Mëvaangë 4
4
Pyeelë i Za fë ntwaalë cinzonzi cinenë
1Pyeelë i Za bëlëkaambaangë nkoongë baatu, fisë kwiisë ke baawu singangë-Nzaambi#4.1 Mëbuuku mëmesë, busonikë bëkuluutu bë singangë-Nzaambi. i fumu yi miluungë n'zo-Nzaambi i Sisadusyaanu bisë kubelëmë fanë fabë baawu. 2Baawu bëba yi likaanzi, cibilë Pyeelë i Za bëlëloongaangë baatu i kubëkaambaangë ti Yeesu wuvulumukë. Lyaawu lin'toombë kutubë ti, baatu bëfwa bën'vulumukë. 3Baawu bë bëkaangë i bëbëtuulë mu buloko tee cilumbu cilandëkënë, cibilë bwiisi bu yi yililë. 4Kasi, mpaapë baatu mu banë bëyuwu liloonji li mimbunzi bisë ta maanë i lutaangu lu bitamaanë lusë dukusi kwaasu ku biveefi bi taanu bi baatu.
5Cilumbu cilandëkënë, sifumu si Sizwiifë, bëkuluutu i miloonji n'kaakë bisë dukënë ku Yelusaleemë. 6Banë babë kuunë bëba : Aanë n'kuluutu ngangë-Nzaambi, Kayiifë, Za, Alekëzandëlë i baatu bakë booso bë likaandë li n'kuluutu ngangë-Nzaambi. 7Bënatë Pyeelë i Za fë ntwaalaawu i kubëkufulë : « Mu lutumu lu nani kaambofo mu lizinë li nani, beeno lwabelusi muutu awu? » 8Mu lyaawu, Pyeelë wunë wuwaalë Ciluunzi ci Saantu, wusë bëvutulilë : « Beeno sifumu si mëkaandë i mëkakëtë! 9Bubwaayi aci, beeno lwakë kutuyufulë mu cibilë ci maambu mëboti manë beeso twavaangë mu muutu wabë cikatë i beeno lutoombë kuzaabë buni naandi wabelukilë. 10Beeno booso i baatu bakë booso bë Islayeelë lufwenikini kuzaabë lyaawu buboti: muutu owo watelëmë fë ntwaaliinu, weekë mu buvini mu lutumu lu Yeesu Kliistu li Nazaleetë, wunë beeno lubaandë fë kuluusu i wunë Nzaambi kwavulumunë mu nkoongë bëfwa. 11Yeesu wukeeli muutu wunë Libuuku li Nzaambi lin'tubë ti :
“Limanyi lyo bituunji bëbumë,
i lyaawu lyacitukë limanyi linkumë n'zo#4.11 Twi 118.22..”
12Kanuku wo naandi vwiili wum'podi kutuvuuci, cibilë mu buloongo n'viipë, Nzaambi wusye vaanë lizinë lin'ka ko ke baatu, bwiinji beeso tuvuukë. »
13Bëkuluutu bë cinzonzi bisë kutulumukë mu civuufu ci Pyeelë i ci Za. Baawu bëzaabë kwaawu ti, baawu bëba baatu kwaandi vwiili bëkaambu kuzaabë n'kaandë. Ba bëzaabë yivaandi ti, baawu bëlëlyataangë yimunë Yeesu. 14Kasi, baawu bunë bamoni muutu wo wubelukë wabë fë ntwalaawu, baawu bësye be bakë ko cikumë cikutubë. 15Mu lyalyooli, bëbëbaasi i baawu kutoonë kufusënë baveekë yi baveekë. 16Baawu bëlëtubaangë ti : « Buni tufwenikini kusiilë mu baatu aba? Licyelikë, baatu bakë booso bë livulë li Yelusaleemë bëzaabë buboti ti baawu bëvaangë cimaaku cinenë, i beeso kupodi ve kumaangë cyaawu. 17Vandi kasi keelë saangu yi lyaambu be liili yileembu kunyaambë ke baatu bakë booso, beeso tufwenikini kubëfuungë yi nkasu yooso bëleembu kube tubilooso mu lizinë li Yeesu ke wosuku muutu. »
18Mu lyaawu, baawu kube bëtelooso i kubëfuungë yi nkasu mu kutubilooso kaambofo kuloongilooso mu lizinë li Yeesu. 19Kasi Pyeelë i Za bisë kubëvutulilë : « Maambu mbici mëfwenikini fë meeso më Nzaambi : kulenvukilë Nzaambi voo beeno? Bilaanu benuveekë linë li kuvutulë. 20Mu beeso, tusë m'podi kuve kubiikë kutubë manë twamonë i manë twakuwu. » 21Baawu kube bëvangisyooso boomë i fë siitu bisë bëbiikë. Baawu bësye be zaabë ko buni bu kubëvangilë kastikë, cibilë baatu bakë booso bëlëdumisyaangë Nzaambi mu maambu mëvangënë. 22Muutu wo wubelukë mu cimaaku, wubë kuvyookë mëkumë-na li mivu.
