Efesios 4
4
Juk shonqunöla kawanantsipaq nishqan
1Tsayno kaykaptinqa Jesucristupa wilakuyninta wilakushqäpita prësu kashpä qamkunata ruwakü Tayta Dios munashqanno imaypis kawapäkunaykipaqmi. Tsayno kawapäkunaykipaqmi Tayta Dios qayashushqanki.
2Mana yachaq tukuypa kawapäkuy, pïmaypaqpis ali shonqu kapäkuy y kuyanakur imapitapis pacienciakäriy.#Col. 3.12-13. 3Espíritu Santu yanapashushqaykinöla yärakuq mayikikunawan juk shonqula jawka kawapäkuy.
4Jesucristuman yärakuq kaqqa lapantsimi juk cuerpula kaykantsi.
Juklaylami Espíritu Santupis.
Juk salvacionlata chaskinantsipaqmi Tayta Dios qayamashqantsi.
5Juklaylami Señornintsipis.
Juklaylamanmi yärakuykantsi.
Juklaylami bautismu.
6Juklaylami Tayta Diospis.
Paymi lapantsipa Taytantsi,
lapantsitami makincho tsararaykämantsi,
lapantsitami yanapaykämantsi
y lapantsiwanmi kaykan.
7Juk cuerpula kaptintsipis juknintsi juknintsitami Jesucristo kuyakuq kar churamashqantsi payta sirvinantsipaq. 8Tsaymi Tayta Diospa palabranchöpis kayno niykan:
<<Contrankunata vincirkurmi janaman witsarqan.
Tsaypitanami runakunata yanapamurqan#Efe. 4.11.>>.#Sal. 68.18.
9Witsashqanta niptinmi tantiyantsi Jesucristo puntata kay patsaman shamushqanta. 10Kay patsaman shamushqa karpis jana patsamanmi kutikushqa. Lapanpaq munayniyuq karmi lapantapis makincho tsararaykan.
11Paymi wakinta churashqa apóstol kananpaq, wakinta profëta kananpaq, wakinta ali wilakuyninta wilakunanpaq y wakintana pastor kar yachatsikuq kananpaq. 12Paykunata Jesucristo churashqa yärakuq mayinkunata shakyätsir yachatsinanpaqmi. Tsayno yachatsiptinmi kamarikushqa karkaykanqa Tayta Dios munashqanta rurar Jesucristupa cuerpun iglesiata#4.12 Jesucristupa cuerpunpaq parlarqa payman yärakuqkunapaqmi parlaykan (1Cor. 12.13; Efe. 1.23; 4.16; 5.23, 30; Col. 1.18). lapanchöpis yanapananpaq. 13Tsayno kaptinqa lapantsi juk shonqunöla kar y Tayta Diospa Tsurinman yärakur Jesucristo kawashqanno noqantsipis kawashun.
14Tsayno kawarqa manami pishi wamranönatsu kashun pipis manakaqkunata yachatsir criyitsimänantsipaq. Tsaynöpis manami punshata wayra wakman kayman apashqannönatsu kashun. 15Tsaypa trukanqa juknintsi juknintsipis kuyanakur rasun kaqlata imaypis parlashun. Tsaynöpami Jesucristo kawashqanno noqantsipis kawapäkushun.
Jesucristo umantsi kaptin 16y noqantsi cuerpun kaptintsimi juknintsi juknintsi yanapanakunantsipaq churamantsi. Tsaymi moquntsikuna tsararänakushqanno yanapanakur#Col. 2.19. kuyanakunantsipaq tantiyakushun.
Mushuq kawayta chaskikushqantsi
17Tsayno kaptinmi Señor Jesucristupa apostolnin kar qamkunata yätsï Tayta Diosta mana chaskikuq runakunano mana kawapäkunaykipaq. Paykunaqa toqshun tsakishqa karmi 18lutankunata yarpachakurkaykan. Juiciuynaq karmi y shonqun chukruyashqa kaptinmi Tayta Dios munashqannöqa kawapäkuntsu. 19Tsaymi mana penqakuypa shonqun munashqalanta rurarkaykan. Jukwan jukwan kakurmi tukuy niraq melanaypaq jutsata rurarkaykan.#Rom. 1.21-25.
