Génesis 3
3
Adán yic'ot Eva tsi' ñusʌbeyob i t'añ Dios#3.0 Ili texto mi' tsictesan che' bajche' tsa' ochi mulil ti pañimil (Rm 5.12). Mi' tsictesan ja'el cha'añ wiñicob x'ixicob añʌch ti' wenta pejtelel chuqui jiñi mu' bʌ i melob yic'ot añ ti' wenta cha'añ mi yu'bin i wocolel che' ba' ora mi' ñusʌbeñob i t'añ Dios (Gl 6.7-8). Ma'añic mi' mejlel i yotsan ti' wenta yaño' bʌ pejtelel chuqui mu' bʌ i melob, mi jiñic jax mi' mejlel i yotsʌben ti' wenta jiñi xi'ba ja'el.
1Jiñi lucum ñumen p'ip' i pusic'al#3.1 Jiñi lucum… p'ip' i pusic'al: Yom mi' yʌl cha'añ jiñʌch juntiquil espíritu jontol bʌ, tsa' bʌ i c'ʌñʌ jiñi lucum cha'añ mi' cha'len lot (Jn 8.44; Ap 12.9; 20.2). bajche' pejtelel yan tac bʌ bʌte'el tsa' bʌ i mele lac Yum Dios. Jiñi lucum tsi' su'be jiñi x'ixic:
—¿Isujm ba tsi' su'beyetla Dios: “Mach yomic mi la' c'uxben i wut pejtelel jiñi te' am bʌ ti jiñi pʌc'ʌbʌl”?
2Jiñi x'ixic tsi' su'be jiñi lucum:
—Mi' mejlel j c'ux lojon i wut jiñi te' tac am bʌ ti pʌc'ʌbʌl, 3pero i wut jiñi te' am bʌ ti yojlil jiñi pʌc'ʌbʌl,#Gn 2.9 Dios tsi' yʌlʌ: “Mach mi la' c'ux,#3.3 Mach la' tʌl: Jiñʌch t'añ mach bʌ añic tsi' yʌlʌ Dios (Gn 2.17). mach la' tʌl ame chʌmiquetla.”
4Jiñi cha'añ jiñi lucum tsi' su'be jiñi x'ixic:
—Ma'añic mi caj la' chʌmel.#3.4 Ma'añic mi caj la' chʌmel: Ili t'añ tsa' bʌ i yʌlʌ jiñi lucum jiñʌch cha'añ mi' techben tilebixel bʌ i pusic'al jiñi wiñic cha'añ jiñi t'añ tsa' bʌ i yʌlʌ Dios (Gn 2.16-17). 5Come yujil Dios che' ba' ora mi la' c'uxben i wut jiñi te' mux i cajñel la' wut, lajal mi caj la' wajñel bajche' Dios, mi caj la' cʌn chuqui tac uts'at yic'ot chuqui tac jontol.
6Che' bʌ tsi' q'uele jiñi x'ixic uts'atax i wut jiñi te' cha'añ mi' c'ux, mulantic tsi' q'uele yic'ot añ i c'ʌjñibal cha'añ mi' yʌq'ueñ i ña'tʌbal, tsi' tuc'u i wut jiñi te', tsi' c'uxu; yic'ot tsi' yʌq'ue i ñoxi'al, che' jiñi tsi' c'uxu ja'el che' bajche' jiñi x'ixic.#3.6-7 Jiñi mulil jiñʌch i ñusʌntel i t'añ Dios (Gn 2.16-17; Rm 5.12,14), mach cha'añic ti' caj tsi' pi'leyob i bʌ (v. 6). 7Che' jiñi tsa' cajñiyob i wut ti' cha'ticlel, tsa' caji i q'uelob i bʌ cha'añ pits'ilob. Tsi' ts'isiyob i yopol higuera te' cha'añ mi' mosob i bʌ.#Gn 2.25
8Che' yomix bʌjlel q'uiñ, tsi' yu'biyob i t'añ lac Yum Dios che' woli ti xʌmbal ñumel ti pʌc'ʌbʌl; jiñi wiñic yic'ot i pi'ʌl tsi' mujcuyob i bʌ ti' tojlel lac Yum Dios ya' ti te'el am bʌ ti pʌc'ʌbʌl. 9Pero lac Yum Dios tsi' pejca jiñi wiñic, tsi' c'ajtibe:
—¿Baqui añet?#3.9 ¿Baqui añet?: (Gn 4.9).
