MAWUTO HA WASU 28
28
1Loikiidima yashuka lukamanya ke kiṟingiti kilya nyi kyechilaho Malita. 2Na wandu walya walee-pfo wakaluwutya shicha shiilewetsye. Nyi waleatsa modo wakaludamiṟa lose kipfa kya mvuo iwekapye na kipfa kya mbeo. 3Paulo amsana ngu kikonde katsiwika kulya rikonyi kukawuka-pfo njoka yedicha modo fulya ikamwoṟowya owoko loke. 4Wandu walya wekiwona indo lilya likumasye ipfo kuwokonyi wakawiana, “Mndu chu naashukye iwa mndu mbahipfo. Ma chando ameashuka kulya ipalyipalyinyi motaa kirache amda nakae na moopfo.” 5Nao kaikutiakutia kulya modonyi nalatano kindo nyiyo. 6Wakamtuluya meso wakusaṟie ke nyi aishimba ang'u naho wanda pu aa mfu. Wamemtuluya meso mnu na iwona ke lyamtana kindo ma ntapfo wakailacha mahio hawo wakahamba ke ichu nyi Ruwa. 7Kufui na hando halya kuwekeri-ho kihamba kya mnene o kiṟingiti kilya ewio rina lyake nyi Publio. Mndu chu kaluambya na kyamu kiila kalutana wahenu wake hando ha mkonu iṟaṟu. 8Kikashika ndee o Publio kakoyo aluo ndaṟe ya modo na yaraka samu. Paulo kaida na ipfo koke katerewa kamhekya mawoko kamchiṟa. 9Isho shekitanyika wengi wawewodo nyi ndaṟe tsawo kulya kiṟingitinyi wakacha wakachiṟo. 10Nawo wakaluwikya wuindi na iluinenga shindo sha mwaano. Natso loikikure ke luire-se mta wakalusama na shindo shilya luweshihuṟi shose.
Kyaṟo kewuka Malita ihenda Roma
11Komeida-ho meri iṟaṟu lukahenda kyaṟo kya ngalawenyi ya Aleksandria iwentirimishye kiheri kya mbeo kulya kiringitinyi irie ofano lo wambasa walya. 12Lukaashika Sirakusa lukakaa-ho mkonu iṟaṟu. 13Luwuka ipfo lukahaluka lukashika Regiumu. Komeida-ho mkonu fumu otanu lo ora lo kingoto lukawiwita lukaenenga loafukya Puteoli komsia mkonu iwi tupu. 14Ipfo lukakoya-pfo wanawa-wama lukaterewo nyiwo ke lukae-pfo mkonu mfungade. Na wudo lukashika Roma. 15Na wanawawama wa ipfo wekiicho mbonyi tsadu wakacha iluambya wakashika tumo ya Apio na kundo kulaho Mkahawa Iṟaṟu. Paulo kekiwawona kaidapfuma Ruwa kasambuka.
Paulo ai mṟinyi fo Roma
16Loikikuidya na ipfo Roma mchili ulya kadambikya wapfungo ipfo mawokonyi ha mchili o waringi wa Kaisari, kya indi Paulo o alewikyo momu fokukaya amonyi kimu na askari momringa. 17Kikasia komeida-ho mkonu iṟaṟu kalaha wanene wa Wayuda wache kisanzyonyi. Wekimaa icha kawawia, “Lanye mui womi na wanawawama, na kikawa ke njilatanye kindo kyetahachya mkambo fu fodu ma mbuka tsa waku wadu na njimdambike mawokonyi ha Waroma nji mpfunge njiwuto Yerusalemu. 18Nawo wamemaa injiwesa wakundi injipfunguo kyamba kulawepfo kitewe ma kimu kyetewa njiwooho. 19 Kya indi Wayuda wekideda mnu ipfo mondunyifu ngaitiko ikulahya ko Kaisari. Chi kikeri ke nyi mbewode kidedo kyecha ikumba wandu wa mbaṟi yakonyi. 20Kyasia nkyo kimaduma inyi ngamlaha muche luwonane na ideda kimu. Kyamba kyatewa njii mpfunge na mshe fu nyi mkusirye fo Israeli.” 21Nawo wakamhalwo, “So lulemeambye paruo tsiwode mbonyi tsapfo tsiwuka Yudaya-pfo. Manya kwipfo monowama ma umu ashikye kunu echiluongoya kyapfo kii kiwicho ma ilukapya sumu kyapfopfo. 