Sak 3
3
Dinyaange di dilimi
1Baane ba Tayi, diyabile mbili mu wuloonze; yenu diyatsi re: yetu badigoneloonze digutsuundusu ne mafikile wuvyogilile bamosi. 2Mumbare manenu bootsu dikavagi mabi minoongu mi mbili. Wusakavagi dibi gugare biyambilitsi byandi, akeke mutu wuyelimine ne gaandi ayi fumu nyurwandi yootsu. 3Yetu dikasunzi irini gi mwaange gugare mine mi basevale mure bakegobise yetu, ne vane dikayenzi gaandi manyuru mawu mootsu. 4Moniganu mabatu gaandi: nisi beetsi mabatu mamanene ne nisi mo matsesindugu ne mavuge marage, makayenzu ke ne ma irini gi mwiri gukeroonde wuyende nge wuyenze. 5Munoongu wumoosi ga dilimi: nde yileme gi pesu, te ne dyo, mutu akanyemugi mu bivaave bibinene.
Labanu na mbaawu yi pesu, yirungule wuyoke munene musiru! 6Dilimi ne dyo nde mbaawu: byootsu bibive bike mu dyo. Dilimi diyi ve ganegare bileme bimosi bi nyurwetu ne dikabivisi manyuru metu mootsu. Dilimi dyetu nde mbaawu yikaburugi gu mbure yi mbaawu yigatsime. Dyo dikalutsi monyu wetu baande gu diburulu nguu ne gu difu. 7Mutu arungule wutuge minoongu minoongu mi banyame ba musiru, banyonyi, bilatile, bibere. 8Te dilimi, mutu nisi wumoosi aserungule wutuge dyo. Nde yivaave gigibi, gisakaloogi wupupe. Dyo dinde dibaase ne myangele mikaboki. 9Ne dilimi, manenu dikayimbili Fumu, Tayetu, ne gaandi dikalogi batu tsiinge basuundu ne Nzambi mu yibagunu gyandi. 10Gugare mune wene wumoosi gukavati mabigu ma myule ne ma milogu; baane ba Tayi, dyaambu dyene disabweedi. 11Ditegulu dimoosi dirungule wuvatise maambe ma bweedi ne ma ndulya? 12Baane ba Tayi, mutsafu wurungule wubure banyiinge, vore munyiinge wurungule wubure batsafwa? Ditegulu dine maambe ma nduli ne dyo diserungule wuvatise maambe ma bweedi.
Buyedi bukaburugi gu yulu
13Ve ganegarenu guyi mutu wune buyedi ne wuyatsi maambwa? Aritsigi dyo ne mutsagulu wandi wumunyi, ne maambu mavagu ne buyedi ne murime wusunde. 14Te yenu ga dibile ne murime wubaase ngusu yi nduli ne dinyunyi diyipale, sisanu wunyemuge nuyambile re: «Dine buyedi», nubivise yimwanze ne wufure wenu. 15Buyedi bu munoongu wene busakarugi gu yulu, bwo nde bu tsi yi, bu mutu tsiinge, ne bubagunu bu manyunyi mabive. 16Mumbare va ngusu ne dinyunyi diyipale, vane gaandi re va dimbunge ne minoongu myootsu mi maambu mabive. 17Te buyedi bu yulu buyi kinde bureele, kere bukaroondi polu, buyi ne lelee, bukanoongisi, buyi bubaase ne dingyebe ne bukaburi mbili miluunde miminyi. Bwo busaandi ne buraandu ne deti. 18Babakatsamuni polu mu tuungwawu bakavari ne bakadoki gugare polu, monyu wu Nzambi akaroondi.
Attualmente Selezionati:
Sak 3: SNQ
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Sak 3
3
Dinyaange di dilimi
1Baane ba Tayi, diyabile mbili mu wuloonze; yenu diyatsi re: yetu badigoneloonze digutsuundusu ne mafikile wuvyogilile bamosi. 2Mumbare manenu bootsu dikavagi mabi minoongu mi mbili. Wusakavagi dibi gugare biyambilitsi byandi, akeke mutu wuyelimine ne gaandi ayi fumu nyurwandi yootsu. 3Yetu dikasunzi irini gi mwaange gugare mine mi basevale mure bakegobise yetu, ne vane dikayenzi gaandi manyuru mawu mootsu. 4Moniganu mabatu gaandi: nisi beetsi mabatu mamanene ne nisi mo matsesindugu ne mavuge marage, makayenzu ke ne ma irini gi mwiri gukeroonde wuyende nge wuyenze. 5Munoongu wumoosi ga dilimi: nde yileme gi pesu, te ne dyo, mutu akanyemugi mu bivaave bibinene.
Labanu na mbaawu yi pesu, yirungule wuyoke munene musiru! 6Dilimi ne dyo nde mbaawu: byootsu bibive bike mu dyo. Dilimi diyi ve ganegare bileme bimosi bi nyurwetu ne dikabivisi manyuru metu mootsu. Dilimi dyetu nde mbaawu yikaburugi gu mbure yi mbaawu yigatsime. Dyo dikalutsi monyu wetu baande gu diburulu nguu ne gu difu. 7Mutu arungule wutuge minoongu minoongu mi banyame ba musiru, banyonyi, bilatile, bibere. 8Te dilimi, mutu nisi wumoosi aserungule wutuge dyo. Nde yivaave gigibi, gisakaloogi wupupe. Dyo dinde dibaase ne myangele mikaboki. 9Ne dilimi, manenu dikayimbili Fumu, Tayetu, ne gaandi dikalogi batu tsiinge basuundu ne Nzambi mu yibagunu gyandi. 10Gugare mune wene wumoosi gukavati mabigu ma myule ne ma milogu; baane ba Tayi, dyaambu dyene disabweedi. 11Ditegulu dimoosi dirungule wuvatise maambe ma bweedi ne ma ndulya? 12Baane ba Tayi, mutsafu wurungule wubure banyiinge, vore munyiinge wurungule wubure batsafwa? Ditegulu dine maambe ma nduli ne dyo diserungule wuvatise maambe ma bweedi.
Buyedi bukaburugi gu yulu
13Ve ganegarenu guyi mutu wune buyedi ne wuyatsi maambwa? Aritsigi dyo ne mutsagulu wandi wumunyi, ne maambu mavagu ne buyedi ne murime wusunde. 14Te yenu ga dibile ne murime wubaase ngusu yi nduli ne dinyunyi diyipale, sisanu wunyemuge nuyambile re: «Dine buyedi», nubivise yimwanze ne wufure wenu. 15Buyedi bu munoongu wene busakarugi gu yulu, bwo nde bu tsi yi, bu mutu tsiinge, ne bubagunu bu manyunyi mabive. 16Mumbare va ngusu ne dinyunyi diyipale, vane gaandi re va dimbunge ne minoongu myootsu mi maambu mabive. 17Te buyedi bu yulu buyi kinde bureele, kere bukaroondi polu, buyi ne lelee, bukanoongisi, buyi bubaase ne dingyebe ne bukaburi mbili miluunde miminyi. Bwo busaandi ne buraandu ne deti. 18Babakatsamuni polu mu tuungwawu bakavari ne bakadoki gugare polu, monyu wu Nzambi akaroondi.
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES