Hechos 14
14
Iconio markacho wilakushqan
1Tsaypitanami Iconio markachöna Pablo y Bernabé sinagögaman yaykapäkurqan. Tsaycho shumaq wilapaptinmi Israel runakuna y mana Israel runakunapis Jesucristuman atskaq yärakärirqan. 2Mana yärakuq kaq Israel runakunami itsanqa wakin mana Israel runakunata shimita qorqan Jesúsman yärakuqkunapa contran sharkapäkunanpaq.
3Contran sharkuptinpis Pablo y Bernabéqa Tayta Diosman yärakurmi atska junaq mana mantsakuypa wilakärirqan. Salvamänantsipaq kaq wilakuynin rasunpa kashqanta musyananpaqmi Tayta Dios paykunata yanaparqan milagrukunata rurananpaq.
4Tsayno kaptinpis tsay markacho taq runakuna kikinpura apänakushpan wakinqa Israel runakunapa favornin sharkurqan y wakinnami apostolkunapa favornin sharkurqan. 5Tsawraqa Israel runakuna y mana Israel runakunapis autoridäkunawan wilanakurqan apostolkunata saqmaypa wanutsipäkunanpaq. 6Tsayta musyaykurmi Pablo y Bernabé qeshpikärirqan Listraman, Derbiman y Licaoniacho kaq wakin markakunamanpis. 7Tsay markakunachönami Tayta Diospa ali wilakuyninta wilakärirqan.
Listra markacho Pabluta saqmashqan
8Listra markachömi yurishqanpita patsa mana puriq runa karqan. Paymi jamaraykarqan 9Pablo parlashqankunata mayar. Payta rikärirmi Pablo tantiyarqan aliyänanpaq Tayta Diosman yärakuykashqanta. 10Tsawraqa lapan kalpanwan kayno nirqan: <<¡Sharkur shumaq ichiy!>>
Tsayno niptinmi jukla ichirkushpan puriyta qalaykurqan.
11Tsayta rikaykurmi runakuna kikinkunapa idiömancho kayno nipäkurqan: <<¡Dioskunami runa tukular noqantsiman shamushqa!>>
12Tsawraqa Bernabéta nipäkurqan Zeus nishqan dios kashqanta. Y Pablutana wilakuq kaptin nipäkurqan Hermes nishqan dios kashqanta.#14.12 Zeustami latín idiömachöqa Jupiter nin y Hermestanami Mercurio nin. 13Tsay marka yaykunachömi Zeus nishqan diosta adorakunan templu karqan. Apostolkunata adorananpaq törukunata pishtar rupatsiyta munapäkuptinmi tsay templucho sirviq cüra waytan walqashqa törukunata qatirqan marka punkuman.
14Tsayta tantiyaykurmi apóstol Pablo y apóstol Bernabé röpanta rachiriykushpan#Gén. 37.29; Jos. 7.6; 2Rey. 2.12; Mar. 14.63. runakuna kaqman cörriyla aywaykur kayno nipäkurqan: 15<<¡Taytakuna, ama tsayta rurapäkuytsu! Noqakunapis qamkunano runalami karkaykä. Shamushqä manakaq dioskunata kacharir imayyaqpis kawaq Tayta Diostana adoranaykipaq tantiyatsiqmi. Paymi jana patsata, kay patsata, lamarta y lapan imaykatapis kamashqa. 16Nawpataqa kikinkuna munashqannöla kawakunanpaqmi runakunata Tayta Dios kacharirqan. 17Tsayno kacharirpis pïmaytami tantiyatsin rasunpa kaq Dios kashqanta y kuyakuq kashqanta. Paymi mikuy ali wayunanpaq tamyata tamyatsimun y kushishqa kawanantsipaqpis mikuyta kamaripämantsi>>.
18Tsayno nir tantiyatsiptinpis Pabluta y Bernabéta mana adorananpaq sasataraqmi tantiyapäkurqan.
19Tsaypitanami wakin Israel runakuna Antioquíapita y Iconiupitapis Listraman chayaykur Pablupa contran sharkapäkunanpaq runakunata shimita qorqan. Paykuna nishqanta chaskiparmi Pabluta pitiqpaq saqmapäkurqan. Nirkurmi wanushqana kashqanta yarpapäkushpan qarachaypa apaykur marka waqtanman jitarirqan. 20Tsaycho discïpulukuna juntarpaykaptinmi kawarirkamur markaman Pablo kutirqan. Tsaypita jukaq junaqnami Derbe markaman Bernabéwan aywakurqan.
