ́yî ɛ́ lúfú nána Wudya wú Dyǔ wú mə́ ɛ pa áwútitîn wú nyə.
29Mɔ ká nfɔ́ a tíŋganiyǎ ɛ́ kwili á ndáʼ ɛ mɔ a ngínya, a shúkán mɔ́ masaŋ má mɔ ɛ́yə́ a kɔ́sɛní mɔ́ ɛ tfúl. Wə̌ti a mə́ mɔ́ ɛ tfúl, yɔ́ ǎ shukání mɔ́ masaŋ.
30Ká njá awə̌ a shiyǎ na mi ní ǎ tɛ́ŋgɛ́n mî. Ká njá awə̌ a sə mî ɛ wúnjan álí laʼ, ní ǎ páŋ wɔ̂. 31Áfánikə̌, Dyǔ lí laksɛ́ bâ ká á wubî wú bɔ ábə́ bá bwə́líní, na ká njá ɛlwíyan ɛ́yə́ bá lwíní mɔ́, ndé ká njá awə̌ a byábí misam míbî tɛ́ŋgɛnɛ Mudî ámə́ n Sáŋí a sî kwisíyá lílaksɛ. 32Ká njá awə̌ a byábí mibyá míbî tɛ́ŋgɛ́nɛ Mwǎn a Mɔnyuŋ, Dyǔ lí laksɛ́ mɔ́, ndé ká njá awə̌ a byábí mibyá míbî tɛ́ŋgɛnɛ Mudî ámə́ n Sáŋí a sî kwisíyá lílaksɛ, ká sɔnsɔ́nǎn tɔ̌ á púndá ɛyə̌ ɛ̌ paʼ.
Á bípum bá yəmní ɛju ɛ́ bwə́
33“Njí bipum bí lɔ́lí, ní ɛju ɛ́ bwə́ ábə́ bú yɛ́ bipum bî bɔ́ pə́ bí lɔ́lí. Njí bipum bí lɔ́liyǎ, ní ɛju ɛ́ bwə́ ábə́ bú yɛ́ bɔ́, bɔ́ pə́ bí lɔ́liyǎ. Á ɛ́tútú nána, á bípum bá yəmní ɛju ɛ́ bwə́ ɛ́ mbâ. 34Nyə́ pî-ɛ́-nyɔ̂ ɛ́yín! Nyí tíŋganiyǎ ɛ́ byá mísam mí mbâ ɛ́yə́ milə́m mí nyə mí lwínjíní na misam míbî. Á ɛ́tútú nána nsu nán byá yə̌ ɛ́yə́ ɛ́ lwínjí mɔ́ á nlə́m. 35Mɔ a mbâ ǎ bwə mísam mí mbâ á ɛ́tútú nána mí fí mɔ́ á nlə́m, áfə́ wukɔŋgɔ wú misam mí mbâ wú díní. Mɔ a m bî ǎ bwə mísam míbî á ɛ́tútú nána mí fí mɔ́ á nlə́m áfə́ wukɔŋgɔ wú mísam míbî mí díní. 36Á bǔn bú líkáyisi mɔtɛ́ á tyə́ á múká, á bə yándá á ɛyə́lí ɛ́ ɛ́yala tɛ́ ɛ́yə́ a bwəlání. 37Áfánikə̌, yǔm na yǔm tɛ́ ɛ́yə́ ɛ byábíní yɔ́ ɛ́ bwə ka ɛ wɔ́ŋ njɔm ɛ muká tɔ̌ ɛ kfún múká.”
Bá kɔ́ndɛ́ Yésuwə ɛyəmblan
38Á mbís ɛ púndá duŋgu lí balɛ̂ bá mbéndá ná duŋgu lí Bafárisî bá byábí á Yésuwə nána, “Á mulɛ̂, lúfú sə́ ɛyəmblan ɛ́ mányáká ɛ́yə́ ɛ́ lúfú nána ngínya ɛ́ wə ɛ fí á Dyǔ” 39Yésuwə a pushú bɔ́ nána, “Nyə́ nyɔnyi ɛ́tɛ̂n ɛ baʼ bábî, nyí nə́ŋiyǎ álí wúkán Dyǔ, nyí kɔndɛ́ nána n lúfú nyə́ ɛyəmblan ɛ́ mányáká! Ǎyě! Nyí sî míná ɛ́yəmblan ɛ́pə́pə̌ ɛ́sitúm ɛ́ nlakuwa-a-mudî Jóna 40Mulimlim ngə Jóna a n dyɛní madû málán á líbum lí shwî ɛnə̂n, nâ pə́ Mwǎn a Mɔnyuŋ á dyɛní madû málán á ndɔʼ átin. 41Á bǔn bú líkáyisi, baʼ bá Níníve bá wumu á mídim ɛyɔyɔ na nyɔnyi ɛ́ baʼ bánán. Bá tyə́ mbúŋ ɛyə̌ ɛ́ bwə̌ baʼ bá nyɔnyi ɛ baʼ bánán álí kfún muká, á ɛ́tútú nána á púndá ɛyə̌ Jóna a bílíní ɛ pɔ̌ŋ ɛ́yala ɛ́ Dyǔ á baʼ bá Níníve, bâ n makú wubî. Ndé mɔ a dí fán sɔnsɔ́nǎn awə̌ a túmbí Jóna, ndé nyí sɛ mɔ́ ɛ wúkan. 42Á Bǔn bú Líkáysi lí baʼ, mwalân awə̌ a bílí ɛ janiya ɛ́kumbu ɛ́ Shɛ́ba, ǎ wumu á ndim átin na nyɔnyi ɛ baʼ bá ɛ́tɛ̂n. Á tyə́ mbúŋ ɛyə̌ ɛ́ bwə bɔ́ bá kfún muká á ɛ́tútú nána a n fí kfwáŋ áfə́ nkínshíyə n shúkíní álí paʼ ɛ́ wúkán misam mí libyɛ́ ámə́ Sólómonə a bílíní ɛ lɛ́fu. Ndé ɛ́tɛ̂n mɔ a dí fán awə̌ a túmbí Sólómonə.”
Njí mudî m bî n tímbí pə́ á nyǔ ɛ mɔ
43“Wə̌ti mudî m bî n fálú mɔ á nyǔ, n tam tam á ɛ́sínj, n saká fǔm bú lí kɔ́mbɛ. Njí n púliyǎ ɛ́ mín ká fǔm, 44n byá na mɔ́mə̌n nána, ‘Wə̌ n tîm á ndáʼ ɛ́ myə áfə́ n nyítíní.’ Ti n tímbí, n tání ndáʼ ɛyə̌ ká yǔm ɛ́ shyaní á wə́ átin, ɛyə̌ ɛ́ sáŋí, ɛyə̌ bá támbúní átin. 45Ti n tímbí n kí ɛ panán midî míbî shyǎmbɛ mípə́pə̂ ámə́ mí bə́bí litúm mɔ́mə̌n álí paʼ ɛ́ kwilí á nyǔ ɛ́ mɔ ani, bá tambú wudya wú bɔ á wə́. Á púndá ɛni, libá lí mɔ ani lí bə́ litúm ngə lí bílíní á bibutílí. Áfánikə̌, nâ ɛ́ bwəlání á nyɔnyi ɛ́tɛ̂n ɛ baʼ bá bî.”
Litúmbá lí Yésuwə
46Yésuwə a bílí wə̌ ɛ́ byá na baʼ ábə́ bá bílí fâ á púndá ɛyə̌ nyǎ m mɔ na bǎn bá nyǎ bá mɔ bá pílíní, bá tyə́bí á ɛbúkatîn bá saká álí mín mɔ́. Bá bílí ɛ sa Yésuwə álí fətan pɔ́li na mɔ́. 47Yɔ̂ mɔ nfɔ́ a byábíní á Yésuwə nána, Tátí, nyǎ ŋ wə̌ na bǎn bá nyǎ bá wə́ bá dí á ɛbúkatîn, bá sa ɛ́ fətán pɔ́li na wə. 48Yésuwə a kɔndɛ́ mɔ ani nána, “Njá a dí nyǎ myə? Bá njá bá dí bǎn bá nyǎ bá myə?” 49Yésuwə a lúfú bawútú bá mɔ na ɛkɛ́, ti a byábí nána “Tátyáni! Nyǎ myə na bǎn bá nyǎ bá myə bɔ́ bán! 50Ká njá awə̌ a bwəlí yə̌ ɛ́yə́ Sáŋ m myə awə̌ a dí ámǐn ǎ saní, mɔ́ a dí mwǎn-n-nyǎ m myə na nyǎ m myə.”
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi