WAROMA 13
13
1Orio mndu nawe moanguya wanene wo waitoṟie oruka madu, kyamba kulaiho wuitoṟi shile na iwo wuwukie ko Ruwa; waitoṟi-wo wakeri-ho m wawawikye-ho nyi Ruwa. 2Nkyo kimaduma mndu molemana na mawawaso ha waitoṟi wo, nyi alemanyi na kilya Ruwa akiwikye. Indi walemanyi-wo nyi wechikuwonya wudeheli wawenyi. 3Kyamba wanene wa mengenyi wo walaendye mndu wuowu kya ko wandu wecha, kya indi nyi waende wuowu kya ko wandu wawicho Kokoya ulakundi iowuo waitoṟi wuta mecha nao nechikuṟumisha. 4Kyamba nyi wukukerye-ho mpfuṟukanyi mokupfuṟukanya iyo kya wucha. Indi komkoya owuta kii kiwicho owuo, kyamba walakupfungye oshu kya wulya; kyamba nyi wakeri mpfuṟukanyi o Ruwa mowonya mndu awutye owicho wudeheli wurio nyi tuuke iya ya Ruwa. 5Ko ikyo kiwaṟi iindia wanene wadu, chi kipfa kya tuuke iya ya Ruwa tupupfo, kya indi na kipfa kya ngo tsa mrima.
6 Nkyo kimaduma moketaa na okamba, wasongoru wo kyamba wakukerye wechiṟundya Ruwa iawutsia iṟunda lyawo. 7Kewenengenyi wose kiwasumhanye, mowesa okamba, mtaenyi okamba, sa ai mosuhuṟa, muwemsuhuṟya, sa aoweshye muvemowuo, moindyo kewemwindyenyi.
Ikundana lya lohi
8Mulakae na sile ya mndu ma iwe ya iki, shile na iya ya ikundana; kyamba icho mokunda odoe nyio aawutsye wuwawaso. 9 Kyamba ili lihambye; ulaṟuhuye, ulawaahe, ulaiwe, ulalange, ma kokooya kwipfo iwawaso lingi ma likawa lihya, nyi hamawunge-wunge na idedo-li, ke kunda odoo chandu ukukundi iyo kumonyi. 10Mndu akundi odoe ekembutia kiwichopfo. Nahong'u ikunda odoya lyo lyekeawutsya wuwawaso.
11Wikenyi mudo mui wandu waichi heri ke saa yamshika yekure-ng'u madonyi; kyamba oletso lodu wulalu nyi lui afui na kota lyandi lulewoka iidikya. 12Kio kyaitika ihenda mfiri nyi icha fukeri. Ili kii kido lukuatwo mawuto hose ha meema luṟae shisha sha sa. 13Luchumie lui na sonu njicha tsisumhanye mfiri, lulawone lokaa na tsilya mbicho tsa ṟinginyi ma tsa wunanzinyi ma tsa wumeluki ma tsa sheeṟe ma tsa isohuo mondu ma tsa idosa nyashi. 14Kya indi kuṟaaenyi Mndumii Yesu Kristo, mfo mṟaae fonu, mukuṟise kundu iwetesya moo lilawone lyechiamtsa lango mbicho.
Kulawonye odoo owingo
Attualmente Selezionati:
WAROMA 13: KIM2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Kimochi Bible © Bible Society of Tanzania, 2016.
WAROMA 13
13
1Orio mndu nawe moanguya wanene wo waitoṟie oruka madu, kyamba kulaiho wuitoṟi shile na iwo wuwukie ko Ruwa; waitoṟi-wo wakeri-ho m wawawikye-ho nyi Ruwa. 2Nkyo kimaduma mndu molemana na mawawaso ha waitoṟi wo, nyi alemanyi na kilya Ruwa akiwikye. Indi walemanyi-wo nyi wechikuwonya wudeheli wawenyi. 3Kyamba wanene wa mengenyi wo walaendye mndu wuowu kya ko wandu wecha, kya indi nyi waende wuowu kya ko wandu wawicho Kokoya ulakundi iowuo waitoṟi wuta mecha nao nechikuṟumisha. 4Kyamba nyi wukukerye-ho mpfuṟukanyi mokupfuṟukanya iyo kya wucha. Indi komkoya owuta kii kiwicho owuo, kyamba walakupfungye oshu kya wulya; kyamba nyi wakeri mpfuṟukanyi o Ruwa mowonya mndu awutye owicho wudeheli wurio nyi tuuke iya ya Ruwa. 5Ko ikyo kiwaṟi iindia wanene wadu, chi kipfa kya tuuke iya ya Ruwa tupupfo, kya indi na kipfa kya ngo tsa mrima.
6 Nkyo kimaduma moketaa na okamba, wasongoru wo kyamba wakukerye wechiṟundya Ruwa iawutsia iṟunda lyawo. 7Kewenengenyi wose kiwasumhanye, mowesa okamba, mtaenyi okamba, sa ai mosuhuṟa, muwemsuhuṟya, sa aoweshye muvemowuo, moindyo kewemwindyenyi.
Ikundana lya lohi
8Mulakae na sile ya mndu ma iwe ya iki, shile na iya ya ikundana; kyamba icho mokunda odoe nyio aawutsye wuwawaso. 9 Kyamba ili lihambye; ulaṟuhuye, ulawaahe, ulaiwe, ulalange, ma kokooya kwipfo iwawaso lingi ma likawa lihya, nyi hamawunge-wunge na idedo-li, ke kunda odoo chandu ukukundi iyo kumonyi. 10Mndu akundi odoe ekembutia kiwichopfo. Nahong'u ikunda odoya lyo lyekeawutsya wuwawaso.
11Wikenyi mudo mui wandu waichi heri ke saa yamshika yekure-ng'u madonyi; kyamba oletso lodu wulalu nyi lui afui na kota lyandi lulewoka iidikya. 12Kio kyaitika ihenda mfiri nyi icha fukeri. Ili kii kido lukuatwo mawuto hose ha meema luṟae shisha sha sa. 13Luchumie lui na sonu njicha tsisumhanye mfiri, lulawone lokaa na tsilya mbicho tsa ṟinginyi ma tsa wunanzinyi ma tsa wumeluki ma tsa sheeṟe ma tsa isohuo mondu ma tsa idosa nyashi. 14Kya indi kuṟaaenyi Mndumii Yesu Kristo, mfo mṟaae fonu, mukuṟise kundu iwetesya moo lilawone lyechiamtsa lango mbicho.
Kulawonye odoo owingo
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Kimochi Bible © Bible Society of Tanzania, 2016.