Pablo y Bernabé Siriaman kutishqan
21Derbiman chayaykur ali wilakuyta wilakuptinmi atska runakuna Jesúsman yärakushpan discïpulunkuna karqan. Tsaypitanami kutipäkurqan Listra, Iconio y Antioquía markakunaman. 22Tsay markakunaman chayaykurmi Jesúspa discïpulunkunata#14.22, 28 Discïpulukunapaq parlarqa Jesucristuman yärakuqkunapaqmi parlaykan. mana ajayaypa yärakunanpaq shakyätsir kayno nipäkurqan: <<Tayta Dios mandaykashqanman yaykunantsipaq nakashunraqmi>>.
23Tsaynöpis wawqi panikunata yanapananpaqmi cada iglesiacho mayor wawqikunata churarqan. Nirkurnami ayunar y Tayta Diosta manakur yärakushqan Señor Jesucristupa makinman churapäkurqan.
24Pisidia provinciapita kutirnami Panfilia provinciaman chayapäkurqan. 25Perge markacho Tayta Diospa wilakuyninta wilakurkurmi Atalia markamanpis aywapäkurqan. 26Tsaypitami büquiwan Antioquíaman kutikärirqan. Antioquíapitami puntatapis wawqi panikuna paykunata kacharqan wilakur puripäkunanpaq. Kacharmi Tayta Diosta manakärirqan paykunata yanapananpaq. 27Antioquíaman chayaykurnami wawqi panikuna juntakaptin wilaparqan Tayta Dios ali yanapashqanta. Tsaynöpis wilaparqan mana Israel runakunapis Jesucristuman yärakärinanpaq Tayta Dios kamakätsishqanta. 28Pabluwan Bernabé juk wata maslanmi tsaycho discïpulukunawan tarqan.
Attualmente Selezionati:
Hechos 14: qvmB
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2003, Wycliffe Bible Translators, Inc. All rights reserved.
Hechos 14
14
Iconio markacho wilakushqan
1Tsaypitanami Iconio markachöna Pablo y Bernabé sinagögaman yaykapäkurqan. Tsaycho shumaq wilapaptinmi Israel runakuna y mana Israel runakunapis Jesucristuman atskaq yärakärirqan. 2Mana yärakuq kaq Israel runakunami itsanqa wakin mana Israel runakunata shimita qorqan Jesúsman yärakuqkunapa contran sharkapäkunanpaq.
3Contran sharkuptinpis Pablo y Bernabéqa Tayta Diosman yärakurmi atska junaq mana mantsakuypa wilakärirqan. Salvamänantsipaq kaq wilakuynin rasunpa kashqanta musyananpaqmi Tayta Dios paykunata yanaparqan milagrukunata rurananpaq.
4Tsayno kaptinpis tsay markacho taq runakuna kikinpura apänakushpan wakinqa Israel runakunapa favornin sharkurqan y wakinnami apostolkunapa favornin sharkurqan. 5Tsawraqa Israel runakuna y mana Israel runakunapis autoridäkunawan wilanakurqan apostolkunata saqmaypa wanutsipäkunanpaq. 6Tsayta musyaykurmi Pablo y Bernabé qeshpikärirqan Listraman, Derbiman y Licaoniacho kaq wakin markakunamanpis. 7Tsay markakunachönami Tayta Diospa ali wilakuyninta wilakärirqan.
Listra markacho Pabluta saqmashqan
8Listra markachömi yurishqanpita patsa mana puriq runa karqan. Paymi jamaraykarqan 9Pablo parlashqankunata mayar. Payta rikärirmi Pablo tantiyarqan aliyänanpaq Tayta Diosman yärakuykashqanta. 10Tsawraqa lapan kalpanwan kayno nirqan: <<¡Sharkur shumaq ichiy!>>
Tsayno niptinmi jukla ichirkushpan puriyta qalaykurqan.
