रोमि 4
4
अब्राहम विश्वासोसी धर्मी ओवयु
1याकोअता आमू की कोनारा आमाआ डीलो बाह्हू अब्राहोमोहो की प्राप्त ओवयो? 2काहाके का केधी आब्राहम कानोवाही धोर्मी ठेरव्यू गोल्यो ओतलू ताहा तियाहा खत कोइला कोअता जागू ओती, परंतु परमेश्वरोओ आगाडी नाहा. 3पवित्रशास्त्र नाहाकोत कोतली? ओच का “अब्राहम परमेश्वरोओ विश्वास कोअयु अने ओच त्यांकोअता धार्मिकता मोजला गोये” 4कामकोनारां मोजरी आपलो दान नाहा पोन हक्क होमाज्या जात्लू.
अब्राहम खतना पेल विश्वास सी धर्मी ओवयु
5पोन जो काम कोईत नाहा भक्तीहीनच्या धर्मी ठरवीनारापो विश्वास कोअत्लू तिया विश्वास तियाआ धार्मिकता माय मोजीलो जात्लू. 6ज्याहा परमेश्वर बिना कामाला धोर्मी ठरर्विलो तियाहा दाविद पण धन्य कोत्लू, 7धन्य होय ते ज्याआ अपराध क्षमा उवे होय अने ज्याआ पापापो टापा गोयेहे. 8धन्य होय ते मांहु ज्याहा परमेश्वर पापी ठरावीत नाहा. 9ताहा ओ धन्य वचन नाहाकोत सुंता वाल्यांसाठी होय? सुंता रोत्लू होय तियाआ याकोअता पण? आमू ओ कोयु होय अब्राहमोओ तिया विश्वास धोर्मी मोजीलो गोल्यो. 10ताहा ते केहलो मोजला गोये? सुंताच्या हालोंम ला बिना सुंताच्या हालोंम सुंतेच्या हालोंम नाहा परंतु बिना सुंताआ हालोंम, 11त्याआं सुंतेचे चिन्ह जोडयेहे का तिया विश्वासाआ धार्मिकता पोओ शिक्का ओतगोयु जाइज तियाआ बिना सुंतेच्या हालोंम विश्वास कोअता काहाके का ते पण धोर्मी ठेरती, 12अने तिया सुंता कोअनारा बाह्हू होय जे नाहा फक्त सुंता कोयु होय पोन आमू बाह्हू अब्राहम तियाअ विश्वासाआ अनुसरून पण सालतेहे जो तियाहा बिना सुंतेच्या दशमध्ये कोअयु ओतु. 13काहाके ऐ प्रतिज्ञा आप्लु का तो ज्या जगतो वारीस उवे नाहा आब्राहम ला तिया वंश ला पोन नियमशास्त्रा द्वारे आप्यी गिली ओती परंतु विश्वासाआ धार्मिकतेआरी जोड़ी. 14काहाके नियमशास्त्राआ वारीस होय ताहा विश्वास व्यर्थ अने प्रतिज्ञा निष्फळ ठरेल. 15नियमशास्त्र ताहा क्रोधाला कारणीभूत ठरतलो, अने इही नियमशास्त्र नाहा तिही तिया उघाड्ल्यु पोन नाहा. 16याज कारनोवाही प्रतिज्ञा विश्वास कोओ आधारित होय का कृपेच्या रीतीपो होय का तियाआ आखे वाडवडील दृढ़ ओवे, नाहा ताहा ते फक्त तियाआ कोताज अब्राहम एकहरको विश्वासणारे होय, तोज ताहा आपाआ आखाआ बाह्हू होय, 17जेहलो लेखिलो होय आय ताहु जाअखो जातीपो बाह्हू ठेरव्यू होय, तिया परमेश्वरोओ आगाडी ज्यापो तिये विश्वास कोअयु अने ज्याहा मोल्यामरोत जिवंत कोल्यु अने ज्या गोठी होय नाहा तियाआ नाव एहलो लेहो का मानीत ल्या तोज होय, 18तिये निराशा माय पोन आशा मेकीत विश्वास कोअयु याकोअता का तियाआ वोचाना प्रमाने कोल्यु ताआ वंश एहलो उवे, तो जाअखो जातीया बाह्हू होय. 19तो ताहा शंभर सालोओ ओतु आपाआ मोल्या डील अने सारा मोइली दशा होमजीत पण विश्वास निर्बल कोअयु नाहा 20अने नाहा अविश्वासी ओतगोयु परमेश्वरआ प्रतिज्ञा पोओ शंका कोअयी नाहा पोन विश्वासामेहे दृढ ओतगोयु परमेश्वरोओ गौरव कोल्यु, 21अने निच्छित होमाज्या का तियाअ गोठीई तिये प्रतिज्ञा आप्लु होय ते तियाहा पुरो कोइला कोअता पण समर्थी होय. 22आव कारनोवाही ओ त्यांकोअता धार्मिकता मोजला गोये. 23अने ओ वचन, विश्वास त्यांकोअता धार्मिकता मोजीलो गोल्यो, नाहा फक्त तियाआ कोताज लेखिलो गोये, 24नहाते आमा कोअता पण याकोअता विश्वास, धार्मिकता मोजला जाय, अर्थात आमा कोअता जो तियापो विश्वास कोअत्लू जिये आमा प्रभू येशुहू मोल्यामरोत जिवंत कोल्यु. 25ते आमू अपराधासाठी तोआत गोल्यो, अने आमाहा धोर्मी ठरविलाकोता जिवंत पोन कोअयु गोल्यो.
Attualmente Selezionati:
रोमि 4: NOINT
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.