10Jiñi wiñic tsi' jac'ʌ:
—Tsa' cu'bi woliyet ti t'añ ti pʌc'ʌbʌl, tsa' c cha'le bʌq'uen#3.10 Tsa' cu'bi woliyet ti t'añ ti pʌc'ʌbʌl, tsa' c cha'le bʌq'uen: Cha'añ jiñi mulil tsa' caji i quisñiñob i bʌ yic'ot tsa' caji i yu'biñob i bʌ cha'añ añobʌch i mul, jiñi cha'añ tsi' mujcuyob i bʌ ti' tojlel Dios. come pits'ilon; jiñi cha'añ tsa' c mujcu c bʌ.
11Jiñi cha'añ Dios tsi' c'ajtibe:
—¿Majqui tsi' su'beyet cha'añ pits'ilet? ¿Tsa' ba a c'uxu i wut jiñi te' tsa' bʌ c su'beyet cha'añ mach yomic ma' c'ux?
12Jiñi wiñic tsi' jac'be:
—Jiñi x'ixic tsa' bʌ a wʌq'ueyon#3.12 Jiñi x'ixic tsa' bʌ a wʌq'ueyon: Adán ma'añic tsi' ch'ʌmʌ ti' wenta i mul, tsi' yotsʌbe ti' wenta i pi'ʌl, jiñi am bʌ i mul yu'bil jiñʌch Dios, come jiñʌch tsa' bʌ i mele jiñi x'ixic. Che'ʌch isujmlel mi' loq'uel jiñi t'añ tsa' bʌ i yʌlʌ Adán. cha'añ mi' yajñel quic'ot tsi' yʌq'ueyon i wut jiñi te', tsa' j c'uxu.
13Jiñi cha'añ lac Yum Dios tsi' su'be jiñi x'ixic:
—¿Chuqui jiñi tsa' bʌ a mele?
Jiñi x'ixic tsi' yʌlʌ:
—Jiñi lucum tsi' lotiyon,#3.13 Jiñi lucum tsi' lotiyon: Che' ja'el jiñi x'ixic ma'añic tsi' ch'ʌmʌ ti' wenta i mul, tsi' sʌcla yam bʌ cha'añ mi' yʌq'ueñ ti' wenta (2 Co 11.3; 1 Tm 2.14). tsa' j c'uxu.
14Lac Yum Dios tsi' su'be jiñi lucum:
—Cha'añ ti' caj tsa' mele iliyi,
ñumen ts'a'lebilet bajche' pejtelel alʌc'ʌl
yic'ot pejtelel bʌte'el tac.
Jexecña mi caj a majlel ti a ñʌc',
yic'ot mi caj a mʌc' ts'u'bejn#3.14 Mi caj a mʌc' ts'u'bejn: Iliyi jiñʌch i yejtal i ju'sʌntel i pusic'al o i tojol i mul yic'ot i peq'uesʌntel jiñi lucum. ti pejtelel ora.
15Mi caj cʌq'ueñet la' contrajin la' bʌ jatet yic'ot jiñi x'ixic,
mi caj i contrajiñob i bʌ i p'olbal jiñi x'ixic yic'ot a p'olbal;
i p'olbal jiñi x'ixic mi caj i low a jol,#3.15 Mi caj i low a jol: Jiñi xñopt'añob mi' ch'ʌmbeñob isujm ili t'añ cha'añ jiñʌch i tsictesʌntel cha'añ mi caj i tilel Cristo cha'añ mi caj i t'uchtan jiñi xi'ba (Rm 16.20; Heb 2.14; Ap 12.17).
ixcu jatet mi caj a lowben i tuñ'oc.
16Dios tsi' su'be jiñi x'ixic:
—Mi caj c wen p'ojlesan a wocol che' cʌntʌbil a walobil.
Mi caj a cha'len bajq'uel che' mi' yilan pañimil a walobilob,
yom ma' wajñel yic'ot a ñoxi'al,#Ef 5.22-24; Col 3.18; 1 Tm 2.12; 1 P 3.1; 1 Cor 11.11-12; Gl 3.28
jiñi mi caj i su'beñet chuqui yom ma' mel.
17Dios tsi' su'be jiñi wiñic:
—Cha'añ ti' caj tsa' jac'be i t'añ a wijñam
yic'ot cha'añ tsa' c'uxu i wut jiñi te' tsa' bʌ c su'beyet: “Mach yomic ma' c'ux”,
asiyemix jiñi lum cha'añet;#3.17 Asiyemix jiñi lum cha'añet: Cha'añ ti' caj jiñi mulil tsa' tsʌts-a jiñi e'tel (Gn 2.15).
wocol jax mi caj a taj i bʌl a ñʌc' ti lum
c'ʌlʌl jinto ma' chʌmel.
18Jiñi lum mi caj i yʌq'ueñet ch'ix yic'ot wisi q'uiñ.#3.18 Jiñʌch te' tac am bʌ i ch'ixal tsa' bʌ wen coli ya' ti Palestina.
Mi caj a c'ux pimel mu' bʌ i colel ti lum.#Rm 8.20; Heb 6.8
19Mi caj a cha'len bu'lich cha'añ wersa e'tel cha'añ ma' taj a waj,
c'ʌlʌl jinto ma' sujtel ti lum,
come tsa' c meleyet ti ts'u'bejn;
ts'u'bejñet
jiñi cha'añ mi caj a cha' sujtel ti ts'u'bejn.
20Jiñi wiñic tsi' yotsʌbe i c'aba' i pi'ʌl ti Eva, come i ña'ʌch pejtelel jiñi cuxulo' bʌ. 21Lac Yum Dios tsi' melbe i bujc Adán yic'ot i bujc i pi'ʌl melbil bʌ ti pʌchi, yic'ot tsi' lʌpbeyob.#3.21 Ti ili versículo mi lac taj i p'untaya Dios ti' tojlel Adán yic'ot Eva anquese añob i mul ti' tojlel Dios, pero mi laj q'uel Dios tsi' ñusʌbeyob i mul yic'ot tsi' yʌq'ueyob i t'añ cha'añ i coltʌntelob; lajal jach mi laj q'uel tsa' bʌ i mele Dios yic'ot Caín (Gn 4.15). 22Ti wi'il lac Yum Dios tsi' yʌlʌ: “Wʌle, jiñi wiñic lajal bajche' joñonla, cʌñʌl i cha'añ chuqui tac uts'at yic'ot chuqui tac jontol; wʌle bʌbʌq'uen mi' yotsan i c'ʌb i tuc'ben i wut jiñi te' mu' bʌ i yʌq'ueñ i cuxtʌlel,#Ap 22.14 ame i c'ux cha'añ cuxul mi' yajñel ti pejtelel ora”.
23Jiñi cha'añ lac Yum Dios tsi' choco loq'uel Adán ti pʌc'ʌbʌl i c'aba' Edén, cha'añ mi' cha'len e'tel ti jiñi lum tsa' bʌ i c'ʌñʌ Dios i mel Adán. 24Dios tsi' choco loq'uel jiñi wiñic. Ya' ti jiñi pʌc'ʌbʌl i c'aba' Edén ti' tojel i pasibal q'uiñ, Dios tsi' wa'choco querubiñob bʌ ángelob, yic'ot tsi' yʌc'ʌ junts'ijt espada woli bʌ ti lejmel, woli bʌ ti wijlel ñumel cha'añ mi' mʌctañ i bijlel jiñi te' mu' bʌ i yʌq'ueñonla laj cuxtʌlel.
Attualmente Selezionati:
Génesis 3: NTCH
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Biblia de Estudio en Ch´ol de Tumbalá, Chiapas, México © Sociedad Bíblica de México A.C. Active Translation in Process
Génesis 3
3
Adán yic'ot Eva tsi' ñusʌbeyob i t'añ Dios#3.0 Ili texto mi' tsictesan che' bajche' tsa' ochi mulil ti pañimil (Rm 5.12). Mi' tsictesan ja'el cha'añ wiñicob x'ixicob añʌch ti' wenta pejtelel chuqui jiñi mu' bʌ i melob yic'ot añ ti' wenta cha'añ mi yu'bin i wocolel che' ba' ora mi' ñusʌbeñob i t'añ Dios (Gl 6.7-8). Ma'añic mi' mejlel i yotsan ti' wenta yaño' bʌ pejtelel chuqui mu' bʌ i melob, mi jiñic jax mi' mejlel i yotsʌben ti' wenta jiñi xi'ba ja'el.
1Jiñi lucum ñumen p'ip' i pusic'al#3.1 Jiñi lucum… p'ip' i pusic'al: Yom mi' yʌl cha'añ jiñʌch juntiquil espíritu jontol bʌ, tsa' bʌ i c'ʌñʌ jiñi lucum cha'añ mi' cha'len lot (Jn 8.44; Ap 12.9; 20.2). bajche' pejtelel yan tac bʌ bʌte'el tsa' bʌ i mele lac Yum Dios. Jiñi lucum tsi' su'be jiñi x'ixic:
—¿Isujm ba tsi' su'beyetla Dios: “Mach yomic mi la' c'uxben i wut pejtelel jiñi te' am bʌ ti jiñi pʌc'ʌbʌl”?
2Jiñi x'ixic tsi' su'be jiñi lucum:
—Mi' mejlel j c'ux lojon i wut jiñi te' tac am bʌ ti pʌc'ʌbʌl, 3pero i wut jiñi te' am bʌ ti yojlil jiñi pʌc'ʌbʌl,#Gn 2.9 Dios tsi' yʌlʌ: “Mach mi la' c'ux,#3.3 Mach la' tʌl: Jiñʌch t'añ mach bʌ añic tsi' yʌlʌ Dios (Gn 2.17). mach la' tʌl ame chʌmiquetla.”
4Jiñi cha'añ jiñi lucum tsi' su'be jiñi x'ixic:
—Ma'añic mi caj la' chʌmel.#3.4 Ma'añic mi caj la' chʌmel: Ili t'añ tsa' bʌ i yʌlʌ jiñi lucum jiñʌch cha'añ mi' techben tilebixel bʌ i pusic'al jiñi wiñic cha'añ jiñi t'añ tsa' bʌ i yʌlʌ Dios (Gn 2.16-17). 5Come yujil Dios che' ba' ora mi la' c'uxben i wut jiñi te' mux i cajñel la' wut, lajal mi caj la' wajñel bajche' Dios, mi caj la' cʌn chuqui tac uts'at yic'ot chuqui tac jontol.
6Che' bʌ tsi' q'uele jiñi x'ixic uts'atax i wut jiñi te' cha'añ mi' c'ux, mulantic tsi' q'uele yic'ot añ i c'ʌjñibal cha'añ mi' yʌq'ueñ i ña'tʌbal, tsi' tuc'u i wut jiñi te', tsi' c'uxu; yic'ot tsi' yʌq'ue i ñoxi'al, che' jiñi tsi' c'uxu ja'el che' bajche' jiñi x'ixic.#3.6-7 Jiñi mulil jiñʌch i ñusʌntel i t'añ Dios (Gn 2.16-17; Rm 5.12,14), mach cha'añic ti' caj tsi' pi'leyob i bʌ (v. 6). 7Che' jiñi tsa' cajñiyob i wut ti' cha'ticlel, tsa' caji i q'uelob i bʌ cha'añ pits'ilob. Tsi' ts'isiyob i yopol higuera te' cha'añ mi' mosob i bʌ.#Gn 2.25
8Che' yomix bʌjlel q'uiñ, tsi' yu'biyob i t'añ lac Yum Dios che' woli ti xʌmbal ñumel ti pʌc'ʌbʌl; jiñi wiñic yic'ot i pi'ʌl tsi' mujcuyob i bʌ ti' tojlel lac Yum Dios ya' ti te'el am bʌ ti pʌc'ʌbʌl. 9Pero lac Yum Dios tsi' pejca jiñi wiñic, tsi' c'ajtibe:
—¿Baqui añet?#3.9 ¿Baqui añet?: (Gn 4.9).