N'saambu bitamaanë
23Ntaangu yo bëbëbikilë, Pyeelë i Za bisë kweendë ko kwabë bayaawu i bisë bëkaambë maambu makë mooso manë bëkuluutu bë singangë-Nzaambi i bëkuluutu bë Sizwiifë bëtubë. 24Fë mbusë kuwu maambu beenë, baawu bisë kusambilë Nzaambi mu n'timë wumweekë i kutubë : « A Fumu, ma njeeyi wuvaangë liyilu, n'toto, m'bu i biimë byakë byooso binë bike mwaawu#4.24 Lub 20.11; Twi 146.6.. 25Ma njeeyi wutuulë mu ciseelu cyaaku, Daviidë nkaakiitu, Ciluunzi ci Saantu ntaangu yo naandi kutubë :
“Mu cibilë-mbici basë sisi syakë syooso bavulë,
mu kuvaangë sifuundu sibuunë?
26Mitinu yi n'toto bëbeliminë mu n'ziingu,
i sifumu beendë
mu kunwanisi Fumu i kunwanisi n'tinu kwabyaasi#4.26 Twi 2.1-2..”
27Licyelikë, Eloodë i Poonsë Pilaatë bëbundënë mu kati ku livulë be liili, yimunë basë Islayeelë i bë sisi sin'ka, bwiinji bëmaangë Yeesu, ciseelu cyaaku ci saantu cyo njeeyi wubyaasi#4.27 Lik 23.711; Mat27.1-2; Ezy 61.1.. 28Baawu bësalilë makë mooso omo buni njeveekë wufwikilë maawu ntetë mu mëkanë maaku i mu luzolo lwaaku. 29A Fumu! Ntaangu be yiiyi, taloobo buni baawu batoonë mu kutuvangisi simpasi i kuvaanë mëngolo ke biseelu byaaku bwiinji ti baawu bëtyamunë saangwaaku yi civuufu cyooso. 30Leesyoobo mëngolë maaku bwiinji bibeedo bibelukë. Biliimbu i bimaaku bivangënë mu lizinë li Yeesu, ciseelu cyaaku ci saantu. » 31Ku siitu n'saambwaawu, fo bëdukëninë fisë tutumukë. Nzaambi wusë bëwaasi mu Ciluunzi ci Saantu i baawu bëlëloongaangë Libuungu li Nzaambi yimunë civuufu cyooso.
Bitamaanë bëkabësënë baveekë yi baveekë binë bëbakë
32Nkoongë yooso yi bitamaanë babë deku-dekoo, n'timë mweekë i mbalulu si mweekë. Mu baawu, wun'viipë ve wulëpodi kutubaangë: byo yibakë byaami miveekë. Kasi mu baawu, byakë byooso bëbakë, byabë bi n'twaali#4.32 2.44-45.. 33Mu mëngolo mënene, mimbunzi bëlëvaangaangë bum'baanji mu luvulumuku lu Fumu Yeesu i Nzaambi wulëvaanaangë bakë booso myuulë yi mpaapë. 34Muutu ve mu nkoongaawu wusye kaambwaangë cin'velë ko. Mu lyaawu, bakë booso bëba yi sisolë, kaambofo sinzo, bën'sumbisi i bëlëtwaalaangë simboongo ke mimbunzi. 35Ku mbusë, mimbunzi kukabilë simboongo ke kadë muutu mu yaandi miciinzë. 36Mu lyaawu Zozeefë, waba musë cifuumbë ci Levi wubutulu ku citumbu ci Sipëlë wunë mimbunzi bëlukë lizinë Balënabaasë – Dedë mweekë: « Muutu wuke buvavambë » – 37Naandi wusumbisi solaandi, wunatë simboongo i wusë kuvaanë ke mimbunzi.
Attualmente Selezionati:
Mëvaangë 4: NTVIL
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2019, Wycliffe Bible Translators, Inc. and © Alliance Biblique du Congo. All rights reserved.
