Habakuk 2
2
Unwoti Ɔ́sɔ Údie Habakuk Lɛla Lɛni Na Úye Kenye
1Ndubunye kesii kani na nnye mɔɔgyumana mmɔ ntaanu ulu lite lɛla lɛni na mina Unwoti ɔdubo-mi bɔsu na kɔnyana kɔni na muuwulo taakpali-nwu kenye.
2Mmɔ na Unwoti ɔ́su-mi ɔnini, “Ndubuti lɛla lɛni na mbo na masu-ɔ lɛsia kɔyu kemmo ala bɔnu na kɔna kemmo lɛlɔ lite-ɔ. Nweni ala ammɔ se nwaa kalɛ na ukyuli ɔnu-nya ɔka kɔnakunwi. 3Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani. 4Ukyuli biala na ɔɔtalaku lɛlɔ katɔ ulelie ngba. Nsu bani mɔɔsiaku-mi kama siin ni, badubulie ngba na bana bɔƒɔtaadi kemmo.
Ɔgbankpi Ɔdubɔsiaku Bekyuli Bekpidi
5“Ntɛ buubile ukyuli, na ulabla ala siin. Na bekyuli bani mɔɔnu lɛlɔ katɔ katɔ ni, ala elemo-ma na bátavumana ku kukpi kɔni mɔɔdú bekyuli na kulemo. Ɔsika lɛni na bana nnye búbimi buwi ka bebweli ukyuli biala. 6Nsu bekyuli badubo-ma bɔma na basu-ma banini, ‘Bɔbuɛ ute-mii! Bɛ́nya bekyuli bɛ́kya na bíyu-ma ala ani na bebo bíti bínwini amii adi bɛ́tɛ bíse lɛlɔ.’
7“Nsu bɛɛɛdubo bɔti buse asa na bekyuli bani na bɛda kɔyu badubɔta bebenye-mii lɛlɔ banii bɛƒɔ-ma bana kɔyu na binwini bekeline bani ndubo butaayia. 8Bíyu ala na lɛma linengudi ku kɔlɔ ƒui kemmo na kesi kesii, na bɛ́du bana bekyuli lɛnɔ. Na ɔƒaani ni, bani nébu badubo amii lɛnɔ kalala kani udu na bɛ́bla bekyuli bɔbla.
9“Bɔbuɛ ute-mii! Ɔsika amii nénye bekyuli lɛlɔ na bíƒie-ma ala bɛ́ƒɔ bɛ́bla lɛkɛ bíse bina bebi. Na bɛ́su ku bɔsu muedi bɛnini, ‘Ɔda bubo bɔdi buladi-bu lɛlɔ.’ 10Nsu bɛ́ya na kɔƒa bonwu kɔdubo bina bekyuli bukpo na bina ala ayii udu na ala ani na bɛ́bla bekyuli ɔsu. 11Bina kaduli atabi ku ligyii muedi badubo kenye budie bɔsiku bina ablala lɛlɔ beti badu-mii kɔtɔ.
12“Bɔbuɛ ute-mii! Ɔsika alaekpidi bonwu bɔbla ku lɛsɛ bɔkya ku bekyuli bɔdu lɛlɔ na bɛ́da bina ɔma unengudi bɛ́sia. 13Nsu Unwoti Ɔyikune Ƒui ɔɔkyula ala ani na kayawi bekyuli bébo abi kpakplaa bábla bése. 14Kalɛ na ɛpu ɔɔƒɔ́ ntu na uuyi ni, lɛni kani na bekyuli bani mɔɔbu na baayia Unwoti badubɔƒɔ kalɔ kammɔ lɛlɔ ƒui.
15“Bɔbuɛ ute amii bani muute bina bakpana ntɛ bɛnii bani bekpi na bɛnu-ma kasɔngya. 16Kɔƒa kɔdubo-mii bukpo na basɔ belemwi-mii. Ɔsika Unwoti ɔdubɔya na bɛni ntɛ bikpi na bina bakpana banu-mii kasɔngya na bɛyila ɔbu biala na bana anumi. 17Bɛ́yila egyii ku bebuo ƒui udu na Lebanon Kɔbi lɛlɔ. Na bɛ́bla kalala kani udu naaadia na lɛma kemmo ku bekyuli lɛlɔ na kesi kesii. Na ɔƒaani ni, amii na badubo liƒu bɔkya na bitaayia geen.
Lɛƒiɔkpa Lɛdi Kɔdɔlɔ Ala Bɔbla
18“Kɔsia kɔmani na baƒiɔ bebo? Ala avɔdi ku anwidi ekpludi ani na bekyuli béti bana enu bábla bálɛku ligyii ku abuala kemmo kani na adi. Na bi ɔsu na ɔlɛka ukyuli uti anu ɔsia ala ani naaatɛmi mɛni lɛlɔ? 19Bi ndi lɛla lɛni na ukyuli ɔdubɔkana na ɔtɛya ɔsiku baƒiɔ bani na béti sika ɔƒualadi ku ugyiedi bákwaa kemmo? Ala amɛni alanwuna muedi. Kɔnyana litemi bonwu lɛdi lite ukyuli ɔni ndubɔta na ɔsu baƒiɔ bamɛni ɔnini, ‘Ta nye, na abla lɛla lɛdi ete-mi.’ 20Bɛya na kayawi bekyuli ƒui babla kpoo, ɔsika Unwoti ɔkya nwuna kakpakɔ kedee kemmo.”