10Jiñi wiñic tsi' jac'ʌ:
—Tsa' cu'bi woliyet ti t'añ ti pʌc'ʌbʌl, tsa' c cha'le bʌq'uen#3.10 Tsa' cu'bi woliyet ti t'añ ti pʌc'ʌbʌl, tsa' c cha'le bʌq'uen: Cha'añ jiñi mulil tsa' caji i quisñiñob i bʌ yic'ot tsa' caji i yu'biñob i bʌ cha'añ añobʌch i mul, jiñi cha'añ tsi' mujcuyob i bʌ ti' tojlel Dios. come pits'ilon; jiñi cha'añ tsa' c mujcu c bʌ.
11Jiñi cha'añ Dios tsi' c'ajtibe:
—¿Majqui tsi' su'beyet cha'añ pits'ilet? ¿Tsa' ba a c'uxu i wut jiñi te' tsa' bʌ c su'beyet cha'añ mach yomic ma' c'ux?
12Jiñi wiñic tsi' jac'be:
—Jiñi x'ixic tsa' bʌ a wʌq'ueyon#3.12 Jiñi x'ixic tsa' bʌ a wʌq'ueyon: Adán ma'añic tsi' ch'ʌmʌ ti' wenta i mul, tsi' yotsʌbe ti' wenta i pi'ʌl, jiñi am bʌ i mul yu'bil jiñʌch Dios, come jiñʌch tsa' bʌ i mele jiñi x'ixic. Che'ʌch isujmlel mi' loq'uel jiñi t'añ tsa' bʌ i yʌlʌ Adán. cha'añ mi' yajñel quic'ot tsi' yʌq'ueyon i wut jiñi te', tsa' j c'uxu.
13Jiñi cha'añ lac Yum Dios tsi' su'be jiñi x'ixic:
—¿Chuqui jiñi tsa' bʌ a mele?
Jiñi x'ixic tsi' yʌlʌ:
—Jiñi lucum tsi' lotiyon,#3.13 Jiñi lucum tsi' lotiyon: Che' ja'el jiñi x'ixic ma'añic tsi' ch'ʌmʌ ti' wenta i mul, tsi' sʌcla yam bʌ cha'añ mi' yʌq'ueñ ti' wenta (2 Co 11.3; 1 Tm 2.14). tsa' j c'uxu.
14Lac Yum Dios tsi' su'be jiñi lucum:
—Cha'añ ti' caj tsa' mele iliyi,
ñumen ts'a'lebilet bajche' pejtelel alʌc'ʌl
yic'ot pejtelel bʌte'el tac.
Jexecña mi caj a majlel ti a ñʌc',
yic'ot mi caj a mʌc' ts'u'bejn#3.14 Mi caj a mʌc' ts'u'bejn: Iliyi jiñʌch i yejtal i ju'sʌntel i pusic'al o i tojol i mul yic'ot i peq'uesʌntel jiñi lucum. ti pejtelel ora.
15Mi caj cʌq'ueñet la' contrajin la' bʌ jatet yic'ot jiñi x'ixic,
mi caj i contrajiñob i bʌ i p'olbal jiñi x'ixic yic'ot a p'olbal;
i p'olbal jiñi x'ixic mi caj i low a jol,#3.15 Mi caj i low a jol: Jiñi xñopt'añob mi' ch'ʌmbeñob isujm ili t'añ cha'añ jiñʌch i tsictesʌntel cha'añ mi caj i tilel Cristo cha'añ mi caj i t'uchtan jiñi xi'ba (Rm 16.20; Heb 2.14; Ap 12.17).
ixcu jatet mi caj a lowben i tuñ'oc.
