2 Peter 3
3
1ချစ်မိတ်ဆွေတို့၊ ဤစာသည် သင်တို့ထံသို့ ဒုတိယအကြိမ်မြောက်ရေးသောစာဖြစ်သည်။ စာနှစ်စောင်လုံးတွင် သင်တို့အား ရိုးသားမှန်ကန်စွာ တွေးခေါ်နိုင်ရန် သတိပေး၍ လှုံဆော်ရေးသားထားသည်။ 2မြင့်မြတ်သော အရိယာသူတော်စင်များက ဟောကြားခဲ့သည့် စကားများ၊ သာဝကများမှ တစ်ဆင့် ပေးအပ်ခဲ့သော ကျွန်ုပ်တို့၏အရှင်နှင့် ကယ်တင်ရှင်ဖြစ်သော ပညတ်တော်များကို သင်တို့အား အမှတ်ရစေလိုသည်။ 3ပထမဦးစွာ သင်တို့သိထားရမည့်အချက်မှာ နောက်ဆုံးသောနေ့ရက်များ၌ မထီမဲ့မြင်ပြုသူတို့သည် ပေါ်ပေါက်လာ၍ မိမိတို့၏တပ်မက်ခြင်းများအတိုင်း ပြုမူကြလိမ့်မည်။ 4ထိုသူတို့က “ကိုယ်တော်ယေရှု ပြန်ကြွလာမည်ဟူသော ကတိတော်သည် အဘယ်မှာရှိသနည်း။ ကျွန်ုပ်တို့၏ဘိုးဘေးများ ကွယ်လွန်ပြီးကတည်းက အရာအားလုံးသည် ကမ္ဘာဦးအစဖန်ဆင်းခဲ့သည် အချိန်ကအတိုင်း ဆက်လက်ရှိနေဆဲပင်ဖြစ်သည်” ဟူ၍ ပြောကြလိမ့်မည်။ 5သို့သော် ဘုရားရှင်သည် ရှေးအခါကပင် မိုးကောင်းကင်နှင့် ကမ္ဘာမြေကြီးကို ရေထဲမှပေါ်လာစေရန် နှုတ်ကပတ်တော်အားဖြင့် ဖန်ဆင်းတော်မူခဲ့ကြောင်းကိုလည်းကောင်း၊ 6ထိုအချိန်က ကမ္ဘာမြေကြီးသည် ရေလွှမ်းမိုးခြင်းခံရလျက် ရေအားဖြင့် ပျက်စီးခြင်းသို့ရောက်ခဲ့သည်ဟူသောအချက်ကို သူတို့သည် တမင်မေ့လျော့နေခဲ့ကြသည်။ 7သို့သော် ဘုရားရှင်သည် ယခုလက်ရှိ မိုးကောင်းကင်နှင့် ကမ္ဘာမြေကြီးကို မီးဖြင့် မဖြတ်ဆီးမီအချိန်ထိ ထိုနှုတ်ကပတ်တော်သည် ဆက်လက်တည်ရှိနေပါလိမ့်မည်။ ထိုနောက်ဆုံးသောနေ့၌ ဘုရားတရားမဲ့သောသူတို့သည် တရားစီရင်ခြင်းကို ခံရပါလိမ့်မည်။ 8သို့သော် ချစ်မိတ်ဆွေတို့၊ ဘုရားရှင်၏တစ်ရက်သည် ဤကမ္ဘာမြေပေါ်တွင် နှစ်တစ်ထောင်ကဲ့သို့လည်းကောင်း၊ နှစ်တစ်ထောင်သည် ဘုရားရှင်ကဲ့သို့ တစ်ရက်သာဖြစ်သည့်အကြောင်း မမေ့လျော့ကြပါနှင့်။ 9လူတစ်ချို့ထင်မှတ်သကဲ့သို့ ဘုရားရှင်သည် မိမိ၏ ကတိတော်ကို အကောင်အထည်ဖော်ရန် နှောင့်နှေးနေသည် မဟုတ်။ လူတိုင်း နောင်တသံဝေဂရစေရန် အလိုရှိတော်မူ၍ သည်းခံနေခြင်းဖြစ်သည်။ 10သို့သော် အရှင်၏နေ့ရက်သည် သူခိုးလာသကဲ့သို့ ရောက်လာပါလိမ့်မည်။ ထိုနေ့ရက်တွင် မိုးကောင်းကင်သည် တုန်ဟီးလျက် ကွယ်ပျောက်သွားလိမ့်မည်။ ကောင်းကင်တန်ခိုးတော်များသည်လည်း လောင်ကျွမ်းကြလိမ့်မည်။ ထိုအခါ ကမ္ဘာမြေကြီးနှင့်တကွအရာအားလုံးသည် ပျောက်ကွယ်သွားလိမ့်မည်။ 