20Qamkunaqa manami tsayno kawanaykipaqtsu Jesucristupa wilakuyninta yachakärishqanki. 21Jesucristupa ali wilakuyninta rasunpa chaskikushqa kaykarqa y pay munashqanno kawanaykipaq yachakuykarqa 22nawpata kawashqaykino amana kawapäkuynatsu, sinöqa makwa röpata jitariqno unay kawashqaykita jitarqäriy.#Col. 3.9. Nawpataqa alita rurashqaykita yarparmi lutan ruraykunaman umaykikuna churakashqa karqayki. 23Kananqa Espíritu Santu tantiyatsishushqaykinöla kawapäkuy. 24Tayta Dios kashqanno qamkunapis kanaykipaqmi mushuq kamashqa runana karkaykanki. Tsayno kaykarqa Tayta Dios munashqanno jutsaynaq kawanaykipaq mushuq kawaychöna kawapäkuy.#Col. 3.10.
25Ama lulapänakuytsu.#Zac. 8.16. Lapaykipis juk aylunöla kaykarqa#Rom. 12.5. rasun kaqlata rimapäkuy.
26Rabyakurpis jutsata ama rurapäkuytsu.#Sal. 4.4; Stg. 1.19-20. Qoyaytaqa ama rabyashqala kakäriytsu. 27Rabyashqala karqa shonquykitami diabluta kichapaykanki.
28Nawpata suwakushqa karqa amana suwakäriynatsu. Suwakunaykipa trukanqa arukäriy. Tsaynöpami imalaykipis kanqa waktsakunata yanapanaykipaq.
29Ama imatapis lutankunata rimapäkuytsu. Tsaypa trukanqa runa mayikita shakyätsinaykipaq ali kaqkunalata rimapäkuy.
30Lutankunata rurar Espíritu Santuta ama lakikatsiytsu. Paymi shonquykita sëllashushqanki#2Cor. 1.22; Efe. 1.13. Jesucristo kutimunan junaq salvashqa kanaykipaq.
31Pitapis ama nanaparaytsu, rabyapaytsu ni qayapaytsu. Pipa wasantapis ama rimapäkuytsu ni manakaqkunata parlapäkuytsu. 32Tsayno kawapäkunaykipa trukanqa jukniki juknikipis kuyapänakur kawapäkuy. Jesucristo wanushqanpita Tayta Dios perdonashushqaykinöla perdonanakäriy.#Col. 3.13.
Attualmente Selezionati:
Efesios 4: qvmB
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2003, Wycliffe Bible Translators, Inc. All rights reserved.
Efesios 4
4
Juk shonqunöla kawanantsipaq nishqan
1Tsayno kaykaptinqa Jesucristupa wilakuyninta wilakushqäpita prësu kashpä qamkunata ruwakü Tayta Dios munashqanno imaypis kawapäkunaykipaqmi. Tsayno kawapäkunaykipaqmi Tayta Dios qayashushqanki.
2Mana yachaq tukuypa kawapäkuy, pïmaypaqpis ali shonqu kapäkuy y kuyanakur imapitapis pacienciakäriy.#Col. 3.12-13. 3Espíritu Santu yanapashushqaykinöla yärakuq mayikikunawan juk shonqula jawka kawapäkuy.
4Jesucristuman yärakuq kaqqa lapantsimi juk cuerpula kaykantsi.
Juklaylami Espíritu Santupis.
Juk salvacionlata chaskinantsipaqmi Tayta Dios qayamashqantsi.
5Juklaylami Señornintsipis.
Juklaylamanmi yärakuykantsi.
Juklaylami bautismu.
6Juklaylami Tayta Diospis.
Paymi lapantsipa Taytantsi,
lapantsitami makincho tsararaykämantsi,
lapantsitami yanapaykämantsi
y lapantsiwanmi kaykan.
7Juk cuerpula kaptintsipis juknintsi juknintsitami Jesucristo kuyakuq kar churamashqantsi payta sirvinantsipaq. 8Tsaymi Tayta Diospa palabranchöpis kayno niykan:
<<Contrankunata vincirkurmi janaman witsarqan.
Tsaypitanami runakunata yanapamurqan#Efe. 4.11.>>.#Sal. 68.18.
9Witsashqanta niptinmi tantiyantsi Jesucristo puntata kay patsaman shamushqanta. 10Kay patsaman shamushqa karpis jana patsamanmi kutikushqa. Lapanpaq munayniyuq karmi lapantapis makincho tsararaykan.
