उत्पत्ति 6:1-4

फेर जिब माणस धरती कै उप्पर घणे बढ़ण लाग्गे, अर उनकै बेटियाँ पैदा होई, फेर परमेसवर कै बेट्याँ नै माणस की बेटियाँ ताहीं देख्या, के वे सुथरी सैं; अर उननै जिस-जिसतै चाह्या उनतै ब्याह कर लिया। फेर यहोवा नै कह्या, “मेरा आत्मा माणस म्ह सदा न्ही रहवैगा, क्यूँके माणस भी देह ए सै; उसकी उम्र एक सौ बीस साल की होवैगी।” उन दिनां म्ह धरती पै दानव रह्या करदे; अर इसकै बाद जिब परमेसवर के बेट्टे माणस की बेटियाँ कै धोरै गए फेर उनकै जरिये जो बाळक पैदा होए, वे बेट्टे शूरवीर होवै थे, जिनकी चर्चा पुराणे बखत तै चाल्दी आई सै।