Luke 17
17
1ကိုယ်တော်လော့ တပည့်တော်အား နိလော့အာ အမိန့်တော်ဟောက်။ ချောင်ငဟော့ အကုသိုလ် ဒုစရိုက်ကျူးလွန်အယ်ထောက်စေ့ဆော် ဟော့လော့ စေ့ဆော်သော အကြောင်းတရားဟော့ အမြဲမော့။ နိအကုသိုလ် ဒုစရိုက်မှုကျူးလွန်စေရန် စေ့ဆော် ဟော့ချောင်ဟော့ ဒုက္ခအိုရင်ဆိုလအယ်။ 2ဒုစရိုကျူးလွန်အုံသွေးဆောင်ဖြားယောင်း အယ်တောက်အာ နောင်နိလူးအာ ရွက်ကြိုးကွင်းစွပ် လုံတော့အာခွန်းဟလော့တဲ့ သမုဒ္ဒရာဒုတ်အာကပိုက် ပအယ်နိချောင် အဖိုလော့သက်သာလှာယ်။ 3တပည့်တော်ဟော့မောင်းအပြစ်ဟော့ ခုန်မှိငှားပဆုကေပေါ်ဝါ ကျူးလွန်ဟော့လော့ တောင်းပန်းပနိးဟော ခွင့်လွှတ်ပိတ်လအယ်။ 4စာပေရောက်ယောလော့ အပေါ်ဝါ နုတ်ဝေါလ်လောက်အို အပျက်အုဟိ ကျူးလွန်းငှားပဲ ဆုထောက်လော့ တောင်းပန်လော့ ခွင့်လွှတ်ပိတ်ပေါ့” သိန်အမိန်တော် ဟောက်။ 5ခရစ်တော်လော့ “မနိဟော့ ယုံကြည်ချက်ဟော့မိုလော့ ခိုင်မြဲစေတော်မူပါ” သိမ်အဟာပိစလော့။ 6ခရစ်တော်ဟော့ “ယုံကြည်ချက်မုန်းညှင်းစလောက်ယလော့ ညောင်ပင်အလင်းဟော့ အရုံပါဒိုး ကျန်ငှားအုံနုတ်ယူလော့ သမုဒ္ဒရာဒိတ်အာပြန်လော့ စိုးပေါ်ဘွေ့ ညောပင်အာ အမိန့်ပိတ်ပူလော့ ညောပင်ဟော့ နိအတိုင်းအလိုက်နာအယ်” သိမ်ကိုတော်လော့ အရှင်းပြဟောက်။ 7နောင်နိဟော့ အစေခံများဟော့ လယ်ထွန်ရာ ဆိတ်ငှားတစ်အုံသိုးကျောင်း နောက်ဒုံးအဟော အပြန်ဖိုးပြီစလော့ နိချောင်ငဲ့အာအင်းဒုတ်အာဝေါင်ဘွေ့၊ အုတ်ဝေါလ်ဟိအေးဘွေ့၊ အုတ်ဘွေ့သိမ်တဲ့ အဟောက်လ။ 8နိလောက်အာ အဟော့အစား မအေးအုတ်ဗုံများဟော့ အဆင်သင့်ပြင်ပဆု။ ကေ့လော့ ခူးခပ်လော့ကျွေးပြီး အေးဟော့ အားလုံးပေါင်ပြီးစလော့ နောင်လော့ အေးအုတ်မသွေ့ တွက် သိမ်အဟောဝယ်။ 9အစေခံများလော့ သခင်ငဲ့အပေါ်ဝါ ထုဝါလောက်အာ ဆစိုက်အလော့တဲ့ အကျွေးပြုသော် ဟောအစေခံပေါ့လဟော ယနိတာဝန်လော့ဝတ္တရား နိးအဖြစ်အို ယနိဟော့ အထူးကျေးဇူးတင်းခြင်း ယနိစိုက်လေအယ်ဆိတ်လ။ 10နောင်နိဟော့ချောင်များကြောင့် တာဝန်ဝတ္တရားများဟော့ ဆောင်ရွက်ရာဟော ယနိအတူအဖြစ်လူးဟော့ အမှတ်စေလအပ်။ နိကြောင့် အိုကိုယ်တော်လော့ မိန့်ကြားတော်မူလေဟီ။ 11ဂါလိလဲလော့ ရှမာနိနယ်စပ်ဟော့ဖြတ်လော့ ယေရှုရှလင်မြို့ အာအစိအာလောင်း ခရီးအာ။ 12အနာလင်းရောဂါ ဟောပေါ့ ငှားဟော့ ခရစ်တော်ငှငွါယနိလူး။ ကိုယ်တော်ယေရှုလော့ အရှေ စအော်ဝါ မတ်တပ်ရပ်လော့။ 13“ကိုယ်တော်ယေရှု၊ အရှင်ကနိဟော့ အဟန်းရှေ့အယ်” သိမ်ပါန်အာန်လော့ တောင်းပန်အမ်သော့။ 14ကိုယ်တော်လော့ ယနိဟော့တိုင်လော့တဲ့ မိန့်ကြားရာ “နောင်းစလော့ ဘာသာရေး ခေါင်းဆောင်အာလာ စိတ်လော့ပြပေါ့” သိမ်အဟောက်။ လောင်းခရီးအာရောဂါဟော့ ပကတိအတိုင်း ကျုံပ်ဟောယနိခွင့်လ။ 15ရောဂါကျောက်ဟောချောင်းမျာ၊ ဒုံအဟောပရောက်လော့ပြန်လော့ ဘုရားဂုဏ်တော် ဟော့ ပေါန်အံလော့တဲ့အချီးကျူးတော့။ 16နိချောင်ငဲ့ဟော ခရစ်တော်လော့ ခြေရင်းအာဦးညွှတ်အလော့ ကျေးဇူးတင်ကြောင်း အဟောက်။ နိချောင်ငဲ့ ရှမာရီချောင်းမျိုးအဖြစ်။ 17ကိုယ်တော်လော “ဆယ်ယောက်စလုံးကျုံပ်ကမိုး။ ကျန်ဟော့ပေါ့ ကုဟော့မောင်းဝါရိုး။ 18ဘုရားရှင်လော့ ဘုန်တော်ဟော့ ချီးမွှမ်းနယ်အတွက် ချောင်အဟော့အပ ကျန်ဟော့ ချောင်ပရောက်ဟောမရော့ မိုး” သိမ်အစိုက်။ 19ပိစလော့ နိချောင်းဟော့ “နောင်တီလော့ စိဘွေ၊ နောင်ယုံကြည်ခြင်းဟော့ နောင်ရောဂါဟော့ အကျုံပ်စေတီ” သိမ်မိန့်တော်အဟောက်။ 20ဖာရိရှဲအချို့လော့ ကိုယ်တော်ယေရှုအာဘုရားသာသနာတော် ထွန်းကားအယ်နုတ် ဟော့ အစက်ပိစလော့ ကိုယ်တော်လော့ “ဘုရားသာသနာတော် တိမ်ဟော့ ဟနိး နောင်နိလော့ မှု့ဟော အရာဆိတ်အ။ 21သာသနာတော်ဟော့ နိနေရာအာ၊ ထိုနေရာအာတိမ်ဟောက်မူလောက်လအပူ” အမှန်စင်စစ် သာသနာတော်ဟော့ နောင်နီအိုအတွက် တူအာမွက်။ 22“ချောင်စိုးနော်” ဟော့မစုံလဟော့ အချိန်တစ်ချိန်အဖိုးလူးစဲ။ ဆိတ်လော့ဟော နောင်နိလော့ မှု့ခုလတွက်။ 23“ချောင်စိုးနော်” နိနေရာ အရပ်အယ်ထိုးနေရာနိးရပ်အယ်တိမ်ချောင်မနည်းလော့ နောင်အာအဟော့ဟနိးနောင်နိလော့ တောင်းတီလော့တဲ့ ရှုရဲ့တွက်။ 24“ခ” ဟော့ပြန်ကြွလူးပေါ်ဟော့ နုတ်အာချိုင်းချာအလတ်လော့တဲ့ အာကာ တစ်ခုလုံး အလင်းလက် နုတ်လောက်အာ အဖြစ်အယ်။ 25ပြီးစလော့ “လူ့သားတော်” ဟော့ချောင်းငဲ့လော့ ပစ်ပယ်ခြင်းဟော့ ဟောပြင်းစွာ ဒုက္ခဝေဒနာဟော့ဟော်နောင်နိခေါင်းလအယ် 26“လူ့သားတော်” ကြွလူးခွာ “နောင်” အကုတ်ဒုတ်အာတိုင်းအဖြစ်လူးအယ်။ 27“နောဧ”ဟော့ သင်္ဘာပေါ်ဝါအဖိုဟောက် ချာင်များဟော့ အေးပေါင်ပြီးစလော့ မင်္ဂလာပွဲ ကျင်းပလျှက်အမော့။ နောက်ဆုံးအာရေလွှမ်းမိုးလော့တဲ့ ကမ္ဘာပေါ်ဝါ အမော့ဟောအားလုံး ယနိမြုတ်မိတ် အလော့တဲ့ ယနိကျုံပ်မိုက်။ 28ဟောနိတူ “လောစာ” အကွက်ဒိတ်အာချောင်ငဲ့ဟောစိုက်ပျိုး၊ တည်ဆောက်လော့ အေးအုတ်ဗုံဟော့ ယနိရော့ နနိုလေ့ယနိစိုက်။ 29သောဒုံမြို့အာ “လောတ”အဆုဝါဟော့ အချိန်အစ ထုလော့ အာကာဟော့မိးရို့ အိုးလော့တဲ့ချောင်းအားလုံး ယနိတူးအလော့တဲ့ ပျက်စီးလေအယ်။ 30နိအဖြစ်အပျက်များအို “လူ့သားတော်” အပေါ်လူးအယ်နုတ်ဟော တစ်လောက်အာ အဖြစ်လူးအယ်။ 31ဟောနိအချိန်အာ အင်းသေ့အမော့ဟော့ ချာင်မနည်းဟော့ ကေနိအင်းဒိတ်အာ မော့ဟော့ တစ်စုံတစ်ခုဟော့ စိအယ်တွက်။ လယ်ကွင်းအားအဖိုးဟော့ ချောင်များဟော့ အင်းအာပြန်ငဲ့တိ။ 32“လောတ” လော့ အပေးအာဟော သတိလ။ 33ကိုယ့်အသက်ကိုကယ်အယ်ကြိုးစားကြသူဟော့ အဆောက်ယနိဆုံးလအယ်။ မိမိ အဆောက်အဆုံးရှုံး ခေါင်းဟောချောင်တိုင်း အဆောက်ကယ်တင် အခေါင်းလအယ် 34ဟောနိရမ်းအိရာတစ်ခုထဲအာ အတူအိအဟော့ချောင်ပေ ဟိဟောပရောက်အာ ယဟော့အယ်။ 35စောင်အထုဟော့ နတိုးနူးဟော့ ပေါ့ဟိအာ ပရောက်စိဟိလောတဲ့ ပရောက်ကလျှက်ဟောအယ်။ 36လယ်ဒိတ်အာ အမော့ဟော ပေါ့ဟီဒိတ်အာ ပခေါက်စိဟလော့တဲ့ ပရောက်ကလျှက် ဟအယ်” သိမ်ဟောက်။ 37ပတည်တော်တိလော့ ဂအရှင်၊ နိအဖြစ်အပျက်များဟော့ မောင်းအာအရပ်အာ အဖြစ်ပျက်လူးအယ်” သိမ်အစိုက်။ ကိုယ်တော်လော့ “အထူးဟော့ အမော့ဟော အရပ်အာ “လင်းတ”များ စုရုံးလောက်အဖိုးလူးအယ်” သိမ်မိန့်တော်အဟောက်။
Attualmente Selezionati:
Luke 17: ctpv-rv
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the Chin-Ekai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
