Mëvaangë 24
24
Lufundusu lu Poolë fë ntwaalë Felikësë
1Fë mbusë bilumbu bi taanu, n'kuluutu singangë-Nzaambi, Ananyaasë, wusë kweendë ku livulë li Sezalee yimunë mwa m'pooku mëkakëtë më Sizwiifë i lingisi limweekë, mu lizinë li Telëtuluusë. Baawu bisë ke monikë fë ntwaalë n'kuluutu Fëlikësë#24.1 23.24. mu kutambikë n'kaandë bëkesilë Poolë. 2Naandyaawu, wusë telu i Telëtuluusë wusë kun'fuundë mu ntubulu ayi : « Mweeni, Fumu kanuku mu cibilë cyaaku njeeyi tulë mu kuzingilë mu n'sikë wucyelikë i mu bungelë bu lutumu lwaaku tulë mu kumweenë simpangulu simoonë mu liboti li si be yiiyi. 3Mu makë mooso tum'bakaangë, mu ntaangu syooso i fosuku faamë beeso tuke yi luzaabu lunenë mu njeeyi. 4Kasi miinu yisye zoolë kuve ku kuvyoosi ntaangwaaku buunë. Mu bwaawu, miinu yikuloombë njeeyi, mu bunketë bwaaku, wutuyuwulu mu mwa ntaangu. 5Beeso twamonë ti, libakëlë ali, muutu simpangulu simbi beenë. Abu kukeeli n'kuluutu cinguuku ci basë Nazaleetë#24.5 Mat 2.23., naandi wun'kadaangë n'vuusu mu kati ku Sizwiifë si buloongo n'viipë. 6Naandi wusë kwelikë kusafulë n'zo-Nzaambi i beeso tusë n'kaangë. Beeso tuzoolë kun'fundisi mu mikaakiitu, 7kasi Lisyaasë, kumandë ku mësodaadi më livulë li Yelusaleemë, wuyisë i wusë m'botulë yi n'viingu wooso mu myookwiitu. 8Fë mbusë, kumandë Lisyaasë wusë vaanë n'swa ke banë bëlën'fuundë mu kwiisë fë ntwaalaaku njeeyi. Ningë beeno lum'podi kufulë muutu awu, benuveekë podi kubakulë bucyelikë mu maambu makë mooso manë beeso twan'fundilë. » 9Sizwiifë bëcikunë maambu manë Telëtuluusë wutubë i bisë tubë ti maawu mëcyelikë.
Poolë fë ntwaalë Felikësë
10Mu lyaawu, n'kuluutu wu si wusë vaanë Poolë n'swa mu kutubë i naandi wutubë : « Miinu yizabisi ti, kutoonë mpaapë mivu, njeeyi nzoonzi yinenë mu siitu. Mu lyalyooli, yim'podi kutuulë lufyaatu mu kunwaninë cikaangë cyaami fë ntwaalaaku. 11Njeeyi kupodi kucyengululu njeveekë, fë sye vyookë kuumi bilumbu byooli ko, miinu yitukilaangë ku Yelusaleemë mu kun'kuundë Nzaambi. 12Muutu vee wuyikun'takënë mu kwambilë mu n'zo-Nzaambi, kaambofo, mu kukadë n'vuusu mu nkoongë yike mu n'zo-Nzaambi i mu bizutununu bë Sizwiifë, kaambofo kun'ka mu livulë. 13Baatu aba kupodi ve kuleesi mëbooti manë yavaangë, manë baawu bëlë mu kun'fuundilë buyifanwabu. 14Lyabwiilë obo, yacikunë aliili, fë ntwaalaaku: miinu yayivaanë mu kulaandë nzilë yimoonë, yinë baawu bëlë mu kutubë ti yimbi. Kasi miinu yike mu kusalilë Nzaambi yi sinkaakë siitu i miinu yin'teelë maanë mu manë mësonëmë mu mëbuuku më n'kaakë i më mibici. 15Miinu yike yi lyaanë mu Nzaambi, dedë mweekë baawu bëke yi lyaawu mu baveekë: baatu lu moonyi, bën'vaangë mëboti, kaambofo mëbi, bën'vulumukë#24.15 Dan 12.2.. 16Mu lyalyooli, yilë mu kuvaangë mëngolo mu yosuku ntaangu i kumaangë kubakë lyaambu libi fë nduunzi Nzaambi i fë ntwaalë baatu. »
17« Bunë yavyoosi mpaapë mivu nkoonzu yin'ka, miinu yisë vutukënë ku livulë li Yelusaleemë, mu kuvaanë myooko ke mboongwaami i mu kunatë mëkabu ke Nzaambi. 18Mu lyalyooli, baawu bëkukun'zakënë ku n'zo-Nzaambi bunë yiyitakësënë n'saangu yi bulyomisi, yisye ba yi nkoongë ko yimunë miinu, kaambofo n'vuusu#24.18 21.17-28.. 19Kasi mwa mpooko Sizwiifë si libweeti li Aziiya bëba faanë. Nkanë baawu bëlëkumonikë fë ntwaalaaku bwiinji bëkun'fuundë, ningë baawu bëke lyaambu mu miinu. 20Lyabwiili obo, baatu aba bëtubë, libi mbici baawu bëmonë mu miinu bunë yabë fë ntwaalë cinzonzi ci Sizwiifë. 21Kanuku mo mu cikumë cinë miinu yitubë mu mbeembu nkamu fë ntwaalaawu : “Cibilë ti miinu yata lyaanë mu luvulumuku lu bo bëfwa, cyaawu cya kum'pangisi bubwayi kufundusu fë ntwaaliinu#24.21 23.6..” »
22Felikësë#24.22 23.24., wulëzaabaangë buboti mpaapë maambu mën'talë nzilë Fumu. Mu lyaawu, naandi wusë kuvutulë lufundusu i wusë kaambë bo bëlëfuundë Poolë: « Bunë Lisyaasë kumandë wun'kwisë, miinu yin'fundisi lyaambu liinu. » 23Naandi wusë vaanë n'swa ke n'kuluutu-mësodaadi mu kuluundë Poolë mu buloko i kum'bikilë mwa ntaangu lusyalulu mu kuvaanë bayaandi luvoto lu kun'salilë.
Poolë fë ntwaalë Felikësë i Dëlusiilë
24Fë mbusë mwa bilumbu, Felikësë wusë kwiisë yimunë n'kasyaandi Dëlusiilë, wo wabë Zwiifë. Naandi wusë tumë mo beendë balaandë Poolë i kuwu manë naandi kun'tubë mu ciminu mu Kliistu Yeesu. 25Kasi ntaangu yo Poolë wusë ba mu kutubë bunë bufwenikini kunatë luziingu lusulëmë, lukukebilë nyitu i lufundusu lu ntwaalë yikwisë, Felikësë wusë ba lusweenu i wusë tubë : « Njeeyi kupodi kwaaku kweendë. Bunë yibakë ntaangu, miinu yi kutelë. » 26Naandi wuta lyaanë ti Poolë wukun'vaanë simboongo. Mu lyaawu, naandi wulëkun'telilaangë mu kubulë yaandi sinkuungu. 27Mivu wali yavyooci, Polësuusë Fesëtuusë wuvingënë fë ciikë ci Felikësë. Na wuuwu wuzolë kutoonzi n'timë Sizwiifë, wusë biikë Poolë mu buloko.
Attualmente Selezionati:
Mëvaangë 24: NTVIL
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2019, Wycliffe Bible Translators, Inc. and © Alliance Biblique du Congo. All rights reserved.
Mëvaangë 24
24
Lufundusu lu Poolë fë ntwaalë Felikësë
1Fë mbusë bilumbu bi taanu, n'kuluutu singangë-Nzaambi, Ananyaasë, wusë kweendë ku livulë li Sezalee yimunë mwa m'pooku mëkakëtë më Sizwiifë i lingisi limweekë, mu lizinë li Telëtuluusë. Baawu bisë ke monikë fë ntwaalë n'kuluutu Fëlikësë#24.1 23.24. mu kutambikë n'kaandë bëkesilë Poolë. 2Naandyaawu, wusë telu i Telëtuluusë wusë kun'fuundë mu ntubulu ayi : « Mweeni, Fumu kanuku mu cibilë cyaaku njeeyi tulë mu kuzingilë mu n'sikë wucyelikë i mu bungelë bu lutumu lwaaku tulë mu kumweenë simpangulu simoonë mu liboti li si be yiiyi. 3Mu makë mooso tum'bakaangë, mu ntaangu syooso i fosuku faamë beeso tuke yi luzaabu lunenë mu njeeyi. 4Kasi miinu yisye zoolë kuve ku kuvyoosi ntaangwaaku buunë. Mu bwaawu, miinu yikuloombë njeeyi, mu bunketë bwaaku, wutuyuwulu mu mwa ntaangu. 5Beeso twamonë ti, libakëlë ali, muutu simpangulu simbi beenë. Abu kukeeli n'kuluutu cinguuku ci basë Nazaleetë#24.5 Mat 2.23., naandi wun'kadaangë n'vuusu mu kati ku Sizwiifë si buloongo n'viipë. 6Naandi wusë kwelikë kusafulë n'zo-Nzaambi i beeso tusë n'kaangë. Beeso tuzoolë kun'fundisi mu mikaakiitu, 7kasi Lisyaasë, kumandë ku mësodaadi më livulë li Yelusaleemë, wuyisë i wusë m'botulë yi n'viingu wooso mu myookwiitu. 8Fë mbusë, kumandë Lisyaasë wusë vaanë n'swa ke banë bëlën'fuundë mu kwiisë fë ntwaalaaku njeeyi. Ningë beeno lum'podi kufulë muutu awu, benuveekë podi kubakulë bucyelikë mu maambu makë mooso manë beeso twan'fundilë. » 9Sizwiifë bëcikunë maambu manë Telëtuluusë wutubë i bisë tubë ti maawu mëcyelikë.