11ဤအရာအားလုံးသည် ထိုသို့ပျက်ဆီးသွားရမည်ဟု ဆိုလျှင် သင်တို့သည် မည်သို့သောသူများ ဖြစ်သင့်သနည်း။ သင်တို့သည် မြင့်မြတ်စွာ အသက်ရှင်နေထိုင်လျက် ဘုရားတရားကိုင်းရှိုင်းခြင်းအားဖြင့် 12ဘုရားရှင်ကြွလာမည့် ရက်ကိုစောင့်မျှော်၍ ထိုနေ့ရက်ကို အလျင်အမြန်လာစေသင့်သည်။ ထိုနေ့ရက်၌ မိုးကောင်းကင်သည် မီးလောင်ကြွမ်း၍ ပျက်စီးလိမ့်မည်။ ကောင်းကင်တန်ခိုးတော်များသည်လည်း ပြင်းထန်သောအပူကြောင့် အရည်ပျော်ကြလိမ့်မည်။ 13သို့သော် ကျွန်ုပ်တို့သည် ဘုရားရှင်ကတိထားတော်မူသည့် ဖြောင့်မတ်ခြင်းတရားများတည်ရှိရာ မိုးကောင်းကင်အသစ်နှင့် ကမ္ဘာမြေကြီးအသစ်ကို စောင့်မျှော်လျက်ရှိကြသည်။ 14ထို့ကြောင့် ချစ်မိတ်ဆွေတို့ ထိုနေ့ရက်ကို စောင့်မျှော်လျက်နေကြစဉ် ဘုရားရှင်၏ရှေ့တော်မှောက်၌ အစွန်းအထင်း အပြစ်အနာအဆာကင်းလျက် ငြိမ်းချမ်းစွာရှိနိုင်ရန် အစွမ်းကုန် ကြိုးစားအားထုတ်ကြပါ။ 15ကျွန်ုပ်တို့၏ချစ်ရသော ညီအစ်ကို ပေါလုသည်လည်း ဘုရားရှင် ပေးတော်မူသည့် ဉာဏ်ပညာဖြင့် သင်တို့အား ရေးသားဖော်ပြခဲ့သည့်အတိုင်း ဘုရားရှင် စောင့်ဆိုင်းသည်းခံတော်မူသည်မှာ သင်တို့အား ကယ်တင်ခြင်းအခွင့်ရရန်ဖြစ်ကြောင်း မှတ်ထားကြပါလော့။ 16ပေါလုသည် ဤအကြောင်းအရာနှင့်ပတ်သက်၍ မိမိရေးထားသောစာများထဲတွင် ဤအတိုင်းပင်ဖော်ပြထားသည်။ သူ၏စာများတွင် နားလည်ရန်ခက်ခဲသော အကြောင်းအရာတစ်ချို့ပါဝင်သည်။ အသိပညာမဲ့၍ တည်ငြိမ်ရင့်ကျက်မှုမရှိသောသူများသည် အခြားသောကျမ်းများအပေါ်၌ ပြုသကဲ့သို့ ထိုစာ၏အနက်အဓိပ္ပါယ်ကိုလည်း မိမိလိုရာဆွဲ၍ မိမိတို့ကိုယ်ကို ပျက်စီးခြင်းသို့ရောက်စေတတ်ကြသည်။ 17ထို့ကြောင့် ချစ်မိတ်ဆွေတို့၊ သင်တို့သည် ဤအကြောင်းအရာများကို ကြိုတင်သိထားကြပြီးဖြစ်၍ တရားမဲ့သူတို့၏ အမှားနောက်သို့ မလိုက်ကြပါနှင့်။ မိမိတို့၏ တည်ငြိမ်ရင့်ကျက်မှုကို မဆုံးရှုံးစေရန် သတိပြုကြပါ။ 18ကျွန်ုပ်တို့၏ အရှင်နှင့် ကယ်တင်ရှင်ဖြစ်တော်မူသော ယေရှုခရစ်တော်၏ ကျေးဇူးတော်၌လည်းကောင်း၊ ကိုယ်တော်ယေရှုအား သိကျွမ်းခြင်း၌လည်းကောင်း ကြီးထွားကြလော့။ ယခုမှစ၍ ကိုယ်တော်သည် ထာဝရကာလပတ်လုံး ဘုန်းကြီးတော်မူပါစေသတည်း။ အာမင်။
Attualmente Selezionati:
2 Peter 3: TPV-RV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
