མེ་ཐིའུ་ལེའུ་ 28

ཡེ་ཤུ་གཤགས་ས་ལས་སྐུ་གསོན་པོ་སྦེ་ལྷོངས་པའི་སྐོར།

1བདུན་ཕྲག་གི་ཉིནམ་དང་པ་ལུ་ དྲོ་པ་ནམ་ནངས་རནམ་གཅིག་ཁར་ལུ་ མཱིར་ཡམ་མག་ད་ལཱེན་དང་ མཱིར་ཡམ་གཞན་མི་འདི་ ཕར་དུར་ཁུང་ནང་བལྟ་བ་སོངམ་ད། 2དཔྱད་རིག་མེད་སི་སི་སྦེ་ ཞིང་ཁམས་ལས་གཙོ་བོ་གི་ཕོ་ཉ་གཅིག་འོངམ་ད་ དེ་ཁར་ལུ་ས་གཡོམ་ཤུགས་སྦེ་བརྐྱབས་ཏེ་ ཁོ་གིས་དུར་ཁུང་སྒོ་ཁར་གྱི་རྡོ་ལེབ་དེ་ཕར་བསྒྲིལ་གཏང་སྦེ་ ཁོ་རང་དེ་གུ་སྡོད་ནུག 3ཕོ་ཉ་གི་གཟུགས་དེ་ གློག་ཀེམ་དོཝ་བཟུམ་སྦེ་འོད་ཅེམ་ཅེ་དང་ བགོ་ལ་ཡང་ཁཝ་བཟུམ་སྦེ་དཀརཔོ་སྦེ་ཡོདཔ་མཐོང་ནུག 4དེ་ལས་ཁོང་སྲུང་རྒྱབ་ཚུ་ ཕོ་ཉ་བལྟ་འདྲོགས་ སྒྱིད་ཐག་འདར་ཏེ་ ཤི་ནི་བཟུམ་སྦེ་སོང་ནུག

5དེ་འབདཝ་ད་ ཕོ་ཉ་དེ་གིས་ཨམ་སྲུ་ཚུ་ལུ་ ཁྱེད་མ་འདྲོག་ ག་ཅི་སྨོ་ཟེར་བ་ཅིན་ ཁྲམ་ཤིང་གུ་བཀྲོངས་མི་ཡེ་ཤུ་ འཚོལ་བ་འོངམ་ ང་གིས་ཤེས་ཅི། 6ཁོ་ནཱ་ལུ་མེད་ ཧེ་མ་ཁོ་རང་གིས་གསུངས་དོཝ་བཟུམ་སྦེ་ ཁོ་གཤགས་ས་ལས་སྐུ་གསོན་པོ་སྦེ་བཞེངས་གནང་ཡི་ ཁོ་གི་སྐུ་ཕུང་བཞག་ས་ལུ་བལྟ་བ་ཤོག 7དེ་ལས་ཁྱེད་མགྱོགས་པར་སོང་ཞིནམ་ད་ ཁོང་སློབ་མ་ཚུ་ལུ་ ཁོ་གཤགས་ས་ལས་སྐུ་གསོན་པོ་སྦེ་བཞེངས་གནང་སྟེ་ ཁྱེད་ཀྱི་ཧེ་མ་ལས་ཁོ་ཕར་ ག་ལི་ལི་ལུ་བྱོན་དོ་ ཁྱེད་ཀྱིས་ཁོ་ལུ་ཕར་མཇལ་འོང་ཟེར་སླབ་བྱིན་ ད་ལྟོ་ང་གིས་ཁྱེད་ལུ་སླབ་མི་དེ་ཚུ་ག་ར་ སེམས་ཁར་བཞག་ཟེར་ཕོ་ཉ་དེ་གིས་སླབ་ནུག

8དེ་ལས་ཁོང་ཨམ་སྲུ་ཚུ་འདྲོགས་ཏེ་འབད་རུང་ སེམས་ཁར་དགའ་སྤྲོ་སྦོམ་བྱུང་སྟེ་ ཚབ་ཚབ་སྦེ་བརྒྱུགས་ཏེ་ སློབ་མ་ཚུ་ལུ་སླབ་པ་སོང་ནུག 9དཔྱད་རིག་མེད་སི་སི་སྦེ་ཁོང་ཡེ་ཤུ་དང་མཇལ་ཏེ་ ཡེ་ཤུ་གིས་ཁོང་ལུ་ལེགས་སོ་ཟེར་གསུངསམ་ད་ ཁོང་ཁོ་གི་སྦོ་ལོགས་བཅར་ཞིནམ་ད་ ཁོ་གི་ཞབས་གུ་བཤེད་དེ་ཕྱག་འཚལ་ནུག 10དེ་ལས་ཡེ་ཤུ་གིས་ཁོང་ལུ་ ཁྱེད་འདྲོག་མི་དགོ་ ཁྱེད་སོང་སྟེ་ངེ་གི་སྤུན་ཆ་ཚུ་ལུ་ཕར་ ག་ལི་ལི་ལུ་སོང་ ང་གིས་ཁོང་ལུ་ཕར་འཕྱད་ནི་ཨིན་ཟེར་སླབ་ཟེར་གསུངས་ནུག།

