Kuvululelwa 14
14
A Yivana ni vatirulweko va yona.
1Zonake nzi lo cuwuka nzi wona Yivana na yi yimile xitsungeni xa Zioni, na yi hi ni 144,000 lava va tsalilweko a vito ga yona ni vito ga Dadani wa yona laha zimombyeni zabye. Xip. 7:3, 4; 5:6
2Nzi lozwa a gezu ga le tilweni kotisa mati manyingi, ni kotisa guwa ga kudzinza ka hombe; ni gezu legi nzi nga gizwa gi wo khwatsi i gezu ga magubhu loku ma biwa: hi venyi va wona.
3Va wa yimbelela lisimu liswa mahlweni ka xitshamu xa wuhosi, ni mahlweni ka mune wa zimahwa zi hanyako ni manghanakana; ku wa nga hi kona munhu a zi kotako ku gonza lisimu lelo, saseka lava va 144,000, lava va xabyilweko misaveni. Xip. 5:9
4Lava hi vona va nga kala ku ti nyenyezisa hi vavasati, hakuva va basile; hi lava va lanzako Yivana ni kwihi laha yi yako kona. Va xabyilwe vanhwini a kuva mbhanzo wo ranga ka Nungungulu ni ka Yivana. 2 Kor. 11:2; Jak. 1:18; Xip. 5:9
5A ku kumiwangi mawunwa milonwini yabye; a va na nanzu. Tis. 32:2; Zef. 3:13
A kutshovelwa ka tiko.
6Zonake nzi lo wona yinwani ngelosi na yi puruma xikari ka tilo, na yi hi ni ivangeli ya pinzukelwa a kuva yiba hungu ha yona ka lava va akileko misaveni, ni ka wontihe matiko ni tixaka ni tirimi ni mifumo.
7Yiku ngalo: Chavani Nungungulu, mu mu dumisa; hakuva a xikhati xakwe xa ku lamula xi chikele. Khizamelani loyi a nga maha tilo ni misava ni bimbi ni tihlowo ta mati. Tis. 33:6; Miti. 14:15; Xip. 11:18
8Ni ngelosi yinwani ya wumbiri, yi lo lanzela, yiku: I wile, i wile, Babuloni loyi wa hombe, loyi a nwisileko matiko wontihe a vinya ga zanga ga kubhaya kakwe. Isa. 21:9; Jer. 51:7; Xip. 19:2
9Ni yinwani ngelosi, a ya wunharu yi ti lanzela, yiku hi gezu ga hombe: Loku munhu a khozela xihari ni xifananiso xa xona, a vekwa xifungo ximombyeni xakwe, kutani canjeni gakwe, Xip. 13:14-16
10yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10
11A musi wa kuxaniseka kabye wu tuvika kala kupinzuka ni kupinzuka; a va na kuhumula mumu ni wusiku lava va khozelako xihari ni xifananiso xa xona, ni wihi loyi a tekako a xifungo xa vito ga xona. Isa. 34:10
12Hi laha ku wonekako a kutimisela ka vobasa, lava va hlayisako milayo ya Nungungulu ni kukholwa ka Jesu.
13Nzi lozwa a gezu ga le tilweni, giku: Tsala uku: Va katekile a vafileko lava va felako Hosini ku sukela lezi! A Moya wuku: Ina, va ta humula mitirweni yabye, hakuva a mitiro yabye ya va lanzela. 1 Tes. 4:16; 2 Tes. 1:7; Maheb. 4:9, 10
14Nzi lo cuwuka nzi wona a refu go basa, hehla ka refu ku wa tshamile munwe wo fana ni Nʼwana wa munhu, na hi ni xidlodlo xa nzalama hlokweni yakwe, ni sikela go kariha canjeni gakwe. Dan. 7:13; Xip. 1:13
15Yinwani ngelosi yi lo huma tempeleni, yi vitana hi gezu ga hombe ka loyi a tshamileko hehla ka refu, yiku: Ruma sikela ga wena, u tshovela, hakuva a xikhati xa kutshovela xi chikele, hilezi ma womile a mavele ya misava. Jer. 51:33; Joeli 3:13; Xip. 14:10
16Loyi a nga tshamile hehla ka refu i lo hoxa sikela gakwe misaveni, ni misava yi lo tshovelwa.
17Yinwani ngelosi yi lo huma tempeleni ya le tilweni, yonawu yi wa hi ni sikela go kariha.
18Ni yinwani ngelosi yi lo huma alatini, na yi hi ni ntamu hehla ka nzilo. Yi lo vitana hi gezu ga hombe ka leyi yi nga ni sikela go kariha, yiku: Ruma a sikela ga wena go kariha, u khaya zitata za xivina xa misava; hakuva a mauva ya xona ma buvile. Joeli 3:13
19A ngelosi yi lo tsema hi sikela ga yona laha misaveni, yi khayela a mihanzu ya xivina xa misava, yi yi cheletela xigowolweni lexi xa hombe xa zanga ya Nungungulu.
20A mihanzu yi lo kamelwa lomo xigowolweni lahandle ka muti, wu huma nkhata hi lomu xigowolweni wu maha ntalo kala wu chikela matonwini ya mahaxi, a pfhuka wa 1,600 ya mastadiu. Isa. 63:3; Mik. 1:15; Maheb. 13:12
Attualmente Selezionati:
Kuvululelwa 14: TSC72
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Tshwa Bible © Bible Society in Mozambique, 1972, 2007.