11Paymi wakinta churashqa apóstol kananpaq, wakinta profëta kananpaq, wakinta ali wilakuyninta wilakunanpaq y wakintana pastor kar yachatsikuq kananpaq. 12Paykunata Jesucristo churashqa yärakuq mayinkunata shakyätsir yachatsinanpaqmi. Tsayno yachatsiptinmi kamarikushqa karkaykanqa Tayta Dios munashqanta rurar Jesucristupa cuerpun iglesiata#4.12 Jesucristupa cuerpunpaq parlarqa payman yärakuqkunapaqmi parlaykan (1Cor. 12.13; Efe. 1.23; 4.16; 5.23, 30; Col. 1.18). lapanchöpis yanapananpaq. 13Tsayno kaptinqa lapantsi juk shonqunöla kar y Tayta Diospa Tsurinman yärakur Jesucristo kawashqanno noqantsipis kawashun.
14Tsayno kawarqa manami pishi wamranönatsu kashun pipis manakaqkunata yachatsir criyitsimänantsipaq. Tsaynöpis manami punshata wayra wakman kayman apashqannönatsu kashun. 15Tsaypa trukanqa juknintsi juknintsipis kuyanakur rasun kaqlata imaypis parlashun. Tsaynöpami Jesucristo kawashqanno noqantsipis kawapäkushun.
Jesucristo umantsi kaptin 16y noqantsi cuerpun kaptintsimi juknintsi juknintsi yanapanakunantsipaq churamantsi. Tsaymi moquntsikuna tsararänakushqanno yanapanakur#Col. 2.19. kuyanakunantsipaq tantiyakushun.
Mushuq kawayta chaskikushqantsi
17Tsayno kaptinmi Señor Jesucristupa apostolnin kar qamkunata yätsï Tayta Diosta mana chaskikuq runakunano mana kawapäkunaykipaq. Paykunaqa toqshun tsakishqa karmi 18lutankunata yarpachakurkaykan. Juiciuynaq karmi y shonqun chukruyashqa kaptinmi Tayta Dios munashqannöqa kawapäkuntsu. 19Tsaymi mana penqakuypa shonqun munashqalanta rurarkaykan. Jukwan jukwan kakurmi tukuy niraq melanaypaq jutsata rurarkaykan.#Rom. 1.21-25.
20Qamkunaqa manami tsayno kawanaykipaqtsu Jesucristupa wilakuyninta yachakärishqanki. 21Jesucristupa ali wilakuyninta rasunpa chaskikushqa kaykarqa y pay munashqanno kawanaykipaq yachakuykarqa 22nawpata kawashqaykino amana kawapäkuynatsu, sinöqa makwa röpata jitariqno unay kawashqaykita jitarqäriy.#Col. 3.9. Nawpataqa alita rurashqaykita yarparmi lutan ruraykunaman umaykikuna churakashqa karqayki. 23Kananqa Espíritu Santu tantiyatsishushqaykinöla kawapäkuy. 24Tayta Dios kashqanno qamkunapis kanaykipaqmi mushuq kamashqa runana karkaykanki. Tsayno kaykarqa Tayta Dios munashqanno jutsaynaq kawanaykipaq mushuq kawaychöna kawapäkuy.#Col. 3.10.
25Ama lulapänakuytsu.#Zac. 8.16. Lapaykipis juk aylunöla kaykarqa#Rom. 12.5. rasun kaqlata rimapäkuy.
26Rabyakurpis jutsata ama rurapäkuytsu.#Sal. 4.4; Stg. 1.19-20. Qoyaytaqa ama rabyashqala kakäriytsu. 27Rabyashqala karqa shonquykitami diabluta kichapaykanki.
28Nawpata suwakushqa karqa amana suwakäriynatsu. Suwakunaykipa trukanqa arukäriy. Tsaynöpami imalaykipis kanqa waktsakunata yanapanaykipaq.
29Ama imatapis lutankunata rimapäkuytsu. Tsaypa trukanqa runa mayikita shakyätsinaykipaq ali kaqkunalata rimapäkuy.
30Lutankunata rurar Espíritu Santuta ama lakikatsiytsu. Paymi shonquykita sëllashushqanki#2Cor. 1.22; Efe. 1.13. Jesucristo kutimunan junaq salvashqa kanaykipaq.
31Pitapis ama nanaparaytsu, rabyapaytsu ni qayapaytsu. Pipa wasantapis ama rimapäkuytsu ni manakaqkunata parlapäkuytsu. 32Tsayno kawapäkunaykipa trukanqa jukniki juknikipis kuyapänakur kawapäkuy. Jesucristo wanushqanpita Tayta Dios perdonashushqaykinöla perdonanakäriy.#Col. 3.13.
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2003, Wycliffe Bible Translators, Inc. All rights reserved.