Mëvaangë 4
4
Pyeelë i Za fë ntwaalë cinzonzi cinenë
1Pyeelë i Za bëlëkaambaangë nkoongë baatu, fisë kwiisë ke baawu singangë-Nzaambi#4.1 Mëbuuku mëmesë, busonikë bëkuluutu bë singangë-Nzaambi. i fumu yi miluungë n'zo-Nzaambi i Sisadusyaanu bisë kubelëmë fanë fabë baawu. 2Baawu bëba yi likaanzi, cibilë Pyeelë i Za bëlëloongaangë baatu i kubëkaambaangë ti Yeesu wuvulumukë. Lyaawu lin'toombë kutubë ti, baatu bëfwa bën'vulumukë. 3Baawu bë bëkaangë i bëbëtuulë mu buloko tee cilumbu cilandëkënë, cibilë bwiisi bu yi yililë. 4Kasi, mpaapë baatu mu banë bëyuwu liloonji li mimbunzi bisë ta maanë i lutaangu lu bitamaanë lusë dukusi kwaasu ku biveefi bi taanu bi baatu.
5Cilumbu cilandëkënë, sifumu si Sizwiifë, bëkuluutu i miloonji n'kaakë bisë dukënë ku Yelusaleemë. 6Banë babë kuunë bëba : Aanë n'kuluutu ngangë-Nzaambi, Kayiifë, Za, Alekëzandëlë i baatu bakë booso bë likaandë li n'kuluutu ngangë-Nzaambi. 7Bënatë Pyeelë i Za fë ntwaalaawu i kubëkufulë : « Mu lutumu lu nani kaambofo mu lizinë li nani, beeno lwabelusi muutu awu? » 8Mu lyaawu, Pyeelë wunë wuwaalë Ciluunzi ci Saantu, wusë bëvutulilë : « Beeno sifumu si mëkaandë i mëkakëtë! 9Bubwaayi aci, beeno lwakë kutuyufulë mu cibilë ci maambu mëboti manë beeso twavaangë mu muutu wabë cikatë i beeno lutoombë kuzaabë buni naandi wabelukilë. 10Beeno booso i baatu bakë booso bë Islayeelë lufwenikini kuzaabë lyaawu buboti: muutu owo watelëmë fë ntwaaliinu, weekë mu buvini mu lutumu lu Yeesu Kliistu li Nazaleetë, wunë beeno lubaandë fë kuluusu i wunë Nzaambi kwavulumunë mu nkoongë bëfwa. 11Yeesu wukeeli muutu wunë Libuuku li Nzaambi lin'tubë ti :
“Limanyi lyo bituunji bëbumë,
i lyaawu lyacitukë limanyi linkumë n'zo#4.11 Twi 118.22..”
12Kanuku wo naandi vwiili wum'podi kutuvuuci, cibilë mu buloongo n'viipë, Nzaambi wusye vaanë lizinë lin'ka ko ke baatu, bwiinji beeso tuvuukë. »
13Bëkuluutu bë cinzonzi bisë kutulumukë mu civuufu ci Pyeelë i ci Za. Baawu bëzaabë kwaawu ti, baawu bëba baatu kwaandi vwiili bëkaambu kuzaabë n'kaandë. Ba bëzaabë yivaandi ti, baawu bëlëlyataangë yimunë Yeesu. 14Kasi, baawu bunë bamoni muutu wo wubelukë wabë fë ntwalaawu, baawu bësye be bakë ko cikumë cikutubë. 15Mu lyalyooli, bëbëbaasi i baawu kutoonë kufusënë baveekë yi baveekë. 16Baawu bëlëtubaangë ti : « Buni tufwenikini kusiilë mu baatu aba? Licyelikë, baatu bakë booso bë livulë li Yelusaleemë bëzaabë buboti ti baawu bëvaangë cimaaku cinenë, i beeso kupodi ve kumaangë cyaawu. 17Vandi kasi keelë saangu yi lyaambu be liili yileembu kunyaambë ke baatu bakë booso, beeso tufwenikini kubëfuungë yi nkasu yooso bëleembu kube tubilooso mu lizinë li Yeesu ke wosuku muutu. »
18Mu lyaawu, baawu kube bëtelooso i kubëfuungë yi nkasu mu kutubilooso kaambofo kuloongilooso mu lizinë li Yeesu. 19Kasi Pyeelë i Za bisë kubëvutulilë : « Maambu mbici mëfwenikini fë meeso më Nzaambi : kulenvukilë Nzaambi voo beeno? Bilaanu benuveekë linë li kuvutulë. 20Mu beeso, tusë m'podi kuve kubiikë kutubë manë twamonë i manë twakuwu. » 21Baawu kube bëvangisyooso boomë i fë siitu bisë bëbiikë. Baawu bësye be zaabë ko buni bu kubëvangilë kastikë, cibilë baatu bakë booso bëlëdumisyaangë Nzaambi mu maambu mëvangënë. 22Muutu wo wubelukë mu cimaaku, wubë kuvyookë mëkumë-na li mivu.
