Hoseya 3
3
Hoseya na mdala mndiyandiya
1“Shakapanu Mtuwa Mlungu kang'ambira, gugendi gwakamfili mdala gwaku yakafiluwa na wapalu wavuwa na mweni ndo mndiyandiya. Gumfiri mdala ayu gambira neni Mtuwa Mlungu ntambu yaniwafira Waisraeli, tembera womberi wawagalambukira wamlungu wamonga na womberi wafira zabibu ziyuma yazilaviwitwi tambiku.”
2Su nimhemera mdala ayu kwa vipandi kumi na tano vya feza na maguniya gavuwa ga Shayiri. 3Shakapanu nimgambira, haguweri gwa neni kwa mashaka gavuwa pota kutenda uhumba ama kuwera mdala gwa muntu gwingi na neni viraa haweri mwaminika. 4Su Waisraeli Hawalikali shaka shitali pota mfalumi ama wakulu ama tambiku ama mpanda za mabuhi za Mlungu ama shizibawu sha pashifuwa ama shinyagu. 5Su Waisraeli awawuyi na kumsakula Mtuwa Mlungu, Mlungu gwawu na kumsakula mfalumi gwawu na mwiwuka gwa Dawudi. Shakapanu hawamguwiri Mtuwa Mlungu na kuloliziya uheri wakuyi.
The Bible version in the Pogoro Language. @The Word for The World International and Pogoro Language translation. All rights reserved.