Loomë 4
4
Cifwaani ci Abalaamë
1Beeso mbici tum'podi kutubë mu Abalaamë, nkaakiitu? Mbici naandi kubakë mu bumuutu bwaandi? 2Ningë Abalaamë wabë wusulëmë fë nduunzi Nzaambi mu kumonë mëvaangë maandi mëboti kuvangë, finu naandi wuvaangë lukwaayi. Kasi naandi kupodi ve kulivaangë fë nduunzi Nzaambi. 3Licyelikë busonëmë : « Abalaamë wabë lufyaatu mu Nzaambi i mu bwaawu naandi wumonikë dedë mweekë wusulëmë mu ciminu cyaandi#4.3 Ntn 15.6.. » 4Vandi, wunë wun'salë wun'tambulë ndobwaandi. Ndobu be yooyo yikeeli ko likabu kwabakë : oyo ndobwaandi kwabakë. 5Kasi bunë muutu, wun'kaambu kuvaangë lin'viipë, wun'ta tokë maanë ti Nzaambi wun'kwakaangë bisumuci mu liyaanji lyooso, Nzaambi wum'monë ciminu cyaandi bwaawu wukun'teelë dedë mweekë muutu wusulëmë. 6Mu bwaawu Daviidë wun'tubilë mu liboti li muutu wunë Nzaambi wum'monë dedë mweekë muutu wusulëmë i kumonë ve mëvaangë maandi :
7« Nyeenzyaawu obo banë Nzaambi kwalenvukilë mëbi
i banë kwakobulilë mësumu!
8Nyeenzyaandi muutu wunë Fumu Nzaambi kun'kaambu kube taangë lisumu lyaandi#4.8 Twi 32.1-2.! »
9Liboti olyo like tokë mu baatu banë babuku bubakëlë voo yivaandi mu banë bëkeeli ko Sizwiifë? Mu lyaawu, beeso twatubë « Nzaambi wum'monë Abalaamë dedë mweekë muutu wusulëmë mu kulandilë ciminu cyaandi. » 10Lyaliili buni livyokilë? Bo Abalaamë wabë wubuku bubakëlë kaambofo fë ntwaalë? Moniko, yaaku ti ku mbusë ko kasi ku ntwaalë. 11Abalaamë wukwaakë fë ntwaalë lubukulu lu bubakëlë dedë mweekë ciliimbu#4.11 Ntn 17.9-14.: lyaawu lyabë litonë lin'leesi ti Nzaambi wum'monë muutu wusulëmë mu cibilë ci ciminu cyaandi, kasi naandi wabë yibuunu kubuku bubakëlë. Abalaamë wusë kuba taatë yi bakë booso bën'ta maanë mu Nzaambi bukaambu kubukë bubakëlë i Nzaambi wubëmonë yivaawu dedë mweekë busulëmë. 12Naandi wuke yivaandi taatë yi banë babuku bubakëlë, yin'toombë kutubë ti yaaku tokë mu banë babuku, kasi banë bën'laandë cifwaani ci ciminu ci tatiitu Abalaamë ntetë naandi kutambulë lubukulu beenë.
Lukanyu lu Nzaambi bën'tambulë mu ciminu
13Nzaambi wusë kani Abalaamë i sindaandu syaandi ti baawu bën'tambulë buloongo#4.13 Ntn 12.2-3; 17.4-6; 22.15-18.. Lukanyu beenë luvangininë yaaku mu cibilë Abalaamë wucikuninë mu n'kaakë vandi kasi cibilë Nzaambi wum'monë dedë mweekë muutu wusulëmë mu ciminu cyaandi. 14Ningë tokë banë bën'cikunë n'kaakë babë bo baawu mu kutambulë mëboti bëkanyi, oboobo, ciminu cilë ba ciimë kwaandi to i lukanyu lu Nzaambi ciimë cikaambu n'ciinzë. 15Licyelikë, n'kaakë wun'vangisyaangë likaanzi. Kasi fanë fë kaambu n'kaakë, fëkeeli ko lukaambu lukuciinzikë n'kaakë.
