SABURI 20
20
Kiterewo Kyeevinga
1Iruva muni finya nakurouwe kyeeri kya ngatara,
Nawe Iruva wa Yakobo nakuringe.
2Uka efo mmba yakwe sheele nakurikye ngarami,
Nawe nakuniinge mweekyi uka ifumbu lya Sioni.
3Nawarye firaso fyafo fyoose,
Efyo kulennrasya nafyo.
4Nakusimbe efyo kulangye,
Nakusongoye efo mashoreny afo moose,
5Neese lukape nndoro kyevinga lyafo,
Luvike kilyilyika na irumisha Iruva.
6Ulaalu shammanya Nndumi Iruva mmbo asheekya Mesya-wakwe;
Ashenrouwa-ooka iruveeu kwakwe kweele,
Kya mashora maniini a uvingyi lwa woko lwakwe usha
7Vengyi mmbo vakushela na mitika ta fira,
Vengyi frasi tawo,
Indi yese mmbo lukusirye, finya ya Nndumi Iruva weeru.
8Vandu va ngata eyo
Mmbo vakooya nsindara neewa,
Indi yese mmbo lusalala shumu.
9Niinga mangyi ivinga, Woi Nndumi,
Na ilurouwa elyi lukuvangaa.
Attualmente Selezionati:
SABURI 20: MAS2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
The Holy Bible in Kimashami © Bible Society of Tanzania, 2016.
SABURI 20
20
Kiterewo Kyeevinga
1Iruva muni finya nakurouwe kyeeri kya ngatara,
Nawe Iruva wa Yakobo nakuringe.
2Uka efo mmba yakwe sheele nakurikye ngarami,
Nawe nakuniinge mweekyi uka ifumbu lya Sioni.
3Nawarye firaso fyafo fyoose,
Efyo kulennrasya nafyo.
4Nakusimbe efyo kulangye,
Nakusongoye efo mashoreny afo moose,
5Neese lukape nndoro kyevinga lyafo,
Luvike kilyilyika na irumisha Iruva.
6Ulaalu shammanya Nndumi Iruva mmbo asheekya Mesya-wakwe;
Ashenrouwa-ooka iruveeu kwakwe kweele,
Kya mashora maniini a uvingyi lwa woko lwakwe usha
7Vengyi mmbo vakushela na mitika ta fira,
Vengyi frasi tawo,
Indi yese mmbo lukusirye, finya ya Nndumi Iruva weeru.
8Vandu va ngata eyo
Mmbo vakooya nsindara neewa,
Indi yese mmbo lusalala shumu.
9Niinga mangyi ivinga, Woi Nndumi,
Na ilurouwa elyi lukuvangaa.
The Holy Bible in Kimashami © Bible Society of Tanzania, 2016.