22Kya indi lukundi iicho kopfo iyo chando uwonyi. Kyamba kya siṟi ii ikuwikye idi kyanya nyi luichi ke nyi ikeri ileholeho hando hose.” 23Wekimaa iteṟyana nao mkonu wakacha na koke kulyando awelaa wandu sa wafoi kawaongoya neng'cha na iṟingishya wumangi wo Ruwa kechiwadambuya kya Yesu na mweke fo wuwawaso wo Mose na fo waikimbi awoka ngamenyi kashika kyukanyi. 24Maata-ho wakaidikya shilya shilededo na maata walaidikye. 25Na ili walaweidikyanyi wo wenyi na wenyi wakakuhendya kowo Paulo kekimaa ihamba idedo li limu ke, “Mumuyo Mwele alededa necha na waku walya wanu kui dumbu lya mwikimbi Yesaya. 26 Kechihamba, Henda ko mkambo fu nowawie, licho na mochiicho na madu manya mochimanyapfo. Na yambwo na mochiambwo manya mulechiwona kindo. 27Kyamba ngoo tsa wandu wa tsii njiumiṟe na madu hawo nyi wai walemeri yadanya, na meso hawo nyi wahapfumbye walashike iwona kui meso hawo nyi iicho kui madu hawo na itawuo kui ngoo tsawo na iilacha mahio hawo kundu njiwakiṟe. 28Kyasia iki kimanyike-ng'u ipfo konu wokia wulalu, ke okiio lu lo Ruwa lui udike ko wa mbaṟi njihenu. Nawo na wechiluadanya.” [ 29Kekimaa ihamba isho Wayuda wakakuhendya kowo wechiwesana sa shingi wo wenyi na wenyi.] 30Paulo kakaa-pfo hando ha maka iwi iambanyi alee ipfo mbenyi koke kundo echilaa, kawa moambya wandu wose wawekewa momcheya. 31Kechiongwo mbonyi tsa wumangi wo Ruwa na ilosha kya Mndumii Yesu kui wukesi wuingi nalaimo nyi mndu.
Attualmente Selezionati:
MAWUTO HA WASU 28: KIM2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Kimochi Bible © Bible Society of Tanzania, 2016.
MAWUTO HA WASU 28
28
1Loikiidima yashuka lukamanya ke kiṟingiti kilya nyi kyechilaho Malita. 2Na wandu walya walee-pfo wakaluwutya shicha shiilewetsye. Nyi waleatsa modo wakaludamiṟa lose kipfa kya mvuo iwekapye na kipfa kya mbeo. 3Paulo amsana ngu kikonde katsiwika kulya rikonyi kukawuka-pfo njoka yedicha modo fulya ikamwoṟowya owoko loke. 4Wandu walya wekiwona indo lilya likumasye ipfo kuwokonyi wakawiana, “Mndu chu naashukye iwa mndu mbahipfo. Ma chando ameashuka kulya ipalyipalyinyi motaa kirache amda nakae na moopfo.” 5Nao kaikutiakutia kulya modonyi nalatano kindo nyiyo. 6Wakamtuluya meso wakusaṟie ke nyi aishimba ang'u naho wanda pu aa mfu. Wamemtuluya meso mnu na iwona ke lyamtana kindo ma ntapfo wakailacha mahio hawo wakahamba ke ichu nyi Ruwa. 7Kufui na hando halya kuwekeri-ho kihamba kya mnene o kiṟingiti kilya ewio rina lyake nyi Publio. Mndu chu kaluambya na kyamu kiila kalutana wahenu wake hando ha mkonu iṟaṟu. 8Kikashika ndee o Publio kakoyo aluo ndaṟe ya modo na yaraka samu. Paulo kaida na ipfo koke katerewa kamhekya mawoko kamchiṟa. 9Isho shekitanyika wengi wawewodo nyi ndaṟe tsawo kulya kiṟingitinyi wakacha wakachiṟo. 10Nawo wakaluwikya wuindi na iluinenga shindo sha mwaano. Natso loikikure ke luire-se mta wakalusama na shindo shilya luweshihuṟi shose.