སྲུང་རྒྱབ་ཚུ་གིས་ཡེ་ཤུ་གི་སྐོར་ལས་གཞུང་ཚབ་ལུ་བློ་རྫུན་མ་ཞུ་བའི་སྐོར།

11ཨམ་སྲུ་དེ་ཚུ་དུར་ཁུང་ནང་ལས་ལོག་སྟེ་སློབ་མ་ཚུ་ལུ་སླབ་པ་འགྱོ་ནི་སྦེ་ལམ་ཁར་ལྷོདཔ་ད་ སྲུང་རྒྱབ་ལ་ལུ་ཅིག་ཡང་ཁྲོམ་ཁར་ལུ་སོང་སྟེ་ ཁོང་གིས་ག་མཐོང་མི་གནས་ཚུལ་ཚུ་བླ་ཆེན་ཚུ་ལུ་སླབ་ནུག 12བླ་ཆེན་ཚུ་དང་མི་དམངས་ཀྱི་འགོ་དཔོན་ཚུ་གཅིག་ཁར་འཛོམས་ཏེ་ བསྟུན་གྲོས་རྐྱབ་སྦེ་ སྲུང་རྒྱབ་ཚུ་ལུ་ནང་གསུག་ཏི་རུ་ལེ་ཤ་བྱིན་ཏེ། 13ཁོང་ལུ་ ང་བཅས་ཕྱི་རུ་གཉིད་ཐལ་སོངམ་ད་ ཁོང་སློབ་མ་ཚུ་འོངས་ཏེ་ ཡེ་ཤུ་གི་རོ་ཨརཝ་བརྐུ་འབག་ཆི་ནུག་ཟེར་མི་ཚུ་ལུ་སླབ། 14ག་དེམ་ཅིག་སྦེ་ལོ་རྒྱུས་དེ་ གཞུང་ཚབ་ཀྱིས་སྙན་གསན་ཏེ་འབད་རུང་ ང་བཅས་རང་གིས་གསལ་འདེབས་ཞུ་སྟེ་ ཁྱེད་ལུ་བཀའ་ཁྲེལ་དགོངས་ཁྲེལ་མེདཔ་སྦེ་བཟོ་འོང་ཟེར་སླབ་བཏང་ནུག 15དམག་མི་ཚུ་གིས་ཏི་རུ་དེ་ལེན་སྦེ་ ཁོང་གིས་ག་སྟོན་དོཝ་བཟུམ་སྦེ་རང་སླབ་ནུག་ དེ་འབདཝ་ལས་ལོ་རྒྱུས་འདི་ ཡ་ཧུ་ད་པའི་སྦུག་ལུ་ ད་ལྟོ་གི་བར་ན་ཡང་དར་ཁྱབ་སོང་སྟེ་ཡོདཔ་ཨིན་མས།།

མཐའན་མཇུག་གི་བཀའ་གི་སྐོར།

16དེ་ལས་ཁོང་སློབ་མ་བཅུ་གཅིགཔ་ཕར་ ག་ལི་ལི་ལུ་ ཡེ་ཤུ་གིས་སོང་ཟེར་གསུངས་པའི་སྒང་གི་གུ་ལུ་སོང་ནུག 17ཁོང་སློབ་མ་ཚུ་གིས་ཡེ་ཤུ་མཇལཝ་ད་ ཁོང་གིས་ཁོ་ལུ་ཕྱག་འཚལ་ནུག་ དེ་འབདཝ་ད་ ལ་ལུ་ཅིག་གིས་འདི་ཡེ་ཤུ་ངོ་མ་ར་ཨིན་ན་ཟེར་ཐེ་ཚོམ་བསྐྱེད་ནུག

18དེ་ལས་ཡེ་ཤུ་ཁོང་སྡོད་སར་བྱོན་སྦེ་ ཞིང་ཁམས་དང་འཇིག་རྟེན་ནང་གི་ དབང་ཚད་ག་ར་ང་ལུ་གནང་སྟེ་ཡོད། 19དེ་འབདཝ་ལས་ ཁྱེད་ཀྱིས་ས་ཆ་ག་ར་ནང་སོང་སྟེ་ མི་རིགས་ག་ར་ལུ་སློབ་མ་བཟོ་ དེ་ལས་ཡབ་སྲས་དམ་པའི་ཐུགས་གཉིད་ཀྱི་མཚན་ནང་ ཁྲུས་གསོལ་བྱིན། 20དེ་ལས་ང་གིས་སྟོན་བྱིན་མི་བཀའ་ཚུ་ག་ར་སྲུངས་ཟེར་ མི་ཚུ་ལུ་སྟོན་བྱིན་ དུས་མཐའན་མཇུག་ཚུན་ཚོད་ ང་རྟག་བུ་རང་ཁྱེད་དང་གཅིག་ཁར་སྡོད་འོང་ཟེར་གསུངས་ནུག། །།

Attualmente Selezionati:

མེ་ཐིའུ་ལེའུ་ 28: dzoD

Evidenzia

Copia

Confronta

Vuoi avere le tue evidenziazioni salvate su tutti i tuoi dispositivi?Iscriviti o accedi

Ulteriori informazioni su རྫོང་ཁ་