Attualmente Selezionati:
Habakuk 2: lef
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Habakuk 2
2
Unwoti Ɔ́sɔ Údie Habakuk Lɛla Lɛni Na Úye Kenye
1Ndubunye kesii kani na nnye mɔɔgyumana mmɔ ntaanu ulu lite lɛla lɛni na mina Unwoti ɔdubo-mi bɔsu na kɔnyana kɔni na muuwulo taakpali-nwu kenye.
2Mmɔ na Unwoti ɔ́su-mi ɔnini, “Ndubuti lɛla lɛni na mbo na masu-ɔ lɛsia kɔyu kemmo ala bɔnu na kɔna kemmo lɛlɔ lite-ɔ. Nweni ala ammɔ se nwaa kalɛ na ukyuli ɔnu-nya ɔka kɔnakunwi. 3Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani. 4Ukyuli biala na ɔɔtalaku lɛlɔ katɔ ulelie ngba. Nsu bani mɔɔsiaku-mi kama siin ni, badubulie ngba na bana bɔƒɔtaadi kemmo.
Ɔgbankpi Ɔdubɔsiaku Bekyuli Bekpidi
5“Ntɛ buubile ukyuli, na ulabla ala siin. Na bekyuli bani mɔɔnu lɛlɔ katɔ katɔ ni, ala elemo-ma na bátavumana ku kukpi kɔni mɔɔdú bekyuli na kulemo. Ɔsika lɛni na bana nnye búbimi buwi ka bebweli ukyuli biala. 6Nsu bekyuli badubo-ma bɔma na basu-ma banini, ‘Bɔbuɛ ute-mii! Bɛ́nya bekyuli bɛ́kya na bíyu-ma ala ani na bebo bíti bínwini amii adi bɛ́tɛ bíse lɛlɔ.’
7“Nsu bɛɛɛdubo bɔti buse asa na bekyuli bani na bɛda kɔyu badubɔta bebenye-mii lɛlɔ banii bɛƒɔ-ma bana kɔyu na binwini bekeline bani ndubo butaayia. 8Bíyu ala na lɛma linengudi ku kɔlɔ ƒui kemmo na kesi kesii, na bɛ́du bana bekyuli lɛnɔ. Na ɔƒaani ni, bani nébu badubo amii lɛnɔ kalala kani udu na bɛ́bla bekyuli bɔbla.
9“Bɔbuɛ ute-mii! Ɔsika amii nénye bekyuli lɛlɔ na bíƒie-ma ala bɛ́ƒɔ bɛ́bla lɛkɛ bíse bina bebi. Na bɛ́su ku bɔsu muedi bɛnini, ‘Ɔda bubo bɔdi buladi-bu lɛlɔ.’ 10Nsu bɛ́ya na kɔƒa bonwu kɔdubo bina bekyuli bukpo na bina ala ayii udu na ala ani na bɛ́bla bekyuli ɔsu. 11Bina kaduli atabi ku ligyii muedi badubo kenye budie bɔsiku bina ablala lɛlɔ beti badu-mii kɔtɔ.
12“Bɔbuɛ ute-mii! Ɔsika alaekpidi bonwu bɔbla ku lɛsɛ bɔkya ku bekyuli bɔdu lɛlɔ na bɛ́da bina ɔma unengudi bɛ́sia. 13Nsu Unwoti Ɔyikune Ƒui ɔɔkyula ala ani na kayawi bekyuli bébo abi kpakplaa bábla bése. 14Kalɛ na ɛpu ɔɔƒɔ́ ntu na uuyi ni, lɛni kani na bekyuli bani mɔɔbu na baayia Unwoti badubɔƒɔ kalɔ kammɔ lɛlɔ ƒui.
15“Bɔbuɛ ute amii bani muute bina bakpana ntɛ bɛnii bani bekpi na bɛnu-ma kasɔngya. 16Kɔƒa kɔdubo-mii bukpo na basɔ belemwi-mii. Ɔsika Unwoti ɔdubɔya na bɛni ntɛ bikpi na bina bakpana banu-mii kasɔngya na bɛyila ɔbu biala na bana anumi. 17Bɛ́yila egyii ku bebuo ƒui udu na Lebanon Kɔbi lɛlɔ. Na bɛ́bla kalala kani udu naaadia na lɛma kemmo ku bekyuli lɛlɔ na kesi kesii. Na ɔƒaani ni, amii na badubo liƒu bɔkya na bitaayia geen.
Lɛƒiɔkpa Lɛdi Kɔdɔlɔ Ala Bɔbla
18“Kɔsia kɔmani na baƒiɔ bebo? Ala avɔdi ku anwidi ekpludi ani na bekyuli béti bana enu bábla bálɛku ligyii ku abuala kemmo kani na adi. Na bi ɔsu na ɔlɛka ukyuli uti anu ɔsia ala ani naaatɛmi mɛni lɛlɔ? 19Bi ndi lɛla lɛni na ukyuli ɔdubɔkana na ɔtɛya ɔsiku baƒiɔ bani na béti sika ɔƒualadi ku ugyiedi bákwaa kemmo? Ala amɛni alanwuna muedi. Kɔnyana litemi bonwu lɛdi lite ukyuli ɔni ndubɔta na ɔsu baƒiɔ bamɛni ɔnini, ‘Ta nye, na abla lɛla lɛdi ete-mi.’ 20Bɛya na kayawi bekyuli ƒui babla kpoo, ɔsika Unwoti ɔkya nwuna kakpakɔ kedee kemmo.”
Attualmente Selezionati:
:
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.