N'saambu bitamaanë
23Ntaangu yo bëbëbikilë, Pyeelë i Za bisë kweendë ko kwabë bayaawu i bisë bëkaambë maambu makë mooso manë bëkuluutu bë singangë-Nzaambi i bëkuluutu bë Sizwiifë bëtubë. 24Fë mbusë kuwu maambu beenë, baawu bisë kusambilë Nzaambi mu n'timë wumweekë i kutubë : « A Fumu, ma njeeyi wuvaangë liyilu, n'toto, m'bu i biimë byakë byooso binë bike mwaawu#4.24 Lub 20.11; Twi 146.6.. 25Ma njeeyi wutuulë mu ciseelu cyaaku, Daviidë nkaakiitu, Ciluunzi ci Saantu ntaangu yo naandi kutubë :
“Mu cibilë-mbici basë sisi syakë syooso bavulë,
mu kuvaangë sifuundu sibuunë?
26Mitinu yi n'toto bëbeliminë mu n'ziingu,
i sifumu beendë
mu kunwanisi Fumu i kunwanisi n'tinu kwabyaasi#4.26 Twi 2.1-2..”
27Licyelikë, Eloodë i Poonsë Pilaatë bëbundënë mu kati ku livulë be liili, yimunë basë Islayeelë i bë sisi sin'ka, bwiinji bëmaangë Yeesu, ciseelu cyaaku ci saantu cyo njeeyi wubyaasi#4.27 Lik 23.711; Mat27.1-2; Ezy 61.1.. 28Baawu bësalilë makë mooso omo buni njeveekë wufwikilë maawu ntetë mu mëkanë maaku i mu luzolo lwaaku. 29A Fumu! Ntaangu be yiiyi, taloobo buni baawu batoonë mu kutuvangisi simpasi i kuvaanë mëngolo ke biseelu byaaku bwiinji ti baawu bëtyamunë saangwaaku yi civuufu cyooso. 30Leesyoobo mëngolë maaku bwiinji bibeedo bibelukë. Biliimbu i bimaaku bivangënë mu lizinë li Yeesu, ciseelu cyaaku ci saantu. » 31Ku siitu n'saambwaawu, fo bëdukëninë fisë tutumukë. Nzaambi wusë bëwaasi mu Ciluunzi ci Saantu i baawu bëlëloongaangë Libuungu li Nzaambi yimunë civuufu cyooso.
Bitamaanë bëkabësënë baveekë yi baveekë binë bëbakë
32Nkoongë yooso yi bitamaanë babë deku-dekoo, n'timë mweekë i mbalulu si mweekë. Mu baawu, wun'viipë ve wulëpodi kutubaangë: byo yibakë byaami miveekë. Kasi mu baawu, byakë byooso bëbakë, byabë bi n'twaali#4.32 2.44-45.. 33Mu mëngolo mënene, mimbunzi bëlëvaangaangë bum'baanji mu luvulumuku lu Fumu Yeesu i Nzaambi wulëvaanaangë bakë booso myuulë yi mpaapë. 34Muutu ve mu nkoongaawu wusye kaambwaangë cin'velë ko. Mu lyaawu, bakë booso bëba yi sisolë, kaambofo sinzo, bën'sumbisi i bëlëtwaalaangë simboongo ke mimbunzi. 35Ku mbusë, mimbunzi kukabilë simboongo ke kadë muutu mu yaandi miciinzë. 36Mu lyaawu Zozeefë, waba musë cifuumbë ci Levi wubutulu ku citumbu ci Sipëlë wunë mimbunzi bëlukë lizinë Balënabaasë – Dedë mweekë: « Muutu wuke buvavambë » – 37Naandi wusumbisi solaandi, wunatë simboongo i wusë kuvaanë ke mimbunzi.
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2019, Wycliffe Bible Translators, Inc. and © Alliance Biblique du Congo. All rights reserved.