16Bwaawu, lukanyu lun'vangininë mu cibilë ci ciminu, bwiinji luba lukanyu lubuunë lu Nzaambi i lwavangininë yivaandi mu sindaandu si Abalaamë, yaaku tokë mu banë bën'cikunë n'kaakë kasi yivaandi mu banë bën'ta maanë dedë mweekë Abalaamë wuta lyaanë. Abalaamë mati taatë yi beeso booso. 17Bunë busonëmë : « Miinu yasiilë mu njeeyi nkaakë yi lilaangu li baatu#4.17 Ntn 17.5.. » Naandi wuli tatiitu fë nduunzi Nzaambi mu awu kwateelë lyaanë, Nzaambi wunë n'vanaangë luziingu ke banë bëfwa i wun'vangisi kuziingë byo bikaambu kuziingë. 18Abalaamë wuta lyaanë i wutuulë civuufu, kosuku civuufu cyabë cibuunë kwaandi, i lisë beeli boobo « Nkaakë wu lilaangu li baatu », mu kumonë bunë Nzaambi wun'kambilë : « Bwa boobo bwa bum'beelë sindaandu syaaku#4.18 Ntn 15.5.. » 19Naandi wabë kwaasu ku nkamë li mivu, kasi ciminu cyaandi cisye volë ko bunë kubalë nyitwaandi yibeelë i n'kasyaandi Sala wabë cisitë#4.19 Ntn 17.1,15-22.. 20Naandi wusye lekulë lyaanë ko i wusye fiindë mpakë ko mu lukanyu lu Nzaambi. Tiilyoko, ciminu cyaandi cisë n'ciinzi i naandi wusë dumisi Nzaambi. 21Naandi wabë yi luvitiku ti Nzaambi ke yi likanë mu kudukisi tukanyu twaandi. 22Mu lyalyooli bëtubilë ti Abalaamë mu cibilë ci ciminu cyaandi « Nzaambi wusë kum'monë muutu wusulëmë. » 23Kasi bikumë abi « Nzaambi wusë kum'monë muutu wusulëmë » lisye sonëmë boobo ko yaaku tokë mu naandi. 24Maawu mësonëminë yivaandi mu cibilë ciitu tufwenikini kumonikë dedë mweekë baatu busulëmë, beeso tun'ta maanë mu Nzaambi wunë wuvulumunë Yeesu Fumwiitu. 25Nzaambi wuyen'kulë mu lufwa mu cibilë ci mësumu miitu#4.25 Ezy 53.4-6. i wusë n'vulumunë mu kuvangisi beeso kuba baatu bësulëmë fë nduunzyaandi.
Attualmente Selezionati:
Loomë 4: NTVIL
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2019, Wycliffe Bible Translators, Inc. and © Alliance Biblique du Congo. All rights reserved.
Loomë 4
4
Cifwaani ci Abalaamë
1Beeso mbici tum'podi kutubë mu Abalaamë, nkaakiitu? Mbici naandi kubakë mu bumuutu bwaandi? 2Ningë Abalaamë wabë wusulëmë fë nduunzi Nzaambi mu kumonë mëvaangë maandi mëboti kuvangë, finu naandi wuvaangë lukwaayi. Kasi naandi kupodi ve kulivaangë fë nduunzi Nzaambi. 3Licyelikë busonëmë : « Abalaamë wabë lufyaatu mu Nzaambi i mu bwaawu naandi wumonikë dedë mweekë wusulëmë mu ciminu cyaandi#4.3 Ntn 15.6.. » 4Vandi, wunë wun'salë wun'tambulë ndobwaandi. Ndobu be yooyo yikeeli ko likabu kwabakë : oyo ndobwaandi kwabakë. 5Kasi bunë muutu, wun'kaambu kuvaangë lin'viipë, wun'ta tokë maanë ti Nzaambi wun'kwakaangë bisumuci mu liyaanji lyooso, Nzaambi wum'monë ciminu cyaandi bwaawu wukun'teelë dedë mweekë muutu wusulëmë. 6Mu bwaawu Daviidë wun'tubilë mu liboti li muutu wunë Nzaambi wum'monë dedë mweekë muutu wusulëmë i kumonë ve mëvaangë maandi :
7« Nyeenzyaawu obo banë Nzaambi kwalenvukilë mëbi
i banë kwakobulilë mësumu!