2 Peter 3
3
1ချစ်မိတ်ဆွေတို့၊ ဤစာသည် သင်တို့ထံသို့ ဒုတိယအကြိမ်မြောက်ရေးသောစာဖြစ်သည်။ စာနှစ်စောင်လုံးတွင် သင်တို့အား ရိုးသားမှန်ကန်စွာ တွေးခေါ်နိုင်ရန် သတိပေး၍ လှုံဆော်ရေးသားထားသည်။ 2မြင့်မြတ်သော အရိယာသူတော်စင်များက ဟောကြားခဲ့သည့် စကားများ၊ သာဝကများမှ တစ်ဆင့် ပေးအပ်ခဲ့သော ကျွန်ုပ်တို့၏အရှင်နှင့် ကယ်တင်ရှင်ဖြစ်သော ပညတ်တော်များကို သင်တို့အား အမှတ်ရစေလိုသည်။ 3ပထမဦးစွာ သင်တို့သိထားရမည့်အချက်မှာ နောက်ဆုံးသောနေ့ရက်များ၌ မထီမဲ့မြင်ပြုသူတို့သည် ပေါ်ပေါက်လာ၍ မိမိတို့၏တပ်မက်ခြင်းများအတိုင်း ပြုမူကြလိမ့်မည်။ 4ထိုသူတို့က “ကိုယ်တော်ယေရှု ပြန်ကြွလာမည်ဟူသော ကတိတော်သည် အဘယ်မှာရှိသနည်း။ ကျွန်ုပ်တို့၏ဘိုးဘေးများ ကွယ်လွန်ပြီးကတည်းက အရာအားလုံးသည် ကမ္ဘာဦးအစဖန်ဆင်းခဲ့သည် အချိန်ကအတိုင်း ဆက်လက်ရှိနေဆဲပင်ဖြစ်သည်” ဟူ၍ ပြောကြလိမ့်မည်။ 5သို့သော် ဘုရားရှင်သည် ရှေးအခါကပင် မိုးကောင်းကင်နှင့် ကမ္ဘာမြေကြီးကို ရေထဲမှပေါ်လာစေရန် နှုတ်ကပတ်တော်အားဖြင့် ဖန်ဆင်းတော်မူခဲ့ကြောင်းကိုလည်းကောင်း၊ 6ထိုအချိန်က ကမ္ဘာမြေကြီးသည် ရေလွှမ်းမိုးခြင်းခံရလျက် ရေအားဖြင့် ပျက်စီးခြင်းသို့ရောက်ခဲ့သည်ဟူသောအချက်ကို သူတို့သည် တမင်မေ့လျော့နေခဲ့ကြသည်။ 7သို့သော် ဘုရားရှင်သည် ယခုလက်ရှိ မိုးကောင်းကင်နှင့် ကမ္ဘာမြေကြီးကို မီးဖြင့် မဖြတ်ဆီးမီအချိန်ထိ ထိုနှုတ်ကပတ်တော်သည် ဆက်လက်တည်ရှိနေပါလိမ့်မည်။ ထိုနောက်ဆုံးသောနေ့၌ ဘုရားတရားမဲ့သောသူတို့သည် တရားစီရင်ခြင်းကို ခံရပါလိမ့်မည်။ 8သို့သော် ချစ်မိတ်ဆွေတို့၊ ဘုရားရှင်၏တစ်ရက်သည် ဤကမ္ဘာမြေပေါ်တွင် နှစ်တစ်ထောင်ကဲ့သို့လည်းကောင်း၊ နှစ်တစ်ထောင်သည် ဘုရားရှင်ကဲ့သို့ တစ်ရက်သာဖြစ်သည့်အကြောင်း မမေ့လျော့ကြပါနှင့်။ 9လူတစ်ချို့ထင်မှတ်သကဲ့သို့ ဘုရားရှင်သည် မိမိ၏ ကတိတော်ကို အကောင်အထည်ဖော်ရန် နှောင့်နှေးနေသည် မဟုတ်။ လူတိုင်း နောင်တသံဝေဂရစေရန် အလိုရှိတော်မူ၍ သည်းခံနေခြင်းဖြစ်သည်။ 10သို့သော် အရှင်၏နေ့ရက်သည် သူခိုးလာသကဲ့သို့ ရောက်လာပါလိမ့်မည်။ ထိုနေ့ရက်တွင် မိုးကောင်းကင်သည် တုန်ဟီးလျက် ကွယ်ပျောက်သွားလိမ့်မည်။ ကောင်းကင်တန်ခိုးတော်များသည်လည်း လောင်ကျွမ်းကြလိမ့်မည်။ ထိုအခါ ကမ္ဘာမြေကြီးနှင့်တကွအရာအားလုံးသည် ပျောက်ကွယ်သွားလိမ့်မည်။ 