Kuvululelwa 14
14
A Yivana ni vatirulweko va yona.
1Zonake nzi lo cuwuka nzi wona Yivana na yi yimile xitsungeni xa Zioni, na yi hi ni 144,000 lava va tsalilweko a vito ga yona ni vito ga Dadani wa yona laha zimombyeni zabye. Xip. 7:3, 4; 5:6
2Nzi lozwa a gezu ga le tilweni kotisa mati manyingi, ni kotisa guwa ga kudzinza ka hombe; ni gezu legi nzi nga gizwa gi wo khwatsi i gezu ga magubhu loku ma biwa: hi venyi va wona.
3Va wa yimbelela lisimu liswa mahlweni ka xitshamu xa wuhosi, ni mahlweni ka mune wa zimahwa zi hanyako ni manghanakana; ku wa nga hi kona munhu a zi kotako ku gonza lisimu lelo, saseka lava va 144,000, lava va xabyilweko misaveni. Xip. 5:9
4Lava hi vona va nga kala ku ti nyenyezisa hi vavasati, hakuva va basile; hi lava va lanzako Yivana ni kwihi laha yi yako kona. Va xabyilwe vanhwini a kuva mbhanzo wo ranga ka Nungungulu ni ka Yivana. 2 Kor. 11:2; Jak. 1:18; Xip. 5:9
5A ku kumiwangi mawunwa milonwini yabye; a va na nanzu. Tis. 32:2; Zef. 3:13
A kutshovelwa ka tiko.
6Zonake nzi lo wona yinwani ngelosi na yi puruma xikari ka tilo, na yi hi ni ivangeli ya pinzukelwa a kuva yiba hungu ha yona ka lava va akileko misaveni, ni ka wontihe matiko ni tixaka ni tirimi ni mifumo.
7Yiku ngalo: Chavani Nungungulu, mu mu dumisa; hakuva a xikhati xakwe xa ku lamula xi chikele. Khizamelani loyi a nga maha tilo ni misava ni bimbi ni tihlowo ta mati. Tis. 33:6; Miti. 14:15; Xip. 11:18
8Ni ngelosi yinwani ya wumbiri, yi lo lanzela, yiku: I wile, i wile, Babuloni loyi wa hombe, loyi a nwisileko matiko wontihe a vinya ga zanga ga kubhaya kakwe. Isa. 21:9; Jer. 51:7; Xip. 19:2
9Ni yinwani ngelosi, a ya wunharu yi ti lanzela, yiku hi gezu ga hombe: Loku munhu a khozela xihari ni xifananiso xa xona, a vekwa xifungo ximombyeni xakwe, kutani canjeni gakwe, Xip. 13:14-16
10yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10
11A musi wa kuxaniseka kabye wu tuvika kala kupinzuka ni kupinzuka; a va na kuhumula mumu ni wusiku lava va khozelako xihari ni xifananiso xa xona, ni wihi loyi a tekako a xifungo xa vito ga xona. Isa. 34:10
12Hi laha ku wonekako a kutimisela ka vobasa, lava va hlayisako milayo ya Nungungulu ni kukholwa ka Jesu.
13Nzi lozwa a gezu ga le tilweni, giku: Tsala uku: Va katekile a vafileko lava va felako Hosini ku sukela lezi! A Moya wuku: Ina, va ta humula mitirweni yabye, hakuva a mitiro yabye ya va lanzela. 1 Tes. 4:16; 2 Tes. 1:7; Maheb. 4:9, 10
14Nzi lo cuwuka nzi wona a refu go basa, hehla ka refu ku wa tshamile munwe wo fana ni Nʼwana wa munhu, na hi ni xidlodlo xa nzalama hlokweni yakwe, ni sikela go kariha canjeni gakwe. Dan. 7:13; Xip. 1:13
15Yinwani ngelosi yi lo huma tempeleni, yi vitana hi gezu ga hombe ka loyi a tshamileko hehla ka refu, yiku: Ruma sikela ga wena, u tshovela, hakuva a xikhati xa kutshovela xi chikele, hilezi ma womile a mavele ya misava. Jer. 51:33; Joeli 3:13; Xip. 14:10
16Loyi a nga tshamile hehla ka refu i lo hoxa sikela gakwe misaveni, ni misava yi lo tshovelwa.
17Yinwani ngelosi yi lo huma tempeleni ya le tilweni, yonawu yi wa hi ni sikela go kariha.
18Ni yinwani ngelosi yi lo huma alatini, na yi hi ni ntamu hehla ka nzilo. Yi lo vitana hi gezu ga hombe ka leyi yi nga ni sikela go kariha, yiku: Ruma a sikela ga wena go kariha, u khaya zitata za xivina xa misava; hakuva a mauva ya xona ma buvile. Joeli 3:13
19A ngelosi yi lo tsema hi sikela ga yona laha misaveni, yi khayela a mihanzu ya xivina xa misava, yi yi cheletela xigowolweni lexi xa hombe xa zanga ya Nungungulu.
20A mihanzu yi lo kamelwa lomo xigowolweni lahandle ka muti, wu huma nkhata hi lomu xigowolweni wu maha ntalo kala wu chikela matonwini ya mahaxi, a pfhuka wa 1,600 ya mastadiu. Isa. 63:3; Mik. 1:15; Maheb. 13:12
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Tshwa Bible © Bible Society in Mozambique, 1972, 2007.