8Nyeenzyaandi muutu wunë Fumu Nzaambi kun'kaambu kube taangë lisumu lyaandi#4.8 Twi 32.1-2.! »
9Liboti olyo like tokë mu baatu banë babuku bubakëlë voo yivaandi mu banë bëkeeli ko Sizwiifë? Mu lyaawu, beeso twatubë « Nzaambi wum'monë Abalaamë dedë mweekë muutu wusulëmë mu kulandilë ciminu cyaandi. » 10Lyaliili buni livyokilë? Bo Abalaamë wabë wubuku bubakëlë kaambofo fë ntwaalë? Moniko, yaaku ti ku mbusë ko kasi ku ntwaalë. 11Abalaamë wukwaakë fë ntwaalë lubukulu lu bubakëlë dedë mweekë ciliimbu#4.11 Ntn 17.9-14.: lyaawu lyabë litonë lin'leesi ti Nzaambi wum'monë muutu wusulëmë mu cibilë ci ciminu cyaandi, kasi naandi wabë yibuunu kubuku bubakëlë. Abalaamë wusë kuba taatë yi bakë booso bën'ta maanë mu Nzaambi bukaambu kubukë bubakëlë i Nzaambi wubëmonë yivaawu dedë mweekë busulëmë. 12Naandi wuke yivaandi taatë yi banë babuku bubakëlë, yin'toombë kutubë ti yaaku tokë mu banë babuku, kasi banë bën'laandë cifwaani ci ciminu ci tatiitu Abalaamë ntetë naandi kutambulë lubukulu beenë.
Lukanyu lu Nzaambi bën'tambulë mu ciminu
13Nzaambi wusë kani Abalaamë i sindaandu syaandi ti baawu bën'tambulë buloongo#4.13 Ntn 12.2-3; 17.4-6; 22.15-18.. Lukanyu beenë luvangininë yaaku mu cibilë Abalaamë wucikuninë mu n'kaakë vandi kasi cibilë Nzaambi wum'monë dedë mweekë muutu wusulëmë mu ciminu cyaandi. 14Ningë tokë banë bën'cikunë n'kaakë babë bo baawu mu kutambulë mëboti bëkanyi, oboobo, ciminu cilë ba ciimë kwaandi to i lukanyu lu Nzaambi ciimë cikaambu n'ciinzë. 15Licyelikë, n'kaakë wun'vangisyaangë likaanzi. Kasi fanë fë kaambu n'kaakë, fëkeeli ko lukaambu lukuciinzikë n'kaakë.
16Bwaawu, lukanyu lun'vangininë mu cibilë ci ciminu, bwiinji luba lukanyu lubuunë lu Nzaambi i lwavangininë yivaandi mu sindaandu si Abalaamë, yaaku tokë mu banë bën'cikunë n'kaakë kasi yivaandi mu banë bën'ta maanë dedë mweekë Abalaamë wuta lyaanë. Abalaamë mati taatë yi beeso booso. 17Bunë busonëmë : « Miinu yasiilë mu njeeyi nkaakë yi lilaangu li baatu#4.17 Ntn 17.5.. » Naandi wuli tatiitu fë nduunzi Nzaambi mu awu kwateelë lyaanë, Nzaambi wunë n'vanaangë luziingu ke banë bëfwa i wun'vangisi kuziingë byo bikaambu kuziingë. 18Abalaamë wuta lyaanë i wutuulë civuufu, kosuku civuufu cyabë cibuunë kwaandi, i lisë beeli boobo « Nkaakë wu lilaangu li baatu », mu kumonë bunë Nzaambi wun'kambilë : « Bwa boobo bwa bum'beelë sindaandu syaaku#4.18 Ntn 15.5.. » 19Naandi wabë kwaasu ku nkamë li mivu, kasi ciminu cyaandi cisye volë ko bunë kubalë nyitwaandi yibeelë i n'kasyaandi Sala wabë cisitë#4.19 Ntn 17.1,15-22.. 20Naandi wusye lekulë lyaanë ko i wusye fiindë mpakë ko mu lukanyu lu Nzaambi. Tiilyoko, ciminu cyaandi cisë n'ciinzi i naandi wusë dumisi Nzaambi. 21Naandi wabë yi luvitiku ti Nzaambi ke yi likanë mu kudukisi tukanyu twaandi. 22Mu lyalyooli bëtubilë ti Abalaamë mu cibilë ci ciminu cyaandi « Nzaambi wusë kum'monë muutu wusulëmë. » 23Kasi bikumë abi « Nzaambi wusë kum'monë muutu wusulëmë » lisye sonëmë boobo ko yaaku tokë mu naandi. 24Maawu mësonëminë yivaandi mu cibilë ciitu tufwenikini kumonikë dedë mweekë baatu busulëmë, beeso tun'ta maanë mu Nzaambi wunë wuvulumunë Yeesu Fumwiitu. 25Nzaambi wuyen'kulë mu lufwa mu cibilë ci mësumu miitu#4.25 Ezy 53.4-6. i wusë n'vulumunë mu kuvangisi beeso kuba baatu bësulëmë fë nduunzyaandi.
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2019, Wycliffe Bible Translators, Inc. and © Alliance Biblique du Congo. All rights reserved.