Jonás 2
2
Tayta Diosta Jonás manakushqan
1 1 (2) Tsawraqa pescädupa pachancho kaykarmi Tayta Diosta Jonás kayno manakurqan:
2 2 (3) <<Tayta Dios, pasaypa lakikur manakamuptïmi mayamashqanki.#2Sam. 22.7; Sal. 18.6; 120.1.
Wanunäpaqna kaykar qayakuptïmi salvamashqanki.
3 3 (4) Lamarman jitarpamaptikimi ruriyaq talpukashqä.
Lamar fiyupa pulchaqyar shamuqpis janäpami pasashqa.#Sal. 42.7; 88.3-7.
4 4 (5) Nawpaykipita qarqamashqaykitami yarpashqä.#Sal. 31.22.
Tsaynöpis yarpashqä sagrädu templuykiman imaypis manana yaykunäpaq kashqantami.
5 5 (6) Yaku pasaypa tsaparämaptinmi lamar rurincho kashqä.
Yaku rurincho qewa winamuqpis umämanmi laqakashqa.
6 6 (7) Pasaypa ruriyaqmi chayashqä.#Sal. 69.2.
Mananami yarqamunäpaq kashqanta yarpashqänatsu.
Wanunäpaqna kaykashqäpita qammi salvamashqanki, Tayta Dios.#Sal. 30.3.
7 7 (8) Wanunaykarnami qamta manakamushqä, Tayta Dios.
Manakamushqätami santu templuykipita mayamashqanki.
8 8 (9) Ïdulukunata adoraqkunaqa Diospa kuyakuyninta wasqipanmi.
9 9 (10) Noqami itsanqa lapan shonqüwan agradëcikur sacrificiukunata qampaq rupatsishaq.
Qamta promitishqätaqa lapantami cumplishaq.#Sal. 22.25.
Qamlami munayniyuq kaykanki pitapis salvanaykipaq>>.
10 10 (11) Tsaymi Tayta Dios mandaptin pescäduqa lamar kuchunman Jonásta gumitarirqan.
Attualmente Selezionati:
Jonás 2: qvmB
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2003, Wycliffe Bible Translators, Inc. All rights reserved.