11ဤအရာအားလုံးသည် ထိုသို့ပျက်ဆီးသွားရမည်ဟု ဆိုလျှင် သင်တို့သည် မည်သို့သောသူများ ဖြစ်သင့်သနည်း။ သင်တို့သည် မြင့်မြတ်စွာ အသက်ရှင်နေထိုင်လျက် ဘုရားတရားကိုင်းရှိုင်းခြင်းအားဖြင့် 12ဘုရားရှင်ကြွလာမည့် ရက်ကိုစောင့်မျှော်၍ ထိုနေ့ရက်ကို အလျင်အမြန်လာစေသင့်သည်။ ထိုနေ့ရက်၌ မိုးကောင်းကင်သည် မီးလောင်ကြွမ်း၍ ပျက်စီးလိမ့်မည်။ ကောင်းကင်တန်ခိုးတော်များသည်လည်း ပြင်းထန်သောအပူကြောင့် အရည်ပျော်ကြလိမ့်မည်။ 13သို့သော် ကျွန်ုပ်တို့သည် ဘုရားရှင်ကတိထားတော်မူသည့် ဖြောင့်မတ်ခြင်းတရားများတည်ရှိရာ မိုးကောင်းကင်အသစ်နှင့် ကမ္ဘာမြေကြီးအသစ်ကို စောင့်မျှော်လျက်ရှိကြသည်။ 14ထို့ကြောင့် ချစ်မိတ်ဆွေတို့ ထိုနေ့ရက်ကို စောင့်မျှော်လျက်နေကြစဉ် ဘုရားရှင်၏ရှေ့တော်မှောက်၌ အစွန်းအထင်း အပြစ်အနာအဆာကင်းလျက် ငြိမ်းချမ်းစွာရှိနိုင်ရန် အစွမ်းကုန် ကြိုးစားအားထုတ်ကြပါ။ 15ကျွန်ုပ်တို့၏ချစ်ရသော ညီအစ်ကို ပေါလုသည်လည်း ဘုရားရှင် ပေးတော်မူသည့် ဉာဏ်ပညာဖြင့် သင်တို့အား ရေးသားဖော်ပြခဲ့သည့်အတိုင်း ဘုရားရှင် စောင့်ဆိုင်းသည်းခံတော်မူသည်မှာ သင်တို့အား ကယ်တင်ခြင်းအခွင့်ရရန်ဖြစ်ကြောင်း မှတ်ထားကြပါလော့။ 16ပေါလုသည် ဤအကြောင်းအရာနှင့်ပတ်သက်၍ မိမိရေးထားသောစာများထဲတွင် ဤအတိုင်းပင်ဖော်ပြထားသည်။ သူ၏စာများတွင် နားလည်ရန်ခက်ခဲသော အကြောင်းအရာတစ်ချို့ပါဝင်သည်။ အသိပညာမဲ့၍ တည်ငြိမ်ရင့်ကျက်မှုမရှိသောသူများသည် အခြားသောကျမ်းများအပေါ်၌ ပြုသကဲ့သို့ ထိုစာ၏အနက်အဓိပ္ပါယ်ကိုလည်း မိမိလိုရာဆွဲ၍ မိမိတို့ကိုယ်ကို ပျက်စီးခြင်းသို့ရောက်စေတတ်ကြသည်။ 17ထို့ကြောင့် ချစ်မိတ်ဆွေတို့၊ သင်တို့သည် ဤအကြောင်းအရာများကို ကြိုတင်သိထားကြပြီးဖြစ်၍ တရားမဲ့သူတို့၏ အမှားနောက်သို့ မလိုက်ကြပါနှင့်။ မိမိတို့၏ တည်ငြိမ်ရင့်ကျက်မှုကို မဆုံးရှုံးစေရန် သတိပြုကြပါ။ 18ကျွန်ုပ်တို့၏ အရှင်နှင့် ကယ်တင်ရှင်ဖြစ်တော်မူသော ယေရှုခရစ်တော်၏ ကျေးဇူးတော်၌လည်းကောင်း၊ ကိုယ်တော်ယေရှုအား သိကျွမ်းခြင်း၌လည်းကောင်း ကြီးထွားကြလော့။ ယခုမှစ၍ ကိုယ်တော်သည် ထာဝရကာလပတ်လုံး ဘုန်းကြီးတော်မူပါစေသတည်း။ အာမင်။
Attualmente Selezionati:
:
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.