16Dios tsi' su'be jiñi x'ixic:
—Mi caj c wen p'ojlesan a wocol che' cʌntʌbil a walobil.
Mi caj a cha'len bajq'uel che' mi' yilan pañimil a walobilob,
yom ma' wajñel yic'ot a ñoxi'al,#Ef 5.22-24; Col 3.18; 1 Tm 2.12; 1 P 3.1; 1 Cor 11.11-12; Gl 3.28
jiñi mi caj i su'beñet chuqui yom ma' mel.
17Dios tsi' su'be jiñi wiñic:
—Cha'añ ti' caj tsa' jac'be i t'añ a wijñam
yic'ot cha'añ tsa' c'uxu i wut jiñi te' tsa' bʌ c su'beyet: “Mach yomic ma' c'ux”,
asiyemix jiñi lum cha'añet;#3.17 Asiyemix jiñi lum cha'añet: Cha'añ ti' caj jiñi mulil tsa' tsʌts-a jiñi e'tel (Gn 2.15).
wocol jax mi caj a taj i bʌl a ñʌc' ti lum
c'ʌlʌl jinto ma' chʌmel.
18Jiñi lum mi caj i yʌq'ueñet ch'ix yic'ot wisi q'uiñ.#3.18 Jiñʌch te' tac am bʌ i ch'ixal tsa' bʌ wen coli ya' ti Palestina.
Mi caj a c'ux pimel mu' bʌ i colel ti lum.#Rm 8.20; Heb 6.8
19Mi caj a cha'len bu'lich cha'añ wersa e'tel cha'añ ma' taj a waj,
c'ʌlʌl jinto ma' sujtel ti lum,
come tsa' c meleyet ti ts'u'bejn;
ts'u'bejñet
jiñi cha'añ mi caj a cha' sujtel ti ts'u'bejn.
20Jiñi wiñic tsi' yotsʌbe i c'aba' i pi'ʌl ti Eva, come i ña'ʌch pejtelel jiñi cuxulo' bʌ. 21Lac Yum Dios tsi' melbe i bujc Adán yic'ot i bujc i pi'ʌl melbil bʌ ti pʌchi, yic'ot tsi' lʌpbeyob.#3.21 Ti ili versículo mi lac taj i p'untaya Dios ti' tojlel Adán yic'ot Eva anquese añob i mul ti' tojlel Dios, pero mi laj q'uel Dios tsi' ñusʌbeyob i mul yic'ot tsi' yʌq'ueyob i t'añ cha'añ i coltʌntelob; lajal jach mi laj q'uel tsa' bʌ i mele Dios yic'ot Caín (Gn 4.15). 22Ti wi'il lac Yum Dios tsi' yʌlʌ: “Wʌle, jiñi wiñic lajal bajche' joñonla, cʌñʌl i cha'añ chuqui tac uts'at yic'ot chuqui tac jontol; wʌle bʌbʌq'uen mi' yotsan i c'ʌb i tuc'ben i wut jiñi te' mu' bʌ i yʌq'ueñ i cuxtʌlel,#Ap 22.14 ame i c'ux cha'añ cuxul mi' yajñel ti pejtelel ora”.
23Jiñi cha'añ lac Yum Dios tsi' choco loq'uel Adán ti pʌc'ʌbʌl i c'aba' Edén, cha'añ mi' cha'len e'tel ti jiñi lum tsa' bʌ i c'ʌñʌ Dios i mel Adán. 24Dios tsi' choco loq'uel jiñi wiñic. Ya' ti jiñi pʌc'ʌbʌl i c'aba' Edén ti' tojel i pasibal q'uiñ, Dios tsi' wa'choco querubiñob bʌ ángelob, yic'ot tsi' yʌc'ʌ junts'ijt espada woli bʌ ti lejmel, woli bʌ ti wijlel ñumel cha'añ mi' mʌctañ i bijlel jiñi te' mu' bʌ i yʌq'ueñonla laj cuxtʌlel.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Biblia de Estudio en Ch´ol de Tumbalá, Chiapas, México © Sociedad Bíblica de México A.C. Active Translation in Process