Mathāi 4
4
Diabolin Isuo ei Mansinna
Mk 1:12-13; Lk 4:1-13
1 #
Aph 3:1-7; Heb 4:15 Hava suole, Isuo chu Diabol thēmna ei chulna ranga, mibuirama Rathā'n a ruoi a. 2#Ant 34:28; 1Rē 19:8Sūn 40 lē zān 40 a ngoi suona, ama chu a von anchām a. 3#Mk 3:11; Lk 1:35; Zn 1:34, 49; Kui 9:20; Rōm 1:4; 1Th 3:5; 1Zn 5:10-13, 20; Anl 2:18Ānthēmpū chu a kōma hong a, amā'n, “Pathian Nāipasal nā ni ten, hiva lung ngāi hi vāipōltāp ei chang theina rang chongpēk ro,” a tī na. 4#Zn 4:34Tenchu Isuo'n a masang a, a kōma, “Hintin hin a lei ānziak a,
“ ‘Miring hi vāipōltāp rong le dam ngāi mak,
Tenchu Pathian mūr ātā chongkam asuok tin le kēng,’ ” (Dān 8:3) a tī na.
5 #
Neh 11:1; Dnl 9:24 Hava suole han, Diabolin khopui anthianga a ruoi a, tempul chungsīpa a vā'n dingpui a. 6A kōma, “Pathian Nāipasal nā ni ten, thuoia antōm ro. Asik chu hintin hin a lei ānziak a:
“ ‘Nang na ranga a vānpalāi ngāi chu chongpēk in tia,’
hatuka,
“ ‘Na kephā chu lunga nei va dē nōkna ranga,
A kut u ngāi le na lei madōm u'n ti,’ ” (Sām 91:11-12)
a tī na.
7 #
Rōm 16:20; 2Ko 2:11; 2Th 2:9; Anl 12:9 Isuo'n a kōma, “Hintin hin a lei ānziak a:
“ ‘Zehova na Pathian chu nei mansin rang ni mak,’ ” (Dān 6:16)
a tī na.
8Hava suole, Diabolin ama chu muolpui ansānga a ruoi a. Maniapūra rēngram ngāi dōra lē a rōpui una ngāi chu a manmū na. 9A kōma, “Anbok laka na nā mōk ten, hiva ngāi dōra hi na pēk zit ka ting,” a tī na. 10#1Kh 21:1; Zōb 1:6-9; Mk 4:15; Lk 10:18Isuo'n a kōma, “Setan, ankhāia sē ro! Asik chu hintin hin a lei ānziak a,
“ ‘Zehova na Pathian chu āmōk tānla,
Ama dorbō rong a dom ro,’ ” (Dān 6:13) a tī na.
11 #
Lk 22:43; Heb 1:14; Zak 4:7 Diabolin ama chu a māk a. Entā, vānpalāi ngāi chu a hong u na, ama dorbō chu a hong ādom u na.
Isuo'n a Dorbōndomna a Phut
Mk 1:14-15; Lk 4:14-15
12Zohan chu ankhumna-ina ankhum zei ti Isuo'n a riat le chu, ama chu Galili rama a pan a. 13#Mk 1:21; Lk 4:23, 31; Zn 2:12Amā'n Nazaret a māk a, Kapernaum-a a hong āom a, hava ha tipui kōla Zebulun lē Naftali rauopa a ni. 14Hiva hi deari Isaia a chongril ei hong kipna rang a ni.
15“Zebulun ram lē Naftali ram,
Tipui lampui kōla, Zordan varāla,
Namtei ngāi omna Galili chu,
16 #
Lk 2:32; Zn 5:35 Azīng kāra ānsut ngāiin raāng alianpā a mū u zei.
Hava rama lē thīna ralīma ānsut ngāi chunga,
Lēn kōl ankak zei.” (Isa 9:1-2)
17Hava hun ātā chu Isuo'n chong aril a phut a: “Ansīr u ro. Asik chu vān rēngram chu a nāi zei,” a tī na.
Isuo'n a Zolāi Mānsa ngāi ei Pāina
Mk 1:16-20; Lk 5:1-11; Zn 1:35-51
18 #
Mk 7:31; Zn 6:1 Isuo chu Galili tīndīl kōla kal a chōi lāi han, paruol lesa, Simon, mī'n Peter ei ti lē, a nāipā Andria chu tipuia lēn a dēng u lāitak a ni. Asik chu amāni ha ngāsūrpū a ni u na. 19#Mk 10:21, 28, 52; Lk 5:28; Zn 1:43Isuo'n amāni kōma, “Ka nūk na zī u ro, miring asūra na sin u ka ting,” a tī na. 20Hatuka amānī'n a lēn u chu a māk len u na, ama nūk a va zī u na. 21#Mk 3:17; Lk 8:51; Zn 21:2Hava nātā a sē tir u lāi han, paruol lesa dēn, Zebedai a nāipasal Zakob lē a nāipā Zohan, amāni chu a pā u Zebedai bila rakuonga, lēn anliang u lāitak a va mū na. Isuo'n amāni chu a pāi a. 22Amānī'n a rakuong u lē a pā u chu a māk rak a, ama nūk chu a va zī len u na.
Isuo'n Āna ngāi a Mandam
Lk 6:17-19
23 #
Mk 1:39; 3:10; Lk 4:15, 44; Zn 6:59; Kui 10:38; 20:25 Isuo chu Galili ram pumpuia chei a. A sinagog u ngāia han a manchū na, rēngram thangahui a ril a. Mi ngāi kāra damlui ngāi dōra lē rikhuo ngāi dōra chu a mandam a. 24#Mk 1:32; 2:3Hatuka, ama thang chu Suria ram pumpuia a vā'n thek a. Ama kōma damlui ngāi dōra, rikhuo tin atonga natna ātuor ngāi, senkhat chu raluoiin ei sūr ngāi, rirangol ngāi lē āzeng ngāi dōra chu a hong ruoi u na. Amā'n a lei mandam kiar a. 25#Mk 3:7; Lk 6:17Ama chu Galili, Dekapolis, Zerusalem, Zudāi lē Zordan varāl ātā, mipui ātampā'n a nūk a zī u na.
Bible in Ranglong, © Bibles International, the Bible society of Baptist Mid-Missions, 2024.