Hosea 11
11
Katɔti Ubo Bɔyɔ Ute Nwuna Bekyuli
1“Lɛ́yɔ Israel uwi ɔni na ɔdi ɔnamu na lɛ́lɔ mina ubi lɛ́siku Egyipte. 2Nsu kɔlɛ kɔlɛ kɔni na mɔɔlɔ-nwu teeboku lɛlɔ aani ubi kalɛ ni, kɔlɛ kɔmmɔ na uusié kama na mina kudɔ. Na baabla akpala teete Baal baƒiɔ na baakyula oloƒui teete ala ani na bávɔ mmɔ. 3Ami náda Israelƒuɔ kɔnu na lɛ́tina-ma kalɛ na beesié. Nsu bátanu bátati banii ami nábwi-ma. 4Ka bana lɛlɔ lɛɛda-mi kubiti na mɔɔyɔ́-ma ɔsu ni, lɛ́da-ma lɛ́kya lɛlɔ. Lɛ́gyu-ma, na lɛ́da-ma lɛ́mana mina kayi, na líbo kalɔ buɛɛ na lɛ́kya-ma adila na bádi.
5“Béni ka bani bede-mi, anwuɔsu ɔlɛka basɔ benwini besie Egyipte kalɔ lɛlɔ, na Asiria ɔdubɔdi-ma lɛlɔ. 6Ɔlɛka bekpone bekpoku-ma na bana lɛma linengudi kemmo na begyingya bana lɛma lɛban kɔyakun ƒui. Lɛni na ɔdubɔlɛku mina kadi bekyuli, ɔsika lɛla lɛni na ama bánu ka lɛdia-ma ni, ani na baabla. 7Mɔɔnu ka mina bekyuli bálɛ ugyii ka bada lɛlɔ bamami-mi lɛlɔ. Na baawia ka beti lɛlɔ bete baƒiɔ bani na baakali ka bebo ɔyikun bétulo-mi, nsu balakana-ma kebunku kadi bute.
8“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu. 9Nsɔ lɛɛɛdubo-mii kɔtu bɔni na kalɛ na mina kɔnyi kɔ́kɔ katɔ kútédu kenye, na lɛyila-mii udu, ɔsika ami ndi bina Katɔti ɔni nse kedee, na ɔɔɔdi ukyuli ɔyawine na ndi na nli-mii akɔ. Anwuɔsu nsɔ lɛɛɛdubo ku kɔnyi.
10“Mina kadi bekyuli badubɔsi ɔƒɛ kanukɔ bebo na babasiaku ami bana Unwoti kama ku bɔyia si lɛ́kwanyi aani gyata. 11Na badubɔsi Egyipte bebo aani baasɛ bani muuveyi ku usi, na bakɛ ligeen aani babloduma bani nási Asiria na lɛsɔku-ma liboku bana kesii. Ami Unwoti násu lɛni!”
12Israelƒuɔ baanyi ɔkɔ taatɔlɔ bana Unwoti Kedee ɔni mɔɔdi nwuna litemi lɛlɔ uwi biala teete bekyuli ku bana ɔkɔ etemila pii ammɔ. Na Yuda lɛnɔ unye nwuna lɛƒiɔkpa lɛlɔ.
Attualmente Selezionati:
Hosea 11: lef
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Hosea 11
11
Katɔti Ubo Bɔyɔ Ute Nwuna Bekyuli
1“Lɛ́yɔ Israel uwi ɔni na ɔdi ɔnamu na lɛ́lɔ mina ubi lɛ́siku Egyipte. 2Nsu kɔlɛ kɔlɛ kɔni na mɔɔlɔ-nwu teeboku lɛlɔ aani ubi kalɛ ni, kɔlɛ kɔmmɔ na uusié kama na mina kudɔ. Na baabla akpala teete Baal baƒiɔ na baakyula oloƒui teete ala ani na bávɔ mmɔ. 3Ami náda Israelƒuɔ kɔnu na lɛ́tina-ma kalɛ na beesié. Nsu bátanu bátati banii ami nábwi-ma. 4Ka bana lɛlɔ lɛɛda-mi kubiti na mɔɔyɔ́-ma ɔsu ni, lɛ́da-ma lɛ́kya lɛlɔ. Lɛ́gyu-ma, na lɛ́da-ma lɛ́mana mina kayi, na líbo kalɔ buɛɛ na lɛ́kya-ma adila na bádi.
5“Béni ka bani bede-mi, anwuɔsu ɔlɛka basɔ benwini besie Egyipte kalɔ lɛlɔ, na Asiria ɔdubɔdi-ma lɛlɔ. 6Ɔlɛka bekpone bekpoku-ma na bana lɛma linengudi kemmo na begyingya bana lɛma lɛban kɔyakun ƒui. Lɛni na ɔdubɔlɛku mina kadi bekyuli, ɔsika lɛla lɛni na ama bánu ka lɛdia-ma ni, ani na baabla. 7Mɔɔnu ka mina bekyuli bálɛ ugyii ka bada lɛlɔ bamami-mi lɛlɔ. Na baawia ka beti lɛlɔ bete baƒiɔ bani na baakali ka bebo ɔyikun bétulo-mi, nsu balakana-ma kebunku kadi bute.
8“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu. 9Nsɔ lɛɛɛdubo-mii kɔtu bɔni na kalɛ na mina kɔnyi kɔ́kɔ katɔ kútédu kenye, na lɛyila-mii udu, ɔsika ami ndi bina Katɔti ɔni nse kedee, na ɔɔɔdi ukyuli ɔyawine na ndi na nli-mii akɔ. Anwuɔsu nsɔ lɛɛɛdubo ku kɔnyi.
10“Mina kadi bekyuli badubɔsi ɔƒɛ kanukɔ bebo na babasiaku ami bana Unwoti kama ku bɔyia si lɛ́kwanyi aani gyata. 11Na badubɔsi Egyipte bebo aani baasɛ bani muuveyi ku usi, na bakɛ ligeen aani babloduma bani nási Asiria na lɛsɔku-ma liboku bana kesii. Ami Unwoti násu lɛni!”
12Israelƒuɔ baanyi ɔkɔ taatɔlɔ bana Unwoti Kedee ɔni mɔɔdi nwuna litemi lɛlɔ uwi biala teete bekyuli ku bana ɔkɔ etemila pii ammɔ. Na Yuda lɛnɔ unye nwuna lɛƒiɔkpa lɛlɔ.
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.