Poolë fë ntwaalë Felikësë
10Mu lyaawu, n'kuluutu wu si wusë vaanë Poolë n'swa mu kutubë i naandi wutubë : « Miinu yizabisi ti, kutoonë mpaapë mivu, njeeyi nzoonzi yinenë mu siitu. Mu lyalyooli, yim'podi kutuulë lufyaatu mu kunwaninë cikaangë cyaami fë ntwaalaaku. 11Njeeyi kupodi kucyengululu njeveekë, fë sye vyookë kuumi bilumbu byooli ko, miinu yitukilaangë ku Yelusaleemë mu kun'kuundë Nzaambi. 12Muutu vee wuyikun'takënë mu kwambilë mu n'zo-Nzaambi, kaambofo, mu kukadë n'vuusu mu nkoongë yike mu n'zo-Nzaambi i mu bizutununu bë Sizwiifë, kaambofo kun'ka mu livulë. 13Baatu aba kupodi ve kuleesi mëbooti manë yavaangë, manë baawu bëlë mu kun'fuundilë buyifanwabu. 14Lyabwiilë obo, yacikunë aliili, fë ntwaalaaku: miinu yayivaanë mu kulaandë nzilë yimoonë, yinë baawu bëlë mu kutubë ti yimbi. Kasi miinu yike mu kusalilë Nzaambi yi sinkaakë siitu i miinu yin'teelë maanë mu manë mësonëmë mu mëbuuku më n'kaakë i më mibici. 15Miinu yike yi lyaanë mu Nzaambi, dedë mweekë baawu bëke yi lyaawu mu baveekë: baatu lu moonyi, bën'vaangë mëboti, kaambofo mëbi, bën'vulumukë#24.15 Dan 12.2.. 16Mu lyalyooli, yilë mu kuvaangë mëngolo mu yosuku ntaangu i kumaangë kubakë lyaambu libi fë nduunzi Nzaambi i fë ntwaalë baatu. »
17« Bunë yavyoosi mpaapë mivu nkoonzu yin'ka, miinu yisë vutukënë ku livulë li Yelusaleemë, mu kuvaanë myooko ke mboongwaami i mu kunatë mëkabu ke Nzaambi. 18Mu lyalyooli, baawu bëkukun'zakënë ku n'zo-Nzaambi bunë yiyitakësënë n'saangu yi bulyomisi, yisye ba yi nkoongë ko yimunë miinu, kaambofo n'vuusu#24.18 21.17-28.. 19Kasi mwa mpooko Sizwiifë si libweeti li Aziiya bëba faanë. Nkanë baawu bëlëkumonikë fë ntwaalaaku bwiinji bëkun'fuundë, ningë baawu bëke lyaambu mu miinu. 20Lyabwiili obo, baatu aba bëtubë, libi mbici baawu bëmonë mu miinu bunë yabë fë ntwaalë cinzonzi ci Sizwiifë. 21Kanuku mo mu cikumë cinë miinu yitubë mu mbeembu nkamu fë ntwaalaawu : “Cibilë ti miinu yata lyaanë mu luvulumuku lu bo bëfwa, cyaawu cya kum'pangisi bubwayi kufundusu fë ntwaaliinu#24.21 23.6..” »
22Felikësë#24.22 23.24., wulëzaabaangë buboti mpaapë maambu mën'talë nzilë Fumu. Mu lyaawu, naandi wusë kuvutulë lufundusu i wusë kaambë bo bëlëfuundë Poolë: « Bunë Lisyaasë kumandë wun'kwisë, miinu yin'fundisi lyaambu liinu. » 23Naandi wusë vaanë n'swa ke n'kuluutu-mësodaadi mu kuluundë Poolë mu buloko i kum'bikilë mwa ntaangu lusyalulu mu kuvaanë bayaandi luvoto lu kun'salilë.
Poolë fë ntwaalë Felikësë i Dëlusiilë
24Fë mbusë mwa bilumbu, Felikësë wusë kwiisë yimunë n'kasyaandi Dëlusiilë, wo wabë Zwiifë. Naandi wusë tumë mo beendë balaandë Poolë i kuwu manë naandi kun'tubë mu ciminu mu Kliistu Yeesu. 25Kasi ntaangu yo Poolë wusë ba mu kutubë bunë bufwenikini kunatë luziingu lusulëmë, lukukebilë nyitu i lufundusu lu ntwaalë yikwisë, Felikësë wusë ba lusweenu i wusë tubë : « Njeeyi kupodi kwaaku kweendë. Bunë yibakë ntaangu, miinu yi kutelë. » 26Naandi wuta lyaanë ti Poolë wukun'vaanë simboongo. Mu lyaawu, naandi wulëkun'telilaangë mu kubulë yaandi sinkuungu. 27Mivu wali yavyooci, Polësuusë Fesëtuusë wuvingënë fë ciikë ci Felikësë. Na wuuwu wuzolë kutoonzi n'timë Sizwiifë, wusë biikë Poolë mu buloko.
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2019, Wycliffe Bible Translators, Inc. and © Alliance Biblique du Congo. All rights reserved.