Kyaṟo kewuka Malita ihenda Roma
11Komeida-ho meri iṟaṟu lukahenda kyaṟo kya ngalawenyi ya Aleksandria iwentirimishye kiheri kya mbeo kulya kiringitinyi irie ofano lo wambasa walya. 12Lukaashika Sirakusa lukakaa-ho mkonu iṟaṟu. 13Luwuka ipfo lukahaluka lukashika Regiumu. Komeida-ho mkonu fumu otanu lo ora lo kingoto lukawiwita lukaenenga loafukya Puteoli komsia mkonu iwi tupu. 14Ipfo lukakoya-pfo wanawa-wama lukaterewo nyiwo ke lukae-pfo mkonu mfungade. Na wudo lukashika Roma. 15Na wanawawama wa ipfo wekiicho mbonyi tsadu wakacha iluambya wakashika tumo ya Apio na kundo kulaho Mkahawa Iṟaṟu. Paulo kekiwawona kaidapfuma Ruwa kasambuka.
Paulo ai mṟinyi fo Roma
16Loikikuidya na ipfo Roma mchili ulya kadambikya wapfungo ipfo mawokonyi ha mchili o waringi wa Kaisari, kya indi Paulo o alewikyo momu fokukaya amonyi kimu na askari momringa. 17Kikasia komeida-ho mkonu iṟaṟu kalaha wanene wa Wayuda wache kisanzyonyi. Wekimaa icha kawawia, “Lanye mui womi na wanawawama, na kikawa ke njilatanye kindo kyetahachya mkambo fu fodu ma mbuka tsa waku wadu na njimdambike mawokonyi ha Waroma nji mpfunge njiwuto Yerusalemu. 18Nawo wamemaa injiwesa wakundi injipfunguo kyamba kulawepfo kitewe ma kimu kyetewa njiwooho. 19 Kya indi Wayuda wekideda mnu ipfo mondunyifu ngaitiko ikulahya ko Kaisari. Chi kikeri ke nyi mbewode kidedo kyecha ikumba wandu wa mbaṟi yakonyi. 20Kyasia nkyo kimaduma inyi ngamlaha muche luwonane na ideda kimu. Kyamba kyatewa njii mpfunge na mshe fu nyi mkusirye fo Israeli.” 21Nawo wakamhalwo, “So lulemeambye paruo tsiwode mbonyi tsapfo tsiwuka Yudaya-pfo. Manya kwipfo monowama ma umu ashikye kunu echiluongoya kyapfo kii kiwicho ma ilukapya sumu kyapfopfo. 22Kya indi lukundi iicho kopfo iyo chando uwonyi. Kyamba kya siṟi ii ikuwikye idi kyanya nyi luichi ke nyi ikeri ileholeho hando hose.” 23Wekimaa iteṟyana nao mkonu wakacha na koke kulyando awelaa wandu sa wafoi kawaongoya neng'cha na iṟingishya wumangi wo Ruwa kechiwadambuya kya Yesu na mweke fo wuwawaso wo Mose na fo waikimbi awoka ngamenyi kashika kyukanyi. 24Maata-ho wakaidikya shilya shilededo na maata walaidikye. 25Na ili walaweidikyanyi wo wenyi na wenyi wakakuhendya kowo Paulo kekimaa ihamba idedo li limu ke, “Mumuyo Mwele alededa necha na waku walya wanu kui dumbu lya mwikimbi Yesaya. 26 Kechihamba, Henda ko mkambo fu nowawie, licho na mochiicho na madu manya mochimanyapfo. Na yambwo na mochiambwo manya mulechiwona kindo. 27Kyamba ngoo tsa wandu wa tsii njiumiṟe na madu hawo nyi wai walemeri yadanya, na meso hawo nyi wahapfumbye walashike iwona kui meso hawo nyi iicho kui madu hawo na itawuo kui ngoo tsawo na iilacha mahio hawo kundu njiwakiṟe. 28Kyasia iki kimanyike-ng'u ipfo konu wokia wulalu, ke okiio lu lo Ruwa lui udike ko wa mbaṟi njihenu. Nawo na wechiluadanya.” [ 29Kekimaa ihamba isho Wayuda wakakuhendya kowo wechiwesana sa shingi wo wenyi na wenyi.] 30Paulo kakaa-pfo hando ha maka iwi iambanyi alee ipfo mbenyi koke kundo echilaa, kawa moambya wandu wose wawekewa momcheya. 31Kechiongwo mbonyi tsa wumangi wo Ruwa na ilosha kya Mndumii Yesu kui wukesi wuingi nalaimo nyi mndu.
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Kimochi Bible © Bible Society of Tanzania, 2016.