11Tsayta rikaykurmi runakuna kikinkunapa idiömancho kayno nipäkurqan: <<¡Dioskunami runa tukular noqantsiman shamushqa!>>
12Tsawraqa Bernabéta nipäkurqan Zeus nishqan dios kashqanta. Y Pablutana wilakuq kaptin nipäkurqan Hermes nishqan dios kashqanta.#14.12 Zeustami latín idiömachöqa Jupiter nin y Hermestanami Mercurio nin. 13Tsay marka yaykunachömi Zeus nishqan diosta adorakunan templu karqan. Apostolkunata adorananpaq törukunata pishtar rupatsiyta munapäkuptinmi tsay templucho sirviq cüra waytan walqashqa törukunata qatirqan marka punkuman.
14Tsayta tantiyaykurmi apóstol Pablo y apóstol Bernabé röpanta rachiriykushpan#Gén. 37.29; Jos. 7.6; 2Rey. 2.12; Mar. 14.63. runakuna kaqman cörriyla aywaykur kayno nipäkurqan: 15<<¡Taytakuna, ama tsayta rurapäkuytsu! Noqakunapis qamkunano runalami karkaykä. Shamushqä manakaq dioskunata kacharir imayyaqpis kawaq Tayta Diostana adoranaykipaq tantiyatsiqmi. Paymi jana patsata, kay patsata, lamarta y lapan imaykatapis kamashqa. 16Nawpataqa kikinkuna munashqannöla kawakunanpaqmi runakunata Tayta Dios kacharirqan. 17Tsayno kacharirpis pïmaytami tantiyatsin rasunpa kaq Dios kashqanta y kuyakuq kashqanta. Paymi mikuy ali wayunanpaq tamyata tamyatsimun y kushishqa kawanantsipaqpis mikuyta kamaripämantsi>>.
18Tsayno nir tantiyatsiptinpis Pabluta y Bernabéta mana adorananpaq sasataraqmi tantiyapäkurqan.
19Tsaypitanami wakin Israel runakuna Antioquíapita y Iconiupitapis Listraman chayaykur Pablupa contran sharkapäkunanpaq runakunata shimita qorqan. Paykuna nishqanta chaskiparmi Pabluta pitiqpaq saqmapäkurqan. Nirkurmi wanushqana kashqanta yarpapäkushpan qarachaypa apaykur marka waqtanman jitarirqan. 20Tsaycho discïpulukuna juntarpaykaptinmi kawarirkamur markaman Pablo kutirqan. Tsaypita jukaq junaqnami Derbe markaman Bernabéwan aywakurqan.
Pablo y Bernabé Siriaman kutishqan
21Derbiman chayaykur ali wilakuyta wilakuptinmi atska runakuna Jesúsman yärakushpan discïpulunkuna karqan. Tsaypitanami kutipäkurqan Listra, Iconio y Antioquía markakunaman. 22Tsay markakunaman chayaykurmi Jesúspa discïpulunkunata#14.22, 28 Discïpulukunapaq parlarqa Jesucristuman yärakuqkunapaqmi parlaykan. mana ajayaypa yärakunanpaq shakyätsir kayno nipäkurqan: <<Tayta Dios mandaykashqanman yaykunantsipaq nakashunraqmi>>.
23Tsaynöpis wawqi panikunata yanapananpaqmi cada iglesiacho mayor wawqikunata churarqan. Nirkurnami ayunar y Tayta Diosta manakur yärakushqan Señor Jesucristupa makinman churapäkurqan.
24Pisidia provinciapita kutirnami Panfilia provinciaman chayapäkurqan. 25Perge markacho Tayta Diospa wilakuyninta wilakurkurmi Atalia markamanpis aywapäkurqan. 26Tsaypitami büquiwan Antioquíaman kutikärirqan. Antioquíapitami puntatapis wawqi panikuna paykunata kacharqan wilakur puripäkunanpaq. Kacharmi Tayta Diosta manakärirqan paykunata yanapananpaq. 27Antioquíaman chayaykurnami wawqi panikuna juntakaptin wilaparqan Tayta Dios ali yanapashqanta. Tsaynöpis wilaparqan mana Israel runakunapis Jesucristuman yärakärinanpaq Tayta Dios kamakätsishqanta. 28Pabluwan Bernabé juk wata maslanmi tsaycho discïpulukunawan tarqan.
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2003, Wycliffe Bible Translators, Inc. All rights reserved.