ROM 16

पौलदी मित्रलाक सलाम

1हे ना आक्का तम्मुळ्ळालाला, इप्पुड मना विश्वासी शेल्याल फिबीद, किंख्रिया शहर#16:1 किंख्रिया शहर वगाट बंदर उंड्या (प्रेषित 18:18)लोन मंडळीद सेविका, दिनदी निन मिक शिफारस शेस्तान की, 2मीर परमेश्वर मंदीक शोभाशी इल्ला दानदी प्रभुला स्वागत शेयना इंगा दानकी या फनीला मिद गरज फडी दांटल्या दानदी मदत शेयना; येनटीक की आदी स्वता शेंगेम मंदीक इंगा नाक पण मदत शेशीनाद.

रोमलोन परमेश्वर मंदीक सलाम

3ख्रिस्त येशुला ना सहकर्मी शेल्याल प्रिस्का#16:3 प्रिस्का प्रिस्कील्ला द इंगा दान मोगुड अक्वीलाड इरकी सलाम शपना. 4इर ना जेम इचांग स्वताद जेम धोकाला येशीर इंगा निन वक्काडे वारकी धन्यवाद इस्तान इल्ला लेद, पण यहुदी लेनोरी आन्नी मंडळीलालोन मंदी वारकी धन्यवाद इस्तार. 5इंगा वार इंटल्या जमा आय्येतोर विश्वासी मंदीक पण सलाम शपना; इंगा ना प्रिय तम्मुड अपैनतकी सलाम शपना; यवाड आशिया प्रांतला#16:5 आशिया प्रांतला आ वेळला आशिया प्रांत रोमी साम्राज्यद वगा हिस्सा उंड्या, यादानदी फेर इप्पुड तुर्की उंडाद. पहिला येशु ख्रिस्त मिंदा विश्वास फेट्या. 6विश्वासी शेल्याल मरीया दानकी सलाम शपना; आदी मी इचांग शेंगेम कष्ट शेशीनाद.

7ना यहुदी सहकर्मी अंद्रोनिकस, यवाड ना जताक बंदीगृहला उंड्या वानकी इंगा युनिया दानकी सलाम शपना; प्रेषितलु वारदी आदर शेस्तार इंगा ना काना मुंची वार ख्रिस्त मिंदा विश्वास फेट्टीर. 8प्रभुला ना प्रिय तम्मुड अंप्लीयातकी सलाम शपना. 9ख्रिस्तला मा सहकर्मी उर्बानकी इंगा ना प्रिय तम्मुड स्ताखुनकी सलाम शपना.

10ख्रिस्तला स्वीकार आयने अपिल्लेसकी सलाम शपना. अरिस्तबुल इंटल्योन्टोरकी सलाम शपना. 11ना यहुदी तम्मुड हेरोदियोनकी सलाम शपना. नार्कीस इंटल्योन्टोर यवार प्रभुला उंडार वारकी सलाम शपना.

12प्रभुला मेहनत शेशेतोर शेल्यांलु त्रुफैनाद इंगा त्रुफोसाद इरकी सलाम शपना. प्रिय शेल्याल पर्सिस दिनकी सलाम शपना. प्रभुला आदी शेंगेम मेहनत शेशीनाद. 13प्रभुड निवडाशीने रुफसकी इंगा वान आम्माक पण सलाम शपना. आदी नाक पण आम्मा लेका उंडाद. 14असुंक्रित, फ्लगोन, हरमेस, पत्रबास इंगा हरमास इरकी इंगा वार जताक निलचेतोर विश्वासी तम्मुळ्ळाक सलाम शपना. 15फिललोग, युलिया, निरीयस इंगा वान शेल्याल इंगा ओलुंपास इरकी सलाम शपना इंगा इर जताक निलचेतोर आंदार परमेश्वर मंदी इरकी सलाम शपना. 16प्रेमता शेतल्या शेय इच्ची#16:16 प्रेमता शेतल्या शेय इच्ची पवित्र मुत्ता (सुरुवाती मंडळीला पवित्र मुत्ता इदी वगाट सामान्य दंडाम उंड्या, इदी मुत्ता विश्वासी मंदी नडमुडदी प्रेम, एकता इंगा संगतीद प्रतिक उंड्या, याद शंपाक लेकाते नत्ती फन्या मिंदा इद्‍दुर) वगामेगारकी सलाम शेयना. ख्रिस्तन आन्नी मंडळीलाद मिक सलाम.

फुटी केडपेतोर बद्दल इशारा

17हे आक्का तम्मुळ्ळालाला, इप्पुड निन मिक विनंती शेस्तान की, यवार मी नडमा फुट केडपुतार इंगा मीर नेरशीने खरेम शिक्षण विरुद्ध अडखळनलु निर्माण शेस्तार वार मिंदा लक्ष फेट्टी वार तीकेल सावध निलना. 18येनटीक की इल्लोन मंदी यवाड ख्रिस्त मना प्रभुड उंडाड वानदी सेवा शेयार पण स्वता कडपुद सेवा शेस्तार इंगा कम्मांग माटलाडी इंगा प्रशंसा शेशी भोळा मनसुलाय मनलु बहकाय मततार. 19मी आज्ञापालनदी चर्चा आंता मंदीला पसराशी फोयनाद दिनिचांग निन मी बद्दल आनंद शेस्तान. पण नाद इल्ला इच्छा उंडाद की, मीर शिंगार इचांग ज्ञानी इंगा वाईट इचांग भोळा बनाशी उंडाला. 20इंगा शांती इच्चेतोड परमेश्वर शैताननी लग्गाने मी काळाता तोक्की.

इप्पुड निन प्रार्थना शेस्तान की, मना प्रभु येशु ख्रिस्तद कृपा मी जताक उंडाला. आमेन.

पौल मित्रलाद सलाम

21ना सहकर्मी तीमथ्य इंगा ना यहुदी तम्मुळ्ळु लुकीयस, यासोन इंगा सोसिपेतरदी मिक सलाम. 22इदी पत्र पौल तीकेल यवाड राशीनाड आ तर्तियसदी मिक प्रभुला सलाम. 23ना इंगा आन्नी मंडळीला आश्रयदाता गायसदी मिक सलाम. नगरलोन कारभारी एरास्त इंगा तम्मुड कुर्त इरदी पण मिक सलाम. 24(इप्पुड निन प्रार्थना शेस्तान की, मना प्रभु येशु ख्रिस्तद कृपा मी आंदार जताक उंडाला. आमेन.)#16:24 काही हस्तलिपीलाला वचन 24 जोडाशीनार

पत्रद समाप्ती

25निन प्रार्थना शेस्तान की, आंदार परमेश्वरदी गौरव शेयाला, वाडे उंडाड यवाड मिमलान येशु ख्रिस्त बद्दल निन शप्पीने सुवार्तालेका मी विश्वासनी मजबुत शेशी शकास्ताड, इदी सुवार्ता परमेश्वरान आ रहस्य मिंदा आधारित उंडाद, याद वाड सनातनकेल दाशी फेट्टीन्या, 26पण इप्पुड परमेश्वर आ रहस्यन संदेष्ट्याल तीकेल दुन्यामलोन आंता मंदीक प्रगट शेशीनाड, इंगा इदी आंता आल्ले आय्या यल्ला सनातन परमेश्वरदी इच्छा उंड्या, दिनिचांग की दुन्यामलोन आंता मंदी येशु ख्रिस्तन मिंदा विश्वास फेट्टाला इंगा परमेश्वर आज्ञालनी पाळाशेतोर कावाला, 27आ वक्का ज्ञानी परमेश्वरकी येशु ख्रिस्तन तीकेल युगानयुग गौरव उंडाला. आमेन.

Attualmente Selezionati:

ROM 16: WNT

